بابكر سلك
ﻧﻰ ﻫﺎﺍﺍﺍﺍﺍﺍﺍﺍﺍﺍﺍﺍﻭ
* ﻭﺍﻟﺰﻭﻝ ﻟﻤﺎ ﻳﻌﻤﻞ ﻋﻠﻰ ﺍﻟﻘﻴﺎﻡ ﺑﻌﺪﻝ ﻗﺼﺔ ﺯﻭﻝ ﻣﻔﺮﻭﺽ ﻗﺼﺘﻮ ﻣﺎ ﺗﻜﻮﻥ ﻣﺎﻳﻠﺔ.
* ﺑﻘﻮﻟﻮﺍ ﻋﻠﻴﻬﻮ ﻋﺪﺍﻝ ﺍﻟﻘﺼﺺ ﺍﺑﻮ ﻗﺼﺔ ﻣﺎﻳﻠﺔ.
* ﻭﺃﺑﻬﺎﺕ ﻗﺼﺺ ﻣﺎﻳﻼﺕ ﺍﻟﻴﻮﻣﻴﻦ ﺩﻳﻞ ﻛﺘﺮﻭ.
* ﺩﺍﻳﺮﻳﻦ ﺣﺴﺐ ﺯﻋﻤﻬﻢ ﺍﻥ ﻳﻌﺪﻟﻮﺍ ﻗﺼﺔ ﺍﻟﻤﺮﻳﺦ ﺍﻟﺘﻰ ﺍﻣﺎﻟﻬﺎ ﺍﻟﺤﻀﺮﻯ.
* ﻭﻫﻢ ﻗﺼﺼﻬﻢ ﻣﺎﻳﻼﺕ ﻣﻴﻼﻥ ﺍﻟﻌﺪﻭ.
* ﻭﺍﺣﺪﻳﻦ ﺗﺤﺪﺛﻮﺍ ﻋﻦ ﺃﺷﻴﺎﺀ ﻧﺴﺒﻮﻫﺎ ﻟﻠﺤﻀﺮﻯ.
* ﻭﻓﻰ ﻧﻔﺲ ﺍﻟﻮﻗﺖ ﺳﻜﺘﻮﺍ ﻋﻦ ﺳﻘﻄﺎﺕ ﻛﺘﻴﻴﻴﻴﻴﻴﻴﻴﻴﻴﻴﻴﻲ ﻳﺮﺓ.
* ﺳﻘﻄﺎﺕ ﻗﺼﺼﻬﺎ ﻣﺎﻳﻠﺔ ﺯﻯ ﺍﻟﺒﺎﻧﺔ ﻭﺍﻟﺒﺎﻧﺔ ﺭﻭﻳﺎﻧﺔ.
* ﺳﻜﺘﻮﺍ ﻋﻦ ﺍﻟﺘﺴﺠﻴﻞ ﺑﻌﺪ ﻗﻔﻞ ﺍﻟﺴﻴﺴﺘﻢ.
* ﺳﻜﺘﻮﺍ ﻋﻦ ﻫﺮﻭﺏ ﻓﻠﻨﺘﺎﻳﻦ ﺍﻟﻤﺎ ﻣﻌﺮﻭﻑ ﻣﻜﺎﻧﻮ ﻭﻳﻦ.
* ﻭﺳﻜﺘﻮﺍ ﻋﻦ ﻭﺭﻭﺩ ﺍﺳﻢ ﺍﻟﻬﻼﻝ ﻓﻰ ﻛﻞ ﻋﺮﺍﺋﺾ ﺍﻟﻤﻄﺎﻟﺒﺔ ﺑﺎﻟﻨﻔﻘﺎﺕ ﻭﻣﺆﺧﺮ ﺍﻟﺼﺪﺍﻕ ﻓﻰ ﺍﻟﻔﻴﻔﺎ.
* ﺍﻟﺪﻧﻴﺎ ﻛﻠﻬﺎ ﻓﻰ ﻣﺤﻜﻤﺔ ﺍﻟﻔﻴﻔﺎ ﻣﺸﺘﻜﻴﺔ ﺍﻟﻬﻼﻝ.
