نجدو نارودنى

[CENTER][B][SIZE=5] نجدو نارودنى [/SIZE][/B][/CENTER] [SIZE=5] * الليلة السبت.
* يوم حصة اللغة الروسية.
* قبل الحصة نمشى لى فسحة مع الرديف.
* بالأمس لعب الرديف.
* رديفنا.
* بطل اول دورى رديف فى السودان والدول المجاورة.
* لعبنا ضد رديف هلال كادقلى دورياً.
* تقدم أولاد كادقلى بالهدف الأول.
* أنتهى الشوط الأول بخسارتنا بهدف.
* ولأن الشفوت كانوا كعادتهم حول الرديف.
* تبدل الحال فى الشوط الثانى.
* كل الشفوت كانو حضوراً.
* أداريا الفريق طارق كان موجوداً.
* وحتى ناس المكتب التنفيذى.
* حسن يوسف شكل حضوراً أنيقاً.
* وكذا الأقطاب.
* والجمهور الشفت.
* قدامى اللاعبين حضوراً قوياً وأنيقاً.
* الأعلام طبعاًكان موجوداً.
* تمثيل لكل الصحف الحمراء.
* وتبدل الحال.
* العز أهل.
* عادلنا عن طريق جراهام.
* ضربة جزاء احتسبها الحكم بعد ان تغاضى عن تلاتة قبلها وأربعة بعدها!!
* وأحرز حسين أجمل الأهداف من مخالفة خارج الخط.
* هلال كادقلى كان قوياً ومنظماً وأنيقاً ورائعاً.
* وبعثته فى تمام الأنضباط.
* أداؤهم قوى.
* ولكن حظهم عاثر.
* عاثر لأنه رماهم أمام المريخ الشفت.
* أيها الناس.
* حال التحكيم كالعادة لا يطمئن.
* ولاتربوا الصغار على مثل هذا التحكيم.
* يجب ان يتربوا على نزاهة وشطارة التحكيم.
* وأن يقتنعوا بأن الحكم يعطى لكل ذى حقٍ حقه.
* وأنه أذا أخطأ يخطئ بحسن نية.
* وخطأ لا يؤثر فى النتيجة ولا على الأداء ولا يعمل على أخراج الجماهير الواعية عن وعيها.
* الحتة دى دايرة وقفة.
* وبرز الكثير من نجوم الرديف الجدد.
* وشد أنتباهى رقم سبعة.
* أسمه النور.
* روحه روح مريخنا الرائد.
* يسكك لما تعرف حاجة.
* الجماهير أطلقت عليه لقب روبن.
* روبن بتاع البايرن.
* الجماهير ذاتها بقت عالمية.
* المهم.
* أنتصرنا بحمدلله.
* ومبروك للجهاز الفنى بدرالدين وأبوحشيش.
* أها.
* الجرس ضرب.
* بدت حصة اللغة الروسية.
* ومطلوب من دكتورة سمية رئيسة الشعبة بتاعت اللغة الروسية بالجامعة ان تتابعنا.
* دوبرى دين.
* ماتردوا..مالكم ساكتين.
* روشا.
* بنسلم عليكم.
* قلنا ليكم طاب يومكم.
* دوبرى دين بالروسى يعنى طاب يومكم.
* ردوا قولو لينا دوبرى أى حاجة.
* خلوا بالكم كويس.
* قولوا وراى.
* نجدو ناردونى..نجدو ناردونى..أها..كمان..شديد.
* كلنا مع بعض.
* تانى.
* بصوت واحد.
* نجدو ناردونى.
* كمان.
* جميل.
* نجدو ناردونى يعنى عالمى.
* ولما يقابلك مريخابى يقول ليك(نجدو ناردونى).
* يعنى انا عالمى.
* وعرفنا انو نجدو ناردونى يعنى عالمى.
* يبقى(يا)معناها أنا.
* زى Iam.
* Iam ذاتها ماعارفنها؟!
* بالغتوا يا روشا!!
* المحلية دى بتطلعكم من الجنة وسقطها.
* راندوك بس ياروشا!!!!
* برضو معناها أنا.
