بابكر سلك
كيف طار أحمد الفاتح؟
* وتانى أيها الناس.
* يا هوووووووووووووووى.
* يا عالم.
* يا هوووووووووووووو.
* أسمعوا ووعوا.
* أسمعوا كلامى ده كويييييس.
* طار الهلال للدوحة.
* وما بهمنا.
* وطار مع الهلال حارسه الجديد.
* الحارس القادم من بيت المال.
* أسمه حالياً أحمد الفاتح محمد احمد.
* طار الهلال وطار معه أحمد الفاتح محمد احمد.
* فهل يعنى ذلك طيران قضية العباسية؟!
* العباسية دخلها شنو أذا كانت بتعتمد على أنها فريق فى وطن
يحترم القانون.
* ومتكلة على انو الوطن ينصف.
* وأن جميع الأندية أمام الوطن سواسية.
* فتقدمت بشكواها ضد بيت المال فى أحمد الفاتح هذا.
* وهو نفسه أحمد بيتر جنطيززين.
* وهو الأسم الذى لعب به بالموردة.
* وهنا تكمن قضية العباسية.
* ويقول أهل العباسية أن أسم أحمد الفاتح محمد احمد.
* والذى نسبه اللاعب لنفسه.
* كان بناءاً على أشهاد شرعى.
* ومن المعروف أن اشهاد تصحيح الأسم لابد من أن يقدم الطالب
مستنداً يوضح ورود أسمه خطأ فى أى مستند.
* وقالوا الخطاب ده من الأتحاد العام.
* الخطاب المشى المحكمة.
* ودى دايرة وقفة.
* من أصدر ذلك الخطاب؟!
* ولماذا؟!!
* وهل لمشاركة اللاعب المعنى مع المنتخبات السنية أى دخل فى هيك موضع ؟؟
* طب مييييييين الأصدر الخطاب؟؟؟
* ناس العباسية قالوا عارفين.
* وفى الوقت المناسب.
* أن دعى داعى الفداء لن يخونوا العباسية.
* المهم.
* اللاعب المعنى.
* حارس الهلال أحمد الفاتح محمد احمد.
* سافر مع الهلال للدوحة.
* وهذا ليس الخبر.
* ولكن الخبر هو انه يواجه أتهاماً فى بلاغ أمام نيابة أمدرمان جنوب ومعه آخرون.
* فيما يتعلق برقم وطنى.
* رقم وطنى العزيز ده.
* كيف سافر الزول ده؟؟؟
* الموضوع يحتاج الى فحص وشفافية فى كشف الأمور.
* المهم.
* للعباسية قضية واضحة يا مجدى.
* وللوطن قضية واضحة يا من قمتم بتسفير شخص متهم فى بلاغ قيد النظر.
* تجاوزات كثيرة تحصل لمصلحة الهلال.
* فى الملعب تحكيمياً.
* فى أروقة الأتحاد أدارياً.
* ولكن فى قوانين الدولة.
* لا…وألف لا.
* وموسم يبدأ بمثل هذه التجاوزات أهير عدمو.
* وحقو الشجرة تلقى بظلالها فى حدود ناديها.
* وأن لا يتمدد ظل الشجرة ليشمل مساحات شمس القانون المشرقة.
* المهم.
* السبت حانقابل الفريق الروسى.
* لغة جديدة أدخلناها هذا الموسم.
* موسكوفيتس.
* عارف معناها يا محمد عبدالماجد ولا نترجم ليك على الشريط.
* طيب فولجا عارفها؟؟؟
* قلنا ليكم محليين لغات دى صعبة عليكم.
* طيب عارف معنى قورباتشوف؟؟؟
* عارفك عارف ده أسم لكن معناهو شنو؟
* أسى جمال أسم وعندو معنى ومغزى ومغرسة ومغسة.
* كمال أسم وعندو معنى.
* جميلة أسم وعندو معنى.
* أمير أسم وعندو سيدا أقصد معنى ومغسة برضو مغرسة.
* قورباتشوف معناها شنو؟؟؟
* قلت ليكم محتاجين سنتين مع عمك قوقل.
* أنا خايف عمك قوقل يقعد معاكم.
* بدل يعلمكم لغات تعلموهوا الخرخرة.
* يقوم يقول كمان الشعار ما حق عصمت.
* المحلية بتعمل أكتر من كدة.
* المحلية أجرت الدرداقات وربت الباعوض ما تعمل أكتر من كدة كيف بس؟
* أسى لو بقيتوا عالميين كان عرفتوا قورباتشوف يعنى شنو.
* بكرة الدرس الأول فى اللغة الروسية.
* عشان الكورة بعد بكرة.
* أوكرانيا يعنى شنو؟؟؟
* قلت ليكم محليين سااااى.
* أسى يا أخوانا أحمدالفاتح أو أحمد مارتن أو أى أسم.
* مسجل وطنى ولاأجنبى ولا مناطق تماس؟؟؟؟
* أتحادنا.
* قوة حرية أش..أقصد أسلامية.
* لكن سفر أحمد مارتن ده وضح انو الشجرة أتمددت شديد.
* والخوف من شجر أسمو الدبس.
* تعارف الناس على تسميته بالمؤتمر الوطنى.
* أخضرشديد.
* وبقوم سريع.
* وجذورو بتتلفلف جوة المواسير.
* يكون ياربى الدبس ده لقىالمواسير ديل وأتلفلف؟!!
* لكن.
* المحيرنى زول عندو أسماء.
* أحمد الفاتح محمد احمد.
* أحمد مارتن.
* كل دقيقة تسمية.
* ده زول ولا عشرة(ويست).
* قول عشرة ويست.
* والعباسية حالفة تسقط التسمية.
* تجيبكم داون.
* المهم.
* صديقى أحمد التجانى دلدوم.
* قال لى عندى صاحبى هلالابى شحن رصيد بى عشرة.
* وأتصل على دقيقة.
* تلفونو قطع.
* رجع شحن بخمسين وأتصل على أحمد تانى.
* قال ليهو يا أحمد ناس الأتصالات ديل بقوا حرامية.
* أحمد قال ليهو كيف يعنى؟
* قال ليهو انا شحنت بعشرة أتكلمت معاك دقيقة العشرة أتلحست.
* أحمد ضحك وقال ليهو.
* أنت قايل روحك متصل على هلالابى زيك.
* أنت متصل على مريخابى.
* عالمى..لاتكلمنى.
* وبكونوا ناس شركات الأتصالات كمبيوتراتهم قدام رقم أى مريخابى ختوا صفر.
* بقى صفرين.
* مفتاح بلد.
* عالمى.
* قلت لى موسكوفيتش يعنى شنو؟
* أها.
* نجى لى شمارات والى الخرتوم.
* أكان شفت يا والينا.
* المولد بحندك فينا.
* لا ساى بيدينا.
* ولا عندنا البشرينا.
* نفتح ليهو ونقول بدعة يا والينا؟!
* طيب السنة الجاية لو للقروش لقينا.
* وللمولد مشينا.
* يا ناس البدعة الناس كوركوا فينا.
* نقول شنو يا والينا؟
* نقول أرتدينا. سلك كهربا
* ننساك كيف ولغينا من حياة الشفع حتى حلاوة المولد.
والى لقاء**********سلك
لن ننساااااااااااااااااااااااااااااااااااااك
في السلك – بابكر سلك