* ﻳﺘﻐﻴﺮ ﺍﺳﻢ ﺍﻟﻤﺪﻋﻰ.
* ﻭﺍﻟﻤﺪﻋﻰ ﻋﻠﻴﻪ ﻭﺍﺍﺍﺍﺍﺍﺍﺍﺍﺣﺪ.
* ﻫﻮ ﺍﻟﻬﻼﻝ.
* ﻭﻟﻢ ﺗﺤﺮﻙ ﻓﻴﻬﻢ ﻣﻴﻠﺔ ﺍﻟﻘﺼﺔ ﺳﺎﻛﻦ ﻟﻴﻘﻮﻟﻮﺍ ﺍﻟﺤﻖ.
* ﻭﺳﻜﺘﻮﺍ.
* ﺛﻢ ﺳﻜﺘﻮﺍ.
* ﻋﻦ ﻏﻴﺎﺏ ﺗﺮﺍﻭﺭﻯ ﻭﺃﺻﺮﺍﺭﻩ ﻋﻠﻰ ﺍﻟﺒﻘﺎﺀ ﻭﺳﻂ ﺍﻷﻫﻞ ﻭﺍﻷﺻﺪﻗﺎﺀ.
* ﺩﻩ ﻣﺎ ﻫﻤﺎﻫﻢ.
* ﺑﺲ ﺍﻟﻬﻤﺎﻫﻢ ﺍﻧﻮ ﺍﻟﺤﻀﺮﻯ ﻗﺎﻝ ﺍﻟﺒﻠﺪ ﺩﻯ ﻣﺎ ﻓﻴﻬﺎ ﻛﻮﺭﺓ.
* ﻭﺣﺘﻰ ﻟﻮ ﺍﻟﺤﻀﺮﻯ ﻗﺎﻝ.
* ﻭﻳﻨﺎ ﻫﻰ ﻛﻮﺭﺓ ﺍﻟﺒﻠﺪ ﺩﻯ.
* ﺑﻠﺪ ﺑﺘﺠﻰ ﻓﻰ ﺗﺼﻨﻴﻒ ﺍﻟﻔﻴﻔﺎ ﺧﻠﻒ ﻣﻮﺭﻳﺘﺎﻧﻴﺎ.
* ﻭﺩﻯ ﺍﻟﺤﺘﺔ ﺍﻟﺪﺍﻳﺮﺓ ﻛﻼﻡ.
* ﻣﻮﺵ ﺍﻟﺤﻀﺮﻯ ﻗﺎﻝ ﺷﻨﻮ
* ﺍﻟﺒﻠﺪ ﺍﻛﺎﻥ ﻓﻴﻬﺎ ﻛﻮﺭﺓ ﻛﺎﻧﺖ ﺟﺎﺑﺖ ﺑﻄﻮﻻﺕ.
* ﻭﺳﻨﺔ ﺳﺒﻌﻴﻦ ﻛﺎﻧﺖ ﻓﻴﻬﺎ ﻛﻮﺭﺓ ﻋﺸﺎﻥ ﺍﻟﻤﻨﺘﺨﺐ ﺟﺎﺏ ﻛﺎﺱ ﺍﻓﺮﻳﻘﻴﺎ.
* ﻭﺳﻨﺔ ﺗﺴﻌﺔ ﻭﺗﻤﻨﻴﻦ ﻛﺎﻥ ﻓﻴﻬﺎ ﻛﻮﺭﺓ ﻋﺸﺎﻥ ﺍﻟﻤﺮﻳﺦ ﺟﺎﺏ ﻣﺎﻧﺪﻳﻼ.
* ﺍﻟﺤﻜﺎﻳﺔ ﺍﻟﺪﺍﻳﺮﺓ ﻋﺪﻟﺔ ﻗﺼﺔ.
* ﻫﻰ ﺣﻜﺎﻳﺔ ﺍﻟﻬﻼﻝ ﺍﻟﻌﻤﺮﻭ ﻣﺎ ﺟﺎﺏ ﺑﻄﻮﻟﺔ.
