ولا شئ سوى اللون الأزرق

[JUSTIFY][SIZE=5]

ولا شئ سوى اللون الأزرق

* طالعتنا كثير من الصحف فى الأيام الماضية تبشر الأهلة.
* تبشرهم بأستعادة شعار الهلال.
* تبشرهم بالتسجيل والنشر فى الغازيتا.
* تبشرهم بمجلس عطا المنان القوى الذى أستطاع أن يعيد شعار الهلال المسلوب.
* المسلوب على حسب فهمهم.
* وقبلها كتبوا على لسان عطا المنان.
* أنه أى عطا المنان قد وضع موضوع الشعار أمام رئاسة الجمهورية والنائب العام ووالى الخرطوم.
* كأن هذا الشعار هو تصديق كشك يستطيع السيد الوالى أن يأخذه من شخص ليعطيه لغيره.
* طبعاً وفقاً لقرارات ولوائح محلية داخلية.
* قرأنا كل ذلك ونحن نعلم أن رئاسة الجمهورية ورئاسة القضاء وسعادة والى الخرطوم وسيادة النائب العام وقداسة البابا لا يملكون بموجب القانون أن يلغوا حقاً كفله القانون لفرد.
* وأكدت ذلك الحق المحكمة العليا.
* بحكم بات.
* باااااااااااات.
* وبات عند أهل القانون تعنى الحكم الذى أستنفذ كل طرق الطعن المتاحة.
* ضحكت كثيراً.
* لأن الحكم لو بات فى نادى الهلال لا يستطيع أحد أن يغير فيه.
* ناهيك من حكم بات بمفهوم الانون وأهل القانون.
* أيها الناس.
* مهما قالوا.
* ومهما قلنا.
* نحن دولة قانون.
* نحترم القانون ولو رغماً عن أنف اللخلفونا.
* نحترمه بأرادتنا.
* نحترمه لأننا دولة محترمة.
* ولذا مهما كانت صلة القربى.
* مهما كان ولاء أعضاء لجنة التسيير.
* لن يستطيعوا ان يأخذوا حقاً كفله القانون وأقره الدستور وقضت به المحكمة.
* ما نسب من حديث لرئيس الهلال فى هذا الموضوع حيرنا.
* لأن رئيس الهلال ليس بالجاهل.
* ورئيس الهلال ليس بالمتجوهل.
* والمتجوهل هو الشخص الذى يعلم ويعمل فيها رايح.
* هو ليس بالمتجوهل لأنه من المستحيل ان يصرح بكلام يحرج سعادة رئاسة الجمهورية.
* ونعلم تماماً أن رئيس الهلال ليس بالرجل الكذاب.
* يبقى منو القال الكلام الذى نسب للرجل؟؟
* أيها الناس.
* لجنة التسيير لم تقم بتسجيل اى شعار فى الغازيتا.
* لأن الشعار المنشور وحسب علمنا من سيد الشعار.
* أن هذا الشعار تقدم به الأمين البرير قبل أكثر من شهر من تعيين لجنة التسيير .
* فكيف تكون لجنة التسيير قد قدمته.
* ثم أن أى كائن من كان يستطيع ان يتقدم بأى علامة تجارية.
* ويقوم بنشرها فى الغازيتا.
* وله مدة محددة للطعن.
* وصاحب المصلحة فى الطعن هو صاحب الشعار المسجل بموجب شهادة تسجيل.
* وعندها يتلاشى الشعار (العلامة التجارية) المقترح.
* أيها الناس.
* يا يشتروا الشعار.
* والشراء كاش داون.
* لأنو سيد الشعار قال ما بدخل فى ديون معاكم.
* كفاية سمعتكم فى الفيفا.
* وزى ما أستطاع مجلسكم الحالى سداد مديونيات تفوق المليون دولار.
* يجهز أثنين مليون دولار تانى.
* الراجل ده ممكن يغير رأيو ويغير السعر فى حال التأخير.
* أستعجلوا شديد.
* الحاجات ماشة غالية فى البلد دى.
* ورئاسة الجمهورية تعلم بهذا الغلاء وتقدر اسبابه.
* خاص صفحة الأحمر الوهاج.
* والشعار ما عندو تسعيرة.
* تراضى.
* أن شاء الله يقول داير مليار دولار.
* دولار ينطح دولار.
* وأنا لو محل جمال بشترى الشعار.
* أن شالله أديهو لفريق فداسى يقشر بيهو.
* والزول ده لو قعد مع جمال ما بقوم بى شعارو.
* ما بقوم ألا قابض الدولار ومودع الشعار.
