بكينا كى بكينا كى

[CENTER][B][SIZE=5] بكينا كى بكينا كى [/SIZE][/B][/CENTER] [SIZE=5] * الأهلة حلوين شديد.
* حتى بدون شعار حلوين.
* سيماهم فى وجوههم.
* ما محتاجين شعار يبين هويتهم.
* سيماهم فى وحوههم من الصرة والزهج الظاهر.
* المهم.
* قالوا المريخ أتغلب فى الدوحة فى جميع مبارياتو الأعدادية.
* عاملين فرحانين بالحكاية دى.
* والواحد فيهم كان قلت ليهو قول بايرن او النمسا ساااااااى.
* بى خشمو ما يعرف يقوله.
* لما نتكلم عن البايرن وعن الفرق الأوروبية حقوا يسكتوا.
* دى ونسة على مستوى عالى جداً.
* ولما يدور الحديث عن أندية الدرجة الثانية زى المسيمير والحنيطير يتكلموا.
* مفروض يمدوا كرعينهم قدر شعارهم.
* شعار شنو؟؟
* هم عندهم شعار؟؟
* قدر لحافهم.
* وبمناسبة الشعار.
* ما ضرورى الشعار.
* ممكن تتعرفوا بالبيان.
* يسووا ليكم بيان.
* بالموس.
* مثلا Z هلال أمدرمان عشان الزيرو و S هلال الفاشر عشان السلطان M هلال كادقلى عشان الجبال.
* ماركة يعنى.
* بس ما عالمية.
* والتمريك ممكن فى الجضوم ولكن أحلى فى الأضنين.
* وأتمركى.
* أيها الناس.
* الوحدات اليوم هو بطل الدورى الأردنى.
* وفايت الناس مسافة.
* الرمثا والنمش والهتش ديل بيلعبوا درجة كم يا ربى؟؟؟
* المهم.
* نكرر مضوى وين أعداد الجماهير يا أخوى؟؟
* بروفات تشجيعية نحتاجها بشدة.
* وترتيب وتنظيم للجماهير.
* ما دايرين كلو واحد يشجع براهو.
* دايرين نوحد الهتاف.
* والنشيد.
* والأهازيج.
* نحنا فريق عالمى يجب ان يكون تشجيعنا عالمى زى فريقنا.
* روشا.
* قول بايرن ميونخ.
* صعبة!!!
* طيب انتو نطق غالبكم تلعبوا كيف؟؟
* طيب قول وحدات.
* رمثا شنو يا روشا؟؟
*وحداااات .
* غلبتك؟؟؟؟
* رمثا بالثا.
* ولا بالسا يا روشا؟!!
* قول زينيت مباراة كاملة تسعين دقيقة.
* حتى دى غلبتك.
* طيب قول اى شى.
* مسيمير شنو يا روشا ياخ.؟
* أحرجتنا.
* أقول ليك بايرن ميونخ تقول لى مسيمير وكديسة.
* والله الفيفا يسمعك يشطبكم بى عدم شعاركم ده.
* أيها الناس.
* الليلة العالمى جاى.
* المحلى خليناهو ورا.
* جاى كارقو.
* أها.
* نجى لى شمارات والى الخرتوم.
* أكان شفت يا والينا.
* أساساً كنا ما فاهمين.
* من يومنا ما فاهمين يا والينا.
* عدم فهمنا ده ما جديد علينا.
* لكن مواقف لطيفة حصلت لينا.
* بعد الموضوع أنتهى.
* والناس كلها ماشة وما ناقشة.
* الغريبة فى ناس عاملة ناقشة.
* وديل يا والينا أكتر ناس ما ناقشة.
* المهم.
* كلو زول أتلفت على التانى.
* زى الفيلم لما النور يقطع.
* لا عارفين الحاصل شنو.
* ولا عارفين البحصل شنو.
* ولا فاهمين البطل منو.
* قام واحد بتاع بحر سمع الناس بتتكلم مع بعضها يا والينا.
* يعنى قالوا بكرة أجازة ولا ما أجازة؟!!
* قام واحد تانى بتاع بحر لذيذ يا والينا حكى نكتة.
* قال زمااااااااااااان.
* حوار مشى القبة وجا راجع.
* قال لى أخوهو الليلة سيدى قال كلام..بكينا كى..بكينا كى..بكينا بوكا دما..دموعنا نشفن.
* أخوهو قال ليهو وسيدى قال شنو؟؟؟
* الحوار قال ليهو هو سيدى كلامو بتفهم!!
* بتاع بحر تالت عامل ناقش.
* يتبسم ساااااى.
* ويعاين للناس زى الطالب الحافظ يوم التسميع والباقين ما حافظين.
* قال ليهم فى حقيقة جديدة انتو ما لاحظتو ليها.
* قالوا ليهو:شنو هى؟؟
* قال ليهم طلعتو ناس فهمكم ضعيف.
* بتاع بحر رابع متأثر بالسينما المصرية.
* قال ليهم الكلام ده كلو صاح,هو أحنا بنعرف أكتر من الحكومة؟
* وأحد قال نكتة ما عندها أى علاقة بالموضوع يا والينا.
* قال فى طالب فى الفصل الأستاذ سألو.
* ما هى أكتر مدينة بتحيها يا شاطر ومتمنى تشوفها؟؟؟
* الطالب قال سان فرانسيسكو.
* الأستاذ قال ليهو عظيم,تعال يا شاطر أكتبها فى السبورة.
* الطالب قال ليهو بهاظر ساى يا أستاذ,أكتر مدينة بحبها بربر.
* دحين يا والينا بى مستوى التعليم ده بربر ما كتيرة على الطالب ده؟!
* زمان الناس بتمشى البحر عشان تجن.
* أسى الناس بتمشى البحر عشان ما تجن.

سلك كهربا

* ننساك كيف ولو ما البحر قريب كان غرقنا قلنا عييييييك.
والى لقاء**********سلك
[/SIZE]

في السلك – بابكر سلك