صقر قريش 8/1000 فو هونغ وسنكيت

> رواد مسلسل صقر قريش منتظرين على احر من الجمر
> ولكن مزمل الله يجازي محنو غطس في النت ومرق بي فو هونغ
> شركة مستلزمات الاطفال
> حفاظات ومرايل وغشاشات
> ولكن اخي مزمل مافي داعي للاستغراب
> فشركة فو هونغ تصنع الغشاشات برضو
> يمكن كردنه تعاقد معها علي غشاشات
> اي هلالابي يقول وين الجوهرة
> يليسوا ليهو غشاشه في قدومو البسأل ده
> وكان بكري جري علي قونهم
> الحفاظات قاااااعده
> والكشاكيش لزوم كسير التلج
> الشركة دي دحين ما بتصنع مشايات يا ميزو؟؟؟
> عشان لو بتصنع مشيات حقو كردنه يطلب منها اربعه للضباط الاربعة
> يركبوا فيها ويمشوا
> الاهله الشرفاء ملو شديييييييييد
> معقوله زول يتعاقد علي بناء استاد مع شركة تصنيع مستلزمات الاطفال ؟؟؟
> فعلا كردنه مهتمي بالنئ
> عشان كده تعاقد مع شركة لتصنيع مستلزمات الاطفال
> وشركة صينيه كمان
> يعني منتجاتها تقليد ما اصليه
> عشان كده التقليد بدأ من حجر الاساس
> قريتوا الكاردينال مكتوبه كيف ؟؟؟؟؟
> في الاسم قلدوا غلط
> غايتو لي قدام ما تقيفوا جمب الحيط
> يقع فيكم بامبرس كمان يكتم نفسكم
> المهم
> على صفحات الجوهره الرياضيه
> وفي العدد الثامن الصادر في تاريخ 19 يناير 2015
> وفي لقاء بكردنه قال
> تكلفة الجوهره الرياضيه 51 مليار
> اسي قالوا اربعين
> الدولار نزل يا ربي
> ولا تغيير الشركة المنفذة لشركة تصنيع لعب الاطفال قلل التكلفه ؟؟
> عماد الطيب
> يا عماد الطيب
> جيب معاك سوبر ماريو من الشركه الصينيه
> عليكم الله
> قريتوا حجر الاساس مكتوب فيهو شنو ؟؟؟؟
> من حجر الاساس غلط
> خلي بالك لعب الاطفال دي حاتوديكم في داهيه
> عليكم الله جيبوا معاكم غشاشه لصديقي شجرابي
> مطالب شجرابي مستحيله
> غشوهوا سااااااي
> لكن الكشاكيش قسموها لي ناس روشا
> ناس روشا بحبوا يكشكشوا
> يا ناس
> الدكاكين الفي سور استاد الهلال لي اسي شغاله
> عمليات البناء حاتتم كيف ؟؟؟
> الجقور مازالت ساكنه
> ابنوا عشان تقرض ليكم (الدمي ) دميه دميه
> داير لي غشاشه
> المهم
> ده الموضوع الاخر علينا المواصله في موضوع صقر قريش
> وزي ما عندنا اتنين صقر قريش يا مزمل
> واحد بتاع مسرحية المهرج
> وواحد بتاع الاختلاس
> يمكن يكون في اتنين فو هونغ
> فوفيييييين هونغيييييييييين
> ويمكن فو هونغ بالصيني معناها صقر قريش يا مزمل
> صقر قريش صيني
> تقليد
> بختهم الصينيين
> صقر قريش بتاعهم تقليد
> يعني ما بختلس شديد
> بختلس تقليد
> المهم
> عاد الزعيم للاعداد بعد الراحه
> مزيد من الجديه
> نضع التأهل هدفا لنا
> التأهل ما لعب شفع
> ولا فو هونغ ساي
> التأهل كلام ناس كبار
> لازم نتأهل
> ونعمل للتأهل
> ونصرف النظر عن المعوقين والمعوقات
> المعوقات ما بعوقنا ولا بتعوقنا
> ممكن نوقفها عند حدها بي غشاشه
> نخليها تتلهي بيها
> المهم
> تكريم الوالي فرض عين
> ولازم يكون قدر الرجل القامه
> ما نستعجل فيهو
> وما نغشوا
> الغشاشات ما حبابها
> نعمل ليهو مهرجان كبير
> ايها الناس
> بعد تصل غشاشات الصين
> دحين الاسم ما بتغير لي حديقة الطفل؟
> بختنا
> حديقة الطفل بقت جمبنا
> ايها الناس
> علمتني امي
> وقالت لي اياك والسنكيت فإنه يقتل قلب الرجل، بالنسبه للمرأة ما مشكلة اصلها قلبها ميت وحنين
> قلت ليها يا امي
> كنت مفتكر الشهامه والمروءه والندي في سنكيت كبييييييييييير
> اتاريهو بكتل قلب الرجال
> يادوب فهمت يا امي
> الغريبه السنكيت في اطراف العاصمه راقد بشده وبالشطه
> حاااااار
> يا ربي الصينيين ما بصنعوا سنكيت لعبة؟؟
> ايها الناس
> ان تنصروا الله ينصركم
> اها
> نجي لي شمارات والي الخرتوم
> كان شفت يا والينا
> اللحم غالي علينا
> وبيت الكلاوي في وحشة لينا
> وسنكيت عشرين تور حلو حلا يا والينا
> لكن بعرف ناسو ونحنا ما بجينا
سلك كهربا

ننساك كيف والتور أب جاعوره يجي ماشي يحندكنا بي سنكيتو
والي لقاء
سلك