بابكر سلك
يا يتعالج يا يتخارج
* عرض من ناس روشا.
* وعرض من السلاطين.
* ولأنه ملك اختار السلاطين.
* ولأنه فاضل بين العرضين.
* والفريقين.
* وجد كفة السلاطين أرجح.
* فى أول مشاركة للسلاطين فى سيكافا.
* حققوا المركز الثالث.
* ودى الهلال ماعملها فى خلال عشرة مشاركات سيكافية ألا مرة
واحدة بمساعدة جماهير المريخ بأستاد الخرطوم.
* ولأن العجب مقتنع بأن الجويات تبدأ من سيكافا.
* أختار ناس برونزية سيكافا.
* ناس روشا لى أسى ما عارفين برونز سيكافا لونو شنو.
* المهم خسروا الرهان.
* وكسب السلاطين.
* ولعل السبب الخفى أنو قروش مبيد الجندب كملت.
* أها.
* ناس روشا قالوا المريخ فى التمهيدى عشان نقاطو شوية.
* ياربى أهلى شندى ده نقط ليهو منو فى الكاف؟؟؟
* يكون الأرباب خت النقاط على الحروف هناك؟؟؟
* التصنيف يظهر فى المجموعات.
* أيام قالوا الهلال أفضل فريق أفريقياً والتانى عربياً والرابع أسيوياً(لاحظ
دى)والخامس مشترك أمريكياً شمالياً ومكسيكياً والسابع امريكياً جنوبياً.
* والثامن أسترالياً.
* ما شفتو الهلال زى الكنغر.
* كيسو فاضى.
* لاقاكم كنغر كيسو ملان؟؟؟
* المهم.
* فى الوكت داك.
* الكاف ختت مجموعتين.
* لكل مجموعة راس.
* راس المجموعة البى هناك كان النجم الساحلى.
* راس المجموعة البى جاى منو؟؟؟؟
* فى زول قدر يمد راسو.
* نحنا الراس والساس.
* فكونا من مكناتكم دى.
* المهم.
* الجماعة سجلوا وارقو.
* وارقو القالوا ماسورة.
* ووارقو ما ماسورة.
* الجماعة عارفنو ليه ما أشتغل معانا.
* وقايلين روحهم حا يزيلوا السبب ويشتغل معاهم.
* ما عارفين اننا عارفين أنهم عارفين سبب عدم شغل وارقو.
* وما عارفين اننا حالفين السبب الما شغل وارقو معانا نزيدو حبة.
* لكن ادهشنى انو وارقو جا.
* وقالوا وارقو فى اول تصريح ليهو قال سعيد ان العب الى جوار البرنس.
* الزول ده يا روشا يكون ما أستفاد من عقوبة الشرقى الخرطوم.
* ده ما كلام زول واعى.
* الزول ده ما ياهو.
* سعيد باللعب الى جوار سيدا.
* الزول ده ذكرنى عمك القالوا بجى كلو يوم راجع بيتو.
* يدقش الحيطة الفى اليمين.
* عشان يلف بالحيطة الفى الشمال.
* سنين بالطريقة دى.
* قالوا يوم أتعكش.
* أسبوعين ما مرق الشارع.
* يوم مرق ركب البص.
* دفع للبص جنيه.
* الكمسارى قال ليهو تلاتة.
* صاحبنا قال للكمسارى ليه؟
* الكمسارى قال ليهو الدولة قالت كدة.
* قال للكمسارى دولة شنو؟عبود ده طوفش ولا شنو؟؟
* زول مسطح.
* عبود الفين وتلطاشر!
* عشان كده ليهو حق يقول سعيد باللعب الى جوار سيدا.
* روشا رشوهوا بالموية.
* فى الشتاء ده يا أتعالج يا أتخارج.
* فطومة.
* ماسورة فى البرد ده ما حارة دحين!!!!
* أيها الناس.
* قولوا بالصوت العالى معايا.
* بايا…بايا…بايا.
* معلق الجزيرة فى كورة البايرن ضد الصينين قال.
* البايرن حايلعب ضد المريخ السودانى يوم تسعة يناير.
* هويا.
* بايا.
* أها.
* نجى لى شمارات والى الخرتوم.
* أكان شفت يا والينا.
* ترجف قلوبنا وأرجلنا وأيادينا.
* كملت الفينا.
* بطاطين تدفينا حكومة ما تدينا.
* دقيق فتريتا دقيق فينا.
* حكومة ما تدينا.
* البرد كتر علينا.
* حكومة ما تشتغل بينا.
* والينا.
* حكومة وين تودينا. [B]سلك كهربا[/B]
*ننساك كيف والدفن فى البرد ده أحر شى.
واللللللللللللللللللى لقاء
سللللللللللللللللللللللك
[/SIZE]
في السلك – بابكر سلك