* ﻭﻛﺪﺓ ﻳﺒﻘﻰ ﻋﻤﺮﻭ ﻣﺎ ﻛﺎﻥ ﻋﻨﺪﻭ ﻛﻮﺭﺓ.
* ﺩﻩ ﺍﻟﻤﻮﺿﻮﻉ ﺍﻟﺪﺍﻳﺮ ﻛﻼﻡ ﻣﻦ ﻋﺪﺍﻟﻴﻦ ﺍﻟﻘﺼﺺ.
* ﻣﻮﺵ ﺍﻟﺤﻀﺮﻯ.
* ﻭﺗﻌﺠﺒﻨﻰ ﻫﻨﺎ ﻣﻘﻮﻟﺔ ﻗﺎﻟﻬﺎ ﺍﺳﺘﺎﺫﻯ ﺍﺳﻤﺎﻋﻴﻞ ﺣﺴﻦ.
* ﻓﻰ ﺣﻮﺍﺭ ﻣﻊ ﻫﻼﻻﺑﻰ.
* ﻭﺟﺪﻝ ﺑﻴﺰﻧﻄﻰ ﻃﺒﻌﺎً ﻣﻦ ﺍﻟﻬﻼﻻﺑﻰ.
* ﺍﻟﻬﻼﻻﺑﻰ ﺗﺤﺪﺙ ﻋﻦ ﺍﻟﺒﻄﻮﻻﺕ ﺍﻷﻓﺮﻳﻘﻴﺔ.
* ﺃﺳﺘﺎﺫﻧﺎ ﺍﺳﻤﺎﻋﻴﻞ ﻗﺎﻝ ﻟﻴﻬﻮ
* ﺣﻜﺎﻳﺔ ﺍﻟﺒﻄﻮﻻﺕ ﺍﻷﻓﺮﻳﻘﻴﺔ ﺩﻯ ﺧﻠﻴﻬﺎ.
* ﻷﻧﻨﺎ ﻟﻮ ﺍﺗﻜﻠﻤﻨﺎ ﺑﻠﻐﺔ ﺍﻟﺒﻄﻮﻻﺕ ﺍﻷﻓﺮﻳﻘﻴﺔ ﺗﻔﺘﻜﺮﻭﻧﺎ ﺑﻨﺘﻜﻠﻢ ﺻﻴﻨﻰ.
* ﻧﻰ ﻫﺎﺍﺍﺍﺍﺍﺍﺍﺍﺍﺍﺍﻭ.
* ﻭﺗﺎﻧﻰ ﻧﻰ ﻫﺎﺍﺍﺍﺍﺍﺍﺍﺍﺍﺍﺍﺍﺍ ﺍﺍﺍﺍﺍﺍﺍﺍﻭ.
* ﺻﻴﻨﻰ ﻳﺎ ﻋﻤﻚ.
* ﺍﻟﻤﻬﻢ.
* ﺍﻷﺟﺪﺭ ﺑﺎﻟﺤﺪﻳﺚ ﻣﻦ ﺍﺑﻮﻗﺼﺔ ﻣﺎﻳﻠﺔ ﻛﺎﻥ ﺍﻟﻜﻼﻡ ﻋﻦ ﺳﻴﺪﻯ ﺑﻴﻪ.
* ﺍﻟﻤﺎﺳﻮﺭﺓ ﺍﻟﺘﻰ ﺗﻢ ﺗﻠﻤﻴﻌﻬﺎ ﺣﺘﻰ ﺻﺎﺭﺕ ﻣﺎﺳﻮﺭﺓ )ﻗﻠﻔﻨﺎﻳﺰ ( ﻣﺎ ﺑﺘﺼﺪﻯ ﺃﺑﺪﺍً.
* ﻛﺎﻥ ﻳﺘﻜﻠﻤﻮﺍ ﻋﻦ ﻓﺸﻞ ﻛﻞ ﺍﻟﻤﺤﺘﺮﻓﻴﻦ ﺗﺒﻌﻬﻢ.
* ﺍﻟﻨﻮﻉ ﺍﺑﻮ ﺍﺭﺑﻌﺔ ﺑﻰ ﺍﻟﻒ.