* كماندا.
* قولوا وراى.
* كماندا.
* مع بعض.
* كماندا.
* مرة تانى.
* كماندا.
* كماندا بالروسى يعنى فريق.
* طيب.
* عرفنا عالمى وانا وفريق .
* منو البقدر يقول أنا فريق عالمى؟!!!
* أتفضلى يا فطومة.
* يا نجدو نارادونى كماندا.
* شاطرة يا فطومة.
* وكت بتعرفى روسى قدر ده المقعدك مع الطير فى المحلية شنو؟؟؟
* الرندوك ده بيعوج لسانك.
* بجيب خبرك.
* أيها الناس.
* طبعاً معروف انو البميز المريخ العالمى هو البطولات الجوية.
* تعالوا مع بعض فى حصة الليلة نعرف بطولات عالمية بالروسى يعنى شنو؟
* خلى بالك.
* عرفنا انو نجدو ناردونى تعنى عالمى.
* وعشان نقول بطولات عالمية بالروسى.
* نخت نجدو ناردونى أول.
* ونجيب بعدها بطولات بالروسى.
* عشان تبقى بطولات عالمية.
* تبقى الجملة.
* نجدو ناردونى جمنيون.
* قولوا وراى.
* جمنيون.
* كلنا مع بعض.
* جمنيون.
* واضح يا روشا.
* نجى لى حتة جديدة.
* فى كلمة بالروسى.
* بتقول.
* تسار.
* قولوا وراى.
* تسار..تسار..تسار.
* تسار تعنى الأمير.
* برنس يعنى.
* الكلمة دى مالكم غلبتكم يا محمدعبدالماجد.
* تسار.
* ركزوا عليها شديد.
* المهم.
* فى كلمة تانى.
* ميسنى.
* ميسنى.
* ميسنى.
* ميسنى يعنى محلى.
* وأذا حذفنا النون تبقى ميسى.
* شفتوا الهلال ده قريب من العالمية كيف؟!
* بالروسى قريب جداً.
* الهلال محلى.
* ومحلى بالروسى ميسنى.
* يبقى الهلال ميسنى.
* شيل من ميسنى النون.
* تبقى ميسى.
* وميسى عالمى.
* ذيو وذى فيليب لام وموسى الزومة.
* كلهم عالميين.
* والهلال بالروسى لو داير يبقى عالمى يشيل النون.
* والنون بالروسى هى صفر.
* يعنى الهلال يشيل الصفر يبقى عالمى بالروسى.
* أو يجيب صفر تانى مع الصفر العندو يبقى صفرين.
* وصفرين عالمى عند ناس التلفونات.
* يبقى الهلال يجيب صفر تانى أسهل من يشيل الصفر العندو.
* يبقى صفرين ويلعب فى دورى ناس زين بتاع الأقسام بتاعت الشركة.
* حانواصل فى السبت الجاى درس اللغة الروسية.
* المهم.
* اليوم نقابل الفريق الروسى.
* لغة جديدة تدخل مجمع اللغات بتاع الزعيم.
* وفى أحتمال اللغة الأيطالية تدخل فى الأسبوع ده.
* وين يا ناس الراندوك يا ناس روشا.
* أترندكى.
* أها.
* نجى لى شمارات والى الخرطوم.
* أكان شفت يا والينا.
* فى أتنين بتاعين بحر.
* جو ماشين جنب واحة الخرطوم.
* واحد قال للتانى دى عمارة منو؟؟؟
* التانى قال ليهو ما عارفها لكن بتكون عمارة ناس الحكومة.
* الأول قال ليهو وناس الشعب ديل ما عندهم فيها نصيب؟؟؟
* التانى قال ليهو:عندهم نصيبهم فيها الدهشة.

[B]سلك كهربا[/B]

* ننساك كيف والدهشة هى نصيبنا يومياً مما يصيبنا.
والى لقاء**********سلك
لن ننساااااااااااااااااااااااااااااااااااااك
[/SIZE]

في السلك – بابكر سلك