ساعة الحوبه جات يا دوبا

* شفوت الحارة رجال الحوبه
* الحوبه جات يا دوبا
* ما بتتوصوا
* شفوت الداخل والخارج
* الجايين والإستاد
* من عصراً بدرى عشان نعصر الناس ديل
* والما جايين الإستاد
* يساعدونا بالدعوات والضحاكات
* كلو زول يرسل رقم تذكرتو على الرقم 2870 زين وسودانى
* نجى الإستاد
* كل الروابط جاهزة
* الجماهير جاهزة موية ونور
* عشان نطلع الوفاق زنطور
* مهما الفريق كبر
* قدامنا بتظنطر
* نحنا الأكبر مننا منو؟
* أيها الناس
* كلو زول عارف شغلو
* لا بنحبط لاعب
* ولا بنتدخل فى تشكيل
* ولا بنضيع زمننا فى الصفير
* نشجع وبس
* نشجع طيلة التسعين دقيقه
* مهما كانت الظروف
* واجبنا هو التشجيع
* هدف واحد يؤدى الغرض
* ولو أخوهو جا معاهو ما بناباهو
* يبقى ما نستعجل القون
* لو وحدنا هتافنا بجى
* لو ساندنا أولادنا بجى
* لو فضلت دقيقه بجى
* تتذكروا يوم عزام
* قونين فى آخر اربعة دقائق
* يعنى مافى داعى للشفقه
* شامى لى ريحة مطار
* وريحة المطار تنطلق من حناجرنا على المدرجات أول
* ثم تعم سماء البلاد
* نحنا كجماهير واعين بدورنا تماماً
* ناس الوفاق لو قدروا يمسكوا بكرى وكوفى وأوكراه وديديه
* مابيقدروا يمسكونا
* نحنا ما بنتمسك
* يبقى نجيب القون بى حناجرنا
* بثقه نهتف ونشجع
* حتى ولو لاقدر الله إتأخرنا فى التسجيل
* أو إتأخرنا بهدف
* يمكننا أن نطلق الأهداف من حناجرنا لنعيد المباراة لنصابها وعقلها
* يبقى شفقه لأ
* إستهجان لأ
* تبويظ أعصاب لاعبين لأ
* ومابوصوكم يا شفوت الحوبه
* أيها الناس
* أياً كانت التشكيلة ده ما شغلنا
* شغلنا نشجع للنهاية
* النهايه السعيدة بإذن الله
* أيها الناس
* الوفاق ما زنطور
* الوفاق بطل آخر نسخة
* لكن المريخ برضك ما زنطور
* إسمو فى لوح الشرف الأفريقى قبل الوفاق
* يبقى كفتنا أرجح
* رجوووووح
* وإترجحى
* أيها الناس
* بى أعلامنا
* بى تي شيرتاتنا بألوان فريقنا
* دايرين نقلب الإستاد أحمر يرهب الوفاقيين
* وأصفر يسر الناظرين
* أيها الناس
* هذا الشعب
* الشعب السوداني البطل
* من حقه ان يفرح
* ومن غيرنا علم هذا الشعب معنى ان يعيش وينتصر؟
* من؟
* المهم
* لا نستعجل الهدف
* طالما نعرف جيداً هدفنا
* ننشن عليهو كوييييس
* وطاخ
* وعندها تنطلق الزغاريد من جوف الحسان
* تشع الفرحة من عيون الأطفال
* وتنشق حلاقيم الرجال أبشر بالخير
* عملوها رجال الحوبه
* أفرحونا من أصغر طفل لى أعظم حبوبه
* مقدماً
* نشكر المجلس الموقر على ما قدمه
* مقدماً..نشكر الجهاز الفنى على مجهوده
* مقدماً شكرنا لأولادنا واجب علينا
* مقدماً شكرنا لجميع الروابط الجماهيرية
* مقدماً شكرنا للجمهور الشفت
* مقدماً قبل ذلك نشكر الله تعالى
* أيها الناس
* الصديق والفريق والشفت عراقي
* وعدنا قبل كده
* وقال الأميرة السمراء مسؤوليته
* وبالأمس جدد العهد والوعد
* قال لي بالحرف الواحد
* جيب راية ريحة المطار وأرجونى فى المطار
* سلمتوا الراية
* لأني أثق فيه أكثر مما أثق فى نفسي
* أيها الشفوت
* جهزوا غيارات المطار
* قشرة من امها
* بس قبل ذلك تقوموا بواجبكم كاملاً فى الإستاد
* يوم شكرك ما يجى يا عراقي
* اللهم أنصرنا
* اللهم وحقق أملنا
* جدد إنجازنا يا رب العباد
* أيها الناس
* إنها أهم مباراة فى الموسم
* بالنسبة لي مباراة كاس
* فوزنا فيها
* يعنى أحجز مكانك فى المطار
* لذا نقوم بواجبنا كاملاً
* من أجل مشوار عشقناه
* الا وهو مشوار المطار
* فدرب المطار بنعرفوا كويس
* ويشتاقنا كثيراً
* ومن سيكافا الفين وأربعطاشر ما مشيناهو
* وحشنا
* والوحشه ما حا تطول يا أعز درب فى الحياة
* أيها الناس
* إن تنصروا الله ينصركم
* أها
* نجى لى شمارات والي الخرتوم
* أكان شفت يا والينا
* البتعملوا شركات الإتصالات فينا
* كان جضمتها لينا
* معقولة يا والينا؟
* الشبكه طاشه علينا
* والخدمة القديمة ما متوفرة لينا
* ولما نضرب تلفون لي عزيز لدينا
* تجيك ناطه البت يا والينا
* حزمه جديدة علينا
* للإشتراك أضغط وأرسل تقول لينا
* أكضب بت شفناها يا والينا
* التلفون فاتح تقول ليك مقفول تخيل كم فتنة إتعملت فينا
* التلفون موجود تقول ليكم رقم زى ده برى برى ماشفنا
* والرقم قديم وقاعد يا والينا
* الناس ديل بيضحكوا علينا؟
* ولا بمرمطوا فينا؟
* ولا ما شغالين بينا؟
* عشان مافى مسئول سائل فينا؟
ﺳﻠﻚ ﻛﻬﺮﺑﺎ
** ﻧﻨﺴﺎﻙ ﻛﻴﻒ ﻭﺍﻟﻜﻠﺐ لحق الشبكة وطشه عديل بقى ما بجينا ؟!
ﻭﺍﻟﻰ ﻟﻘﺎﺀ
سلك