* ﺳﻨﻜﺎﺭﺍ ﻭﺃﺷﺒﺎﻩ ﺳﻨﻜﺎﺭﺍ.
* ﻭﻓﻰ ﺍﻟﺬﺍﻛﺮﺓ ﺗﺼﺮﻳﺢ ﻗﻮﺩﻭﻳﻦ.
* ﺍﻟﻌﻄﺎﻟﺔ ﻭﻻ ﺍﻟﻠﻌﺐ ﻓﻰ ﺍﻟﻬﻼﻝ.
* ﻳﻌﻨﻰ ﻗﻌﺎﺩ ﺳﺎﻯ ﺃﺧﻴﺮ ﻣﻨﻜﻢ.
* ﻳﻌﻨﻰ ﺻﻤﺔ ﺍﻟﺨﺸﻢ ﺍﻓﻀﻞ ﻣﻦ ﻗﺤﺘﻜﻢ.
* ﺃﺗﻜﻠﻤﻮﺍ ﻓﻰ ﺍﻟﺤﺎﺟﺎﺕ ﺩﻯ.
* ﻭﺃﺫﺍ ﻋﺎﻟﺠﺘﻮﺍ ﻣﻴﻠﺔ ﻗﺼﺼﻜﻢ ﻋﺪﻟﻮﺍ ﻗﺼﺔ ﺍﻟﺤﻀﺮﻯ.
* ﺃﻳﻬﺎ ﺍﻟﻨﺎﺱ.
* ﺃﻧﻬﻢ ﻳﻘﺼﺪﻭﻥ ﺍﻟﺤﻀﺮﻯ.
* ﻭﺩﻯ ﻣﺎﺩﻳﺮﺓ ﻧﻘﺎﺵ.
* ﻟﻜﻦ ﺍﻟﺒﺴﺎﻃﺔ ﻓﻰ ﺍﻟﺘﻨﺎﻭﻝ ﺗﺠﻌﻞ ﺍﻟﻌﺎﻣﺔ ﻳﻀﺤﻜﻮﻥ ﻋﻠﻴﻬﻢ.
* ﻗﺎﻝ ﺃﻳﻪ.
* ﺍﻟﺤﻀﺮﻯ ﻣﺜﻞ.
* ﻃﻴﺐ ﺍﻟﺪﻡ ﺩﻩ ﺟﺎﺑﻮ ﻣﻦ ﻭﻳﻴﻴﻴﻴﻴﻴﻴﻴﻦ؟؟؟
* ﻛﺎﻥ ﺷﺎﻳﻠﻮ ﻣﻌﺎﻫﻮ ﻣﻦ ﺳﻠﺨﺎﻧﺔ ﻋﻄﺒﺮﺓ؟؟؟
* ﻭﻻ ﺭﻭﺝ ﺣﻼﻫﻮ ﺑﺎﻟﺴﻨﺮ؟؟؟
* ﻳﻔﺘﺮﺽ ﺍﻥ ﻳﻜﻮﻥ ﻓﻰ ﻣﻨﻄﻖ ﻋﻨﺪ ﺗﻨﺎﻭﻝ ﺍﻷﺷﻴﺎﺀ.
* ﺑﺎﻟﺬﺍﺕ ﺍﻥ ﻛﺎﻥ ﺍﻟﺘﻨﺎﻭﻝ ﻣﻦ ﺍﺟﻞ ﺍﻟﺤﺮﺏ.
* ﻻﺯﻡ ﺗﻜﺘﻴﻚ ﻳﻜﻮﻥ ﻣﻨﻄﻘﻰ.
* ﺃﻳﻬﺎ ﺍﻟﻨﺎﺱ.
* ﻭﻳﻦ ﻋﻴﺪ ﺍﻟﺤﺐ؟؟؟
* ﻭﻫﻞ ﻫﻮ ﻣﺸﻄﻮﺏ ﺍﻡ ﻻ.
