فرد الحرس صفع ابنته أمام الطلاب : أستاذ جامعي يقاضي إدارياً بجامعة السودان
شرع أستاذ جامعي ورئيس قسم الجراحة بإحدى كليات الطب بجامعة معروفة ، شرع في اتخاذ إجراءات إدارية ضد جامعة السودان للعلوم والتكنلوجيا ، احتجاجاً على سلوك حرسها الجامعي واعتداء احد افراده على ابنته الطالبة بالصفع امام الطلاب والطالبات . وكشف الاستاذ للصحيفة ان ابنته لم تكن لها قضية بل حاولت نجدة زميلتها عندما حاول حرس الجامعة اقتيادها بحجة انها مطلوبة للتحقيق في الجناح الغربي للجامعة بالسوق الشعبي ، وأضاف ان الزميلة تمسكت بقوة بابنته وظلت تصرخ طالبة النجدة ، وعندما طلبت ابنتي من الحرس الانتظار لحين إخطار المشرفة بالموضوع ، قامت إحدى بنات الحرس بصفعها بالكف على وجهها امام الجميع . وأوضح ان ابنته رفضت الذهاب للجامعة في اليوم التالي وظلت تعيش منذ تاريخ الاعتداء حالة نفسية سيئة وتعاني من الهلع والخوف المستمرين . وقال انه وجد تفهماً للأمر من مدير الجامعة المعنية ولكنه أصيب بالصدمة من جراء معاملة عميد الكلية ، الذي وجهه دون مراعاة للزمالة ولا لخطورة القضية بالذهاب الي اي مكان وتقديم الشكوى ، بل قال بالحرف حسب صحيفة الوطن : ( إذا قررت ترك الكلية فهذا خيارها ..!) وأردف : (أنا ما فاضي عشان بنتك تتنطط علي في المكتب ).
عميد الكلية والحرس تبع الجماعة!
حارسة حاولت تودي طالبة للتحقيق . جات صاحبته قالت لا . الحارسة ادت البت الادخلت كف .البت جاته نفسيات من الكف القدام الناس . كلمت ابوها .ذعل جدا وشئ طبيعي. مشي للعميد . العميد قال هو مافاضي. طيب الفاضي منو ؟؟ الفاضي انا .!!!!
انتو الجامعات دي مافيها الكفوف؟؟؟؟ يعني الواحد لو بنتو عاوزة تتدخل الجامعة لازم تتعلم كارتيا ولاشنو…..:eek: 😮 😮 😮
الكلام الفارغ الاسمو الحرس الجامعي وصندوق شنو ما بعرف داك دي حاجات ما في داعي ليها اصلا هي عباره عن اذرع للنظام والناس الفيها زاتم ما عندهم علاقه بالجامعات مابعرفوا بيتعامل باساليب تربويه مع الطلاب . . بعدين تحقيق بجرجره ليه هي حارسه ولا عسكري بوليس ؟؟؟ حليل الطلبه والله زمنا دي كان ضبحوها جخخخخخخ
وين القضية دي من قضية كمبيوتر مان بتاعت كمبيوتر مان شالوها بالاسعاف والاسعاف واره جريدة الوطن ودخلوها الطوارئ ، لكن دي المسكينة حتى عميد الكلية ماراضي انها تشتكي من سوء المعاملة ، والله ليها حق تجيها حالة نفسية لو كان من الاول شالوها بالاسعاف ولا جابوا ليها محرر جريدة الوطن الهمام كان رفعوا ليها الحالة النفسية والمعنوية ، الله يكون في العون ده حرس جامعي ده ولا فتوات ؟ :lool: :lool: :lool:
مافااااضي هو نحن كلنا فااااضين
والله ياناس الجامعات دي ما جامعات دي مكان مشاكل وحب بس هههههههههه ليه حق العميد يا بحب وماعندو زمن يامرتب ليه لكف هو كمان 😮 😮
هذا مايغضب حقاً في السودان تجد أناس فوق القانون ويتعاملون بكل أذدراء ياعميد الكلية حسي لو أدو الكف دا لي بتك بترضي ولا عشان عاملين فيها البلد دي حقتكم يأخي أتقي الله والله لتسأل أمام الله في أقامة العدل والقانون يعني دي مفترض جامعة عارف يعني شنو كلمة جامعة نبراس العلم والنور مش البلطجة وحب التسلط علي خلق الله يأخي والله قرفتونا
مع احترامي للعميد:
الظاهر عندو محاضرات في جامعة تانية عايز يحصلها، أو دروس خصوصية لاحقها، وطبعا العداد أهم من الكلام الفاضي ده \\” لأنو حسب رأيه انو التحقيقات دي ما بتجيب نتيجة \\” وزي ما قالوا \\”المعايش جبارة\\” ودي حالة أهلنا في السودان الواحد بيترك شغلوا ويجري وراء حاجة تانية في رأيه انها أفضل من وجع الرأس الكثير دا، وعموما أرسل تحياتي للاثنين
وزي ما بغني الفنان \\” الاثنين الليلة وييييين؟!\\”
الأخ محمد يوسف
والله كانت نكتة حلوه عميد الكلية مافاضي وانت مافاضي الظاهر فاضي انا هههههههههههه
انتو يا ناس اليومين دى شنو قصة الكفيت و اللبيع الحايم فى الجامعات ؟!!! كلام غريب…
لكن القصة ما بتكون كدة بس , بكون البت دى اتفاصحت مع الحرسة و كلمة من هنا و كلمة من هناك …. لانو ما ممكن الحرسة تصمطا جنس الصمتة الجابت ليها “هلع” دى ساااااااااى كدة ولا شنو؟؟
بعدين انتو صاحبتا دى كان حا يحققو معاها فى شنو يا ربى؟؟؟!!
