رصيدك لي حبيبك منك ولي حفيدك

> اليوم تدشين المرحله التانيه من الدعم
> على الرقم الموحد 2870
> على زين وعلى سوداني وقريباً ام. تي. ام
> في هذه المرحلة معالجة لكثير من سلبيات المرحلة الفاتت
> وفي هذه المرحلة اصرار من الشفوت يفوق اصرار البدايات
> اليوم الزعيم في دور الاربعه ليهو شهر
> بدون لولوه وبدون حسابات وخوف من المجهول
> وعلى الشفوت ان يصبحوا قدر المرحلة
> بالذات والمرشح الاول ان لم يكن الوحيد للبطوله هو الزعيم
> يبقى ندعم نادينا لأن المجد ينادينا
> ندعم نادينا لأن الاميره جااااهزه وبتعاين لينا
> فعريس افريقيا هذا العام هو الزعيم
> وودينا ليهم متكفي
> اسي كوفي ده ما متكفي؟
> ايها الناس
> كما حطمنا ارقام الدخل
> علينا ان نسجل رقماً قياسياً في الدعم
> ويلا هيلا هيلا هيلا هوبا
> المهم
> زمان قلت ليكم عقد مكسيم بقول
> البره الخط بره العقد
> من قون علولو الشاتو من جامعة النيلين ولي اسي
> قون علولو وقون مريخ كوستي بتاع ديكور وقون الميرغني كسلا واخيرا وليس آخراً قون اهلي مدني
> ولاء الدين شاتها من المسيد
> ومكسيم يتمسك بشروط العقد
> البره الخط بره العقد
> ده حالتو اكتر لاعب مميز عند الزناطير
> يبقى الباقين كيف؟
> قلت ليكم الاميره الحمراء حقتنا
> وإذا سموحة لا سمح الله عنكبت
> يبقي مكسيم يشوف ليهو زول يشوت ليهو من بره الخط
> اما اذا سموحة شنكبت ووادي النيل وكده
> يبقى على ناس كوفي ان يهدفوا من بره الخط
> البره الخط مع الزول ده بره العقد
> ايها الناس
> علمنا أن تجمع الروابط قد سير حافله على نفقته لمناصرة المريخ بكادوقلي
> لهم التحيه
> فالشفوت دائماً شفوت
> المهم
> نصدق ونثق انو الشغيل من التمهيدي عندو كرت واحد بس
> مصدقين برغم انو الشغيل في الكونكان بتقبض بي هبابة كروت لو لعب
> في التوزيعه الأولى
> لكن ده بره وده بره
> ونصدق انو فيصل موسى اللعب عشره دقائق اخد فيها كرتين
> اصلو فيصل ده من كان عندنا بياخد كروت طوالي لانو بشلت ساي
> صدقنا
> والحبشي وصل التفتيش
> صدقوني بقلبها بقلبها
> المهم
> سمعنا قالوا كردنه من عصراً بدري ماشي مصر
> يكونش يا ربي داير يقيف بنفسو على ضمان تأهل الهلال؟
> كبير يا كردنه
> لكن لو خبر الشوم اتناقلوهو الحروم في مصر تبقى مشكله
> والمصريات رداحات وصوتن عالي
> وبزيدن الكلام شويه
> ايسكوتي ايسكوتي ميش كردنه جالنا؟
> حأه بطملودا واسمه عوده.. جاي عاوز ايه الراجل ده
> الحيطان ليها ودان يا اختي
> بعدين ببأه ااولك
> يختي شوفي الراجل آل ايه
> آل يوأف على الاستعدادات
> لأ احسن يوأف على محطة المترو
> المهم
> ما ننسي موضوع الرصيد
> الليله التدشين
> كلو واحد فينا قدر مقدرتو
> ومقدرة
> كاس افريقيا ده حلو حلا
> ايها الناس
> ان تنصروا الله ينصركم
> اها
> نجي لي شمارات والي الخرتوم
> كان شفت يا والينا
> واحد عندو نظريه قالها لينا
> قال يا والينا
> بدل تخفضوا عدد الدستوريين
> حقوا تخفضوا عدد المواطنين
> عشان الدستوريين يقدروا يقدموا خدماتهم لينا
> وعشان شبكات الاتصالات تكفينا
> وعشان الوظيفه العامه ما يكون فيها زحمه لينا
> وما تخاف من نقص الايرادات يا والينا
> ضاعفوها لينا
> ضاعفنا البلي وقطع وشنا في هذا الشهر الفينا
سلك كهربا
ننساك كيف والكلب حاني علينا
والى لقاء
سلك