* ﻭﻣﺸﻰ ﻛﻴﻴﻴﻴﻴﻴﻒ؟؟؟؟
* ﻭﺗﺮﺍﻭﺭﻯ ﻗﻌﺪ ﻓﻰ ﺑﻠﺪﻭ ﺑﺄﺫﻥ ﻭﻻ ﻗﻮﺓ ﻋﻴﻦ؟؟؟؟
* ﻭﺍﻟﺒﻄﻮﻻﺕ ﺍﻷﻓﺮﻳﻘﻴﺔ.
* ﻧﻰ ﻫﺎﺍﺍﺍﺍﺍﺍﺍﺍﺍﺍﺍﻭ.
* ﻳﻌﻨﻰ ﻣﺘﻴﻦ ﺣﺎ ﺗﺠﻴﺒﻮﻫﺎ ﻋﺸﺎﻥ ﺍﻟﺤﻀﺮﻯ ﺗﺎﻧﻰ ﻣﺎ ﻳﻘﻮﻝ ﺍﻟﺒﻠﺪ ﺩﻯ ﻣﺎ ﻓﻴﻬﺎ ﻛﻮﺭﺓ!!!!
* ﻣﺘﻴﻦ؟؟؟؟
* ﻭﻻ ﺣﺎﺗﻘﻌﺪﻭ ﺍﻟﻌﻤﺮ ﻛﻠﻮ ﻧﻰ ﻫﺎﺍﺍﺍﺍﺍﺍﺍﺍﺍﺍﺍﺍﺍ ﺍﺍﺍﺍﺍﺍﻭ؟؟؟؟؟
* ﺍﻟﻤﻬﻢ.
* ﺃﻳﻬﺎ ﺍﻟﻨﺎﺱ.
* ﻻﻳﺮﺩ ﺍﻟﺮﻭﺡ ﻋﻨﺪ ﺍﻟﻼﻋﺒﻴﻦ ﺃﻻ ﺗﺮﻙ ﺍﻟﺨﻴﺎﺭ ﻭﺍﻟﻔﻘﻮﺱ.
* ﻭﺍﻟﻤﺴﺎﻭﺍﺓ.
* ﻭﺍﻷﻧﻀﺒﺎﻁ..
* ﺃﻳﻬﺎ ﺍﻟﻨﺎﺱ.
* ﻻﻳﺮﺩ ﻟﻨﺎ ﺣﻘﻮﻗﻨﺎ ﻣﻦ ﺍﻷﺗﺤﺎﺩ.
* ﺃﻻ ﺍﻥ ﻧﻐﻠﺐ ﻣﺼﻠﺤﺔ ﺍﻟﻜﻴﺎﻥ ﻋﻠﻰ ﺍﻯ ﺷﺊ ﺁﺧﺮ.
* ﻓﻼ ﺃﺳﺘﻘﺮﺍﺭ ﺍﻟﻤﻮﺳﻢ ﺍﻟﺮﻳﺎﺿﻰ ﺃﺣﻖ ﺑﺎﻟﻤﺮﺍﻋﺎﺓ ﻣﻦ ﺣﻘﻮ ﺍﻟﻨﺎﺩﻯ.
* ﻭﻻ ﺗﻮﺟﺪ ﻣﺼﻠﺤﺔ ﻓﻰ ﻫﺬﻩ ﺍﻟﺤﻴﺎﺓ ﺗﺴﺘﺤﻖ ﺃﻥ ﻧﻬﺪﺭ ﻟﻬﺎ ﻣﺼﻠﺤﺔ ﺍﻟﻨﺎﺩﻯ.
* ﻭﻻ ﺗﺸﻔﻊ ﻋﻼﻗﺔ ﺷﺨﺼﻴﺔ ﻓﻰ ﺣﻘﺎﺭﺓ ﺍﻷﺗﺤﺎﺩ ﻟﻴﻨﺎ.
* ﻭﻋﻠﻰ ﻣﺠﻠﺴﻨﺎ ﺍﻥ ﻳﻀﻊ ﺍﻣﺎﻡ ﻋﻴﻨﻴﻪ ﻣﺼﻠﺤﺔ ﻭﺍﺣﺪﺓ.
* ﻫﻰ ﻣﺼﻠﺤﺔ ﺍﻟﻤﺮﻳﺦ.