سمعنا و سلمنا يا اخوانى
اولا بالنسبة لى موضوع الحرس ف احب انوه انو بالجد كلهم غير سويين وعندهم اسقاطات وبقترح يعرضوهم على اطباء نفسيين لكن هذا لا يبرئ الطالبة لانو توجد إستفهامات اولا زميلتها متورطة فى شنو؟ ثانيا مافى دخان من غير رماد وطالما كده بتصاحب اصلا بنات زى ديل ليه؟ بالنسبة لى الخبر مبتور بس متمنية تتحل مشكلة الحرس لانو كل الناس متأذية منها علاوة على كده اسلوب العميد خاطئ وما بليق بمركزو!!!! واذا اى انسان ماقدر مسئولية من الأفضل ليهو مايخاطر ويطلع ما قدرها
نحن كنا في الجامعة دي واكيد العميد دا خلف الله وبعدين بتك دي اكيد عاملة فيها راس هوس الكف دا بعدل ليها راسها ويا اخوانا للامانة البنات البحتكو مع الحرس مش من فراغ يا ما شفنا الحرس دا طلع بلاوي لدرجة ظنينا نحن ما طلاب في الجامعة وخاصة اللعاملين فيها اولاد زيد وعبيد طالعين في الكفر جدا فالكف مفروض يا دكتور تشكر الحرس عليهو شوفو بناتكم بعملو اية في الجامعة وبعد داك تعالو اشتكو
Unfortunately, Universities, became places for humilation, intimidation, terror and torture, Anew form of ghost houses.
معليش يا بنت انت ما عارفه الحجاز بدو عكاز:crazy: 😀
ايه الحكاية دي جامعة ولا كلية حربية. وهل الطالب الجامعي محتاح لحرس عشان يحمية؟ وبعدين شنو حكاية الكف في الجامعات .البلد بقت سايبة ولا شنو.كيف يعني تضرب بنتي كف وانا حي ارزق ؟ ما قادر والله افهم ,البلد مافيها قانون ولا شنو ؟ دي فوضه ولاذم تقيف في حدها. من منا ممكن يقبل بان يعتدي واحد غير مسؤل علي احد ابنائه وكمان بي الكلف . المفروض ان يتم محاسبة الحارسه وكمان طردتها من الجامعه لان البلد ما فوضي عشان ترفع يدها وتصفع بها انسانه ارفع منها علما واكثر منها ادبا.ولا كل واحد بعد كده يشيل حقه بيده. العين بي العين والسن بي السن .لان ما ممكن تنضرب بنتي ولا ولدي بي الكلف من انسان غريب وانا حي .
الكف دا لزومو شنو الحرس ديل السخانة طالعة ليهم فى راسهم
مفروض يحققو معاهم هم اول حاجة \\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
البنت ذنبها شنو ذنبها شنو ذنبها شنو ;( ;( ;( ;(
العميد زاتو داير تحقيق قاعد خالف كراع فى كراع مافى ,, خلاص امشى اقعد فى
البيت ربى الشفع 😡 😡 😡
والله يااخوانا الحرس بتاع جامعه السودان من اتفه الحراس في البلد دي ومابعرف يتعامل مع الطلاب اللي هم قدوة البلد دي. في النهايه دي مسئوليه منو تعيين امثال هؤلاء (عديمي الفهم) والله دي لو اختي او بنتي كان اخدتا حقي بي يدي لانو للاسف في البلد دي ماتقدر تعمل فيها مثقف ومترفع عن بعض التفاهات زي دي
ما هذه المهازل لماذا يقوم الحرس بسحب أو شد الطالبة للتحقيق مجرد خطاب للطالبة لمقابلة لجنة التحقيق و إذا لم تحضر خطاب مسجل لولي أمرها أن إبنته مفصولة من الجامعة لحين حضوره مع إبنته إلى لجنة التحقيق فيحضر ولي الأمر مع الطالبة دون أي شوشرة لكن يظهر أن كل واحد بيتصرف بطريقته الخاصة و يمكن لجنة التحقيق نفسها كانت من اللجان الخاصة و التي تستجوب بطرق خاصة و دون علم أحد يعني لجنة مشبوهه.
ياجماعه الجامعات بقت للتربيه والتعليم فى السودان اى اداره بتفتكر انها عايزه تربى الطلاب بطريقتها توقف حرس جامعى يعاين لى للطالبات لابسين ضيق ويرفض دخولهم مع العلم الحرس ذاتو رجال تمنع جلوس الطلاب والطالبات مع بعض تستدعى ولى الامر ويكتبوهم تعهدات ويخوفوهم بالامن والشرطه لى مصلحه منو السودان يكون فيه جيل بخاف من ضلو غير قادر على تحمل مسؤليه الحريه الموجوده فى الجامعه (ياخ ماتنورو الجامعات وطرق الداخليات بدل تجيبو ناس فاقد تربوى يراقبو الطلاب و يتجسسو عليهم)
اقتلوا العميد ولاتاخزكم به شفقه ثم هدوا الجامعه وانتقموا لبنتكم المصفوعه:lool: :lool: :lool: :lool: :lool: :lool: :lool:
معليش يابت الدكتور تكبرى تنسى والكف دة مايضيع مستغبلك اظنو غلط كبير وكلام كتيرررررررررررررررررررررررررررر:cool: 😀