العون القانوني

> اليوم نكون
> نكون وبس
> مافي خيار آخر غير نكون
> لأننا كنا قبل ذلك
> كنا يوم دبي
> وكنا يوم الشارقه
> وكنا ايام سيكافا التلاته
> وكنا في لوح الشرف فخراً لهذا البلد يوم مانديلا
> لذا
> نكون وبس
> اعداد المريخ في قمته
> والمدينه التي اختارها الخبير غرزه كانت مثاليه للاعداد
> وكان المعسكر رائعاً أتى اكله
> برغم شتلات مشاتل الزينه المهنيه
> ايها الناس
> غرزه عالم وبعرف بعمل في شنو
> اي عشره يختارهم بجيبوا النتيجه التي نصبو اليها
> اي عشره آآآآآآآآآآيييي
> لانو غرزه بخت بكري وبقول لاي عشره يدخلوا مع بكري
> فقري المدينه
> بهري المدينه
> والحرب العليهو لا هاماهو ولا هامينا
> ايها الناس
> نحن بنخوف
> لكن ما بنخاف
> بنخوف لاننا الفريق الوحيد المؤهل للبطوله في المجموعتين
> وما بنخاف لان فرق المجموعتين بالمقارنه بنا
> قاعدين سااااااااااي
> الترابه ما عندهم
> تمومة جرتق
> والبتجرتق عريس واحد
> العروس الافريقيه للعريس
> والفرح والربه للمطاميس
> ويا كترت المطاميس اليومين دي
> ايها الناس
> بي قديمنا نحمد سيدنا
> والماعندو قديم ما عندو جديد
> الماعندو قديم زنطور ساكت
> والزناطير زناطير اينما حلوا وقتما حلوا
> واركب الزنطور واتظنطر
> المهم
> الليله يوم الرجال
> المريخاب الحمر ما بخافوا
> لكن الصفر برجفوا شويه
> ناس استاذنا ابو شيبه
> ولكن في الختام الحفله تشملنا كلنا ان شاء الله
> المهم
> ابو الهل بكره لاعب في المغرب
> والوطنيه والمهنيه تدفعنا للقول بأن موقف الهلال صعب
> فالفريق ماشي ناقص
> وهو بيني وبينكم تامي ما تامي
> خليك يكون ناقص
> وسيدي بيه صانع اللعب الوحيد سمعنا انو فرتق
> وكيبي مافي
> ونيلسون ما معروف وين
> شخصياً ماعارفو وين
> ومكسيم من بره الخط ضعيف جداً
> والمغاربه ديل شواتين شديد
> ومن جوه الخط كثيراً ما تعبر الكرة بين قدميه
> كما حدث يوم كي ام كي زنزبار
> ويوم كورة امل عطبره
> ومساوي العمر فات فيهو
> وتقيل
> والتطوان ديل كلاب بس
> سريعين خلاص
> موقف الهلال صعب
> لكن له اجر المحاوله
> كنا نتمنى لقاءه لنضمن مقعداً في النهائي
> ولكن ربك اراد
> ايها الناس
> المريخ يحتاج لدعواتكم من على البعد
> قولوا يا الله وللمطار يلا
> المهم
> الاخبار تدور حول تخلي الهلال عن قضية المدنيه
> وقالوا السبب ابو الهل ما عندو حق المحامي
> يا عمدهالتو بحر
> عشان الدمغات كتيره
> انت محامي كبير
> في حاجه اسمها العون القانوني
> الزول الماعندو حق المحامي
> الدوله بتوفر ليهو محامي علي حسابها
> امشوا العون القانوني يعينكم
> بس الدمغات مشكله
> دمغة ضريبة المحامين ودمغة النقابه ودمغه حماية الوطن
> ديل لازم توفروا حقها
> العون القانوني ما اظنو بلصقها ليكم
> لكن بي نشاف ريقكم ده
> لصيق الدمغات الا تشوفوا ليكم زول ريالتو بحر
> عشان يلصق ليكم الدمغات
> اتعاقدوا معاهو وادوهو شيك
> باقي ناس الرياله ديل بصبروا علي الشيك
> اقول ليكم
> ما تخلوا قضيتكم
> دي قضية كردنه الشخصيه
> امشوا لي جيمي يدفع ليكم حق المحامي ورسوم الدعوى
> وما بنكلم زول
> غايتو يا محمد عبد الماجد
> جوهرتكم دي الا تتموها في الخرط
> رسم ساااااااي
> الجالوص زاتو ماهين اليومين دي
> والزباله غاليه
> الحمير برسيم تاكلوا ما لاقيه
> تجيب ليكم زباله من وين يا اخوي
> المهم
> اليوم النصر لنا
> بالايمان والتخطيط والمعسكر الناجح
> اليوم نحتفل كلنا بالنتيجه المشرفه التي نحققها
> وايا كانت النتيجه
> لسه الطريق طويل
> فنصرنا لا يعني ضمان التأهل
> وتعادلنا كذلك
> اما خسارتنا لا قدر الله
> فهي بالطبع لا تعني الخروج
> الدرب طويل
> لكنا سننتصر باذن الله
> ايها الناس
> برغم فضائح حكم مباراة الاتحاد
> لجنة الحكام بالكاف جابت لينا بينيت
> الجنوب افريقي
> الذي ادار لقاءنا ضد الترجي
> وظلمنا ظلم الحسن والحسين
> وتبرع بتوزيع الانذارات لي ناسنا على قفا من يشيل
> برغم كل ذلك
> الكاف اختارو لينا
> تحدي ده يا مرسي ؟؟؟؟؟؟
> ايها الناس
> برغم التحكيم والتنجيم مريخنا عظيم
> ايها الناس
> امشوا العون القانوني
> ايها الناس
> ان تنصروا الله ينصركم
> اها
> نجي لي شمارات والي الخرتوم
> والينا
> الكهربا تاني قامت علي حركاتها لينا
> قالوا من الهوا يا والينا
> ناس الكهربا ديل نجيب ليهم هوا ولا شنو ورينا؟
> يجيهم هوا يقطعوها منينا
> ما يجيهم هوا يرجعوا لي حركاتهم علينا
> نقع الفانوس ولا شنو يا والينا؟
> قول جبنا الفانوس منو البهبب لينا؟
> الشيء الهارينا
> مافي زول مهبب لينا يا والينا ولا في زول بهبب لينا
سلك كهربا
ننساك كيف والكلب بقي ضامن تأخير العربيه يلف زيييييييييين ويجي علي نفاياتنا عشيه
والى لقاء
سلك