* ﻭﺍﻥ ﻳﻘﺎﺗﻞ ﻣﻦ ﺍﺟﻠﻬﺎ.
* ﺍﻣﺎ ﺍﻷﻋﺘﺒﺎﺭﺍﺕ ﺍﻷﺧﺮﻯ.
* ﻓﺘﻬﺪﺭ ﻣﺼﻠﺤﺔ ﺍﻟﻜﻴﺎﻥ ﻋﻠﻰ ﻋﻴﻨﻚ ﻳﺎ ﺗﺎﺟﺮ.
* ﻭﻋﻨﺪﻫﺎ ﺃﺫﺍ ﻗﺮﺭﺕ ﺍﻟﺠﻤﺎﻫﻴﺮ ﺣﻤﺎﻳﺔ ﻣﺼﻠﺤﺔ ﺍﻟﻜﻴﺎﻥ ﺑﻤﻌﺮﻓﺘﻬﺎ.
* ﻳﻜﻮﻥ ﻗﺪ ﻓﺎﺕ ﺍﻷﻭﺍﻥ.
* ﻭﻻ ﻳﻨﻔﻊ ﺍﻟﺮﺟﺎﺀ.
* ﻭﻻ ﺗﺸﻔﻊ ﺍﻟﺘﻮﺳﻼﺕ.
* ﺃﻫﺎ.
* ﻧﺠﻰ ﻟﻰ ﺷﻤﺎﺭﺍﺕ ﻭﺍﻟﻰ ﺍﻟﺨﺮﺗﻮﻡ.
* ﺃﻛﺎﻥ ﺷﻔﺖ ﻳﺎ ﻭﺍﻟﻴﻨﺎ.
* ﺑﺘﻌﺠﺒﻨﺎ ﺍﻣﺜﺎﻝ ﺃﻫﺎﻟﻴﻨﺎ.
* ﻭﺃﻫﻠﻨﺎ ﻓﻰ ﺩﺍﺭﻓﻮﺭ ﻗﺎﻟﻮﺍ.
* ﺃﺏ ﺩﻧﻘﺎ ﺑﻰ ﻗﺪﻭﻣﻮ ﻣﺎﻟﻮ ﺑﻌﻀﻰ ﺑﻰ ﻋﻨﻘﺮﺗﻮ!!!!!
* ﻭﺃﺏ ﺩﻧﻘﺎ ﻳﺎ ﻭﺍﻟﻴﻨﺎ ﻫﻮ ﺍﻟﺤﺸﺮﺓ ﺍﻟﺘﻰ ﺗﻘﺮﺹ ﺑﻰ ﺭﻗﺒﺘﻬﺎ.
* ﺑﺘﻘﺮﺹ ﺑﺎﺣﺘﺔ ﺍﻟﺒﻴﻦ ﺍﻟﺮﺍﺱ ﻭﺍﻟﻀﻬﺮ.
* ﺯﻳﺪﻭﻫﺎ ﻳﺎ ﻭﺍﻟﻴﻨﺎ ﻭﺍﺭﻓﻌﻮﻫﺎ.
* ﻛﺘﻠﻮﻙ ﻭﻻ ﺟﻮﻙ ﺟﻮﻙ. ﺳﻠﻚ ﻛﻬﺮﺑﺎ
*ﻧﻨﺴﺎﻙ ﻛﻴﻒ ﻭﻋﺮﺑﺎﺕ ﺍﻡ ﺗﻰ ﺍﻥ ﻣﺎ ﻭﻗﻌﺖ ﻟﻴﻨﺎ ﻣﻌﻘﻮﻟﺔ ﻳﻘﻊ ﻟﻴﻨﺎ ﺍﻟﻠﻮﺗﺮﻯ!!
ﻭﺍﻟﻠﻠﻠﻠﻠﻠﻠﻠﻠﻠﻠﻞ ﻟﻠﻠﻠﻠﻰ ﻟﻘﺎﺀ
ﺳﻠﻠﻠﻠﻠﻠﻠﻠﻠﻠﻠﻠﻠﻞ ﻟﻠﻠﻠﻠﻠﻠﻠﻚ
في السلك – بابكر سلك