* أستعجلوا.
* المهم.
* الرائع يس على يس.
* بس بتاع زفة ألوان.
* بتاع الصدى.
* زول رائع جداً.
* وحقانى شديد.
* غالباً بقول الحق.
* مرات بزوغ من الحق أذا كان فيهو حك.
* لكن ما بكضب.
* ممكن يزوغ لكن ما بكضب.
* يس ده عمرو كلو بختم عمودو بعبارة ولاشئ سوى اللون الأزرق.
* كلو يوم انا بقرأ العبارة دى وما فاهم حاجة.
* لكن فهمتها بعد موضوع الشعار ده.
* يس قاصد انو الشعار حق الزول.
* ولا يبقى للهلال غير القميص.
* لمن تشيل الهلال من فنيلة الهلال.
* لاشئ سوى اللون الأزرق.
* ما فضل شئ غير اللون الأزرق.
* الهلال بقى زى راسى ده لا شعار ولاشعور.
* دلجة بس.
* صدقت يا يس.
* ما فضل ليكم غير الشعار الأزرق.
* الشعار بى سيدو.
* والشعار علامة تجارية.
* والعلامة بى سيدا.
* برضو سيدا؟؟
* كدى رجعوا سيدا بعدين رجعوا الشعار.
* آخر أغنيات الشعار.
* أقصد أغنيات الشباب.
* هدية لى يس.
* توبة توبة.
* وتانى توبة.
* لا شعارلا هلال لا بطولة******ضفر بس.
* تنسجوا الكلمات توصلوبا******بعودة الشعار غير صعوبة.
* لو ماقادرين ترجعوبا******ليه مشاعرنا بتلعبوبا.
* ضفر بس.
* فنيلتى المسكينة غدروبا*****باعوا فيها ربحوا وأشتروبا.
* مدام فى ناس زى عصمت قاسية قلوبها*****تانى من تصديق بياناتكم الف توبة.
* ضفر بس.
* مع الأعتذار للفنان الرائع بلال موسى.
* المهم.
* أستعداداتنا تجرى على قدم وساق.
* أستعداداتنا لمباراة البايرن.
* ومحمد عبدالماجد حفظه الله ورعاه متضايق.
* متضايق لدرجة قال فيهاغير(الخاء)مافى شى بيجمع بين المريخ والبايرن.
* بايرن ميونخ.
* وباللخمة ما شاف أنو الفريقان يشتركان فى الميم والراء والياء والخاء.
* يعنى فى كل حروف مريخ.
* وبيشتركوا فى الزعامة.
* وفى العالمية.
* وفى الفانيلة الحمراء.
* وفى الجويات.
* وفى مباراة الدوحة يوم تسعة يناير السنة الجديدة.
* أنتوا يا محمد بتلموا فى شعاركم متين؟؟
* نحنا زاتو زول ما عندو شعار ما يتكلم معانا.
* زول ماعندو شعار معناتو ما عندو هلال.
* ما عندو هلال بدل يقعد ساى يكتر فى الشمار.
* بالغت يا محمدعبدالماجد.
* من مشيت سيدا أنت تانى ما جمعت.
* معقولة تفوت عليك الميم والراء والياء والخاء؟؟
* أها.
* نجى لى شمارات والى الخرتوم.
* أكان شفت يا والينا.
* جاتنى رسالة فى الواتساب.
* الله يجازى الواتساب ده بيجيب بلاوى.
* الرسالة بتقول.
* أنه فى عهد امير المؤمنين فى زمن من الأزمان.
* وفى رحلة صيد.
* صوب أمير المؤمنين على عصفور فى الشجرة.
* فى شجرة يا والينا.
* فلم يصبه.
* صاح أحد الناس من الحاشية.
* أحسنت يا أمير المؤمنين.
* ألتفت أليه أمير المؤمنين آنذاك قائلاً:.
* أتسخر منى؟؟
* قال الرجل:لا والله يا أمير المؤمنين.
* لاأٍخر منك ولكنك فعلاً أحسنت صنعاً عندما لم تصب العصفور لأنك أعطيته فرصة جديدة فى الحياة.
* وقيل يا والينا منذ ذاك الوقت بدأ كسير التلج.

سلك كهربا

*ننساك كيف وماعارفين منو الكان فى رحلة الصيد وقال أحسنت.
واللللللللللللللللللى لقاء
سللللللللللللللللللللللك
#بيليه#
منقول عن صفحة الأحمر الوهاج
عذراً وليس امراً بعض القراءة اضغط لايك للبوست يصلك جديد الصفحة دوام ونحن عاجزين عن شكركم لخدمتكم الجليلة هذه

في السلك – بابكر سلك[/SIZE][/JUSTIFY]