شركة تساهيل الكذبة الكبري..قصة اكبر نصاب في تاريخ السودان

للاسف كنت احد ضحايا تساهيل في مبلغ ٤٠٠مليون مقدم لشراء قطعة ارض والتي لم يشتروها ولم يردو لي المقدم إلا بعد قضايا ومحاكم امتدت لقرابة العامين طلعت منهم باربعة شيكات وكان لكل شيك قصة فكان برجع في كل مرة لعدم وجود رصيد او ان الحساب مقفول وعندما نلجا للشرطة نفاجأ بان الشركة مسجلة باسم شخص مجهول اسمه سارية ويدون ضده البلاغ ولا احد يستطيع فعل شي بعدها
وتبدا بعدها رحلة الابتزاز من الكتيابي وعصابته بعد ان تغلق ابواب العداله امامنا الي ان عثرنا بالصدفة علي صاحب الاسم المجهول سارية وهو موظف صغير بالشركة لاحول ولا قوة له استغله الكتيابي ليغطي علي نصبه علي الخلق.نحن مجموعة جمعتنا المصائب ولدينا صفحة علي الفيس بوك لفضح هذه العصابه والحمدلله نجحنا واختفي هذا النصاب عن الاعلام ولكن هذا لا ينفي وقوع مزيد من الضحايا
تجربة ذكرتها لكم ولدي كل الوثائق التي تثبت ذلك والله علي ما اقول شهيد

والله العظيم يا جماعة انا مما شفتو في الدعايات وقريت شروط شركتو قلت دا نصاب وحرامي كبير
والحمد لله قدرتا امنع واحد من اقاربي انو يدخل في الحكاية دي
وهسا ح انسخ نسخة من الخبر واوديهو ليه عشان يعرف انو كان ح يقع في بير عميق والله يعلم يمرق منو متين
وزين ما قال كاتب الخبر نحنا لازم نساهم بنشر الموضوع دا عشان الناس توعى وتبعد من درب النصابين ديل

كنت شاهد على احد قصص نصبه على استاذ جامعي ..حيث حفت ارجل الاستاذ الجامعي وهو يجري خلفه ليستخلص حر قروشه التي دفعها لشراء سيارة بالاقساط ..يبدو ان هناك فساد ايضا في قسم شرطة الرياض حيث يتم فتح البلاغات ضده واضح انه يرشي بعض العساكر هناك ..بدليل انك لا تستطيع القبض عليه لانه يتم اعلامه على ما يبدو بالبلاغ ..هذا مال سحت وحرام ولن يفيده ولا اسرته ولا اولاده ..هذا مال بسطاء يقوم بنهبه وسرقته خالد الكتيابي وان تعسر حسابه في الدنيا بفعل الفساد وغياب القانون فمن المؤكد ان حسابه اجلا هناك سيكون عادلا ..

احذروا تساهيل هذه اكبر شركة نصب في تاريخ السودان الحديث ..والله من وراء القصد

احسن حاجه فى الشركه دى انو كان عندهم موظفه سمحه فى مكتب بورسودان

هل الشركة موجودة حتى الان ???? نرجو الافادة

كنت حينها فى السودان اعمل فى احدى الشركات البتروليه فى مكتبها فى الرياض شارع عبيد ختم وكانت هنالك شجره تجلس تحتها ست شاى ناتى اليها نتقوهج وكنا كلما جلسنا هنالك فى هذا المكان كل مره ياتينا شخص يسال عن شركه تساهيل ففكرت فى الامر ان اسال جديا ماذا تفعل هذه الشركه وقال لى واحد بااختصار الشركه معموله لا اكل اموال المغتربين وصمت على هذا الكلام ولم اساله بعد ذلك. بعد مرور اسبوع من هذا الموقف اذ بشخصين ظريفين تبدو عليهم النعمه الخليجيه ولكن بامتعاط شديد يتكلمون عن هذه الشركه وحاولت ان اسالهم مابهم ووجدت فيهم ضالتى قالو لى يااخى ديل حراميه شايلين مننا قروش عايزين نبنى ليهم سنه ماعملو اى حاجه ولا عايزين ارجعو لينا قروشنا قلت ليهم طيب اشتكو قالو لى نشتكى ل منو خلاص غربتا ضاعت عشرين سنه فى الهواء وقيس على ذلك اخى القارى.

اي زول يقع في شراكهم دل زول بليد ويستاهل