بابكر سلك

قست عليكم جويه محليه سفريه داخليه يا روشا !!!!


*الجويات ليها رجالها
*ما اي زول من طرف بحققها
*والامنيات براها ما بتجيبها
*والمواسير مابتقدر عليها
*بتتفرطق ماسوره ماسوره
*الجويات قصة بطولات ليها ناس حوبه
*وابطالها تشهد لهم السماء قبل الارض
*ما فوضي ساي
*بتجي بالعطاء والموهبه والرغبه الاكيده
*لابتجيبها كسكته
*ولا بتجيبها برنيطه
*ولا بتجيبها زيطه
*معقوله يا محمد عبدالماجد
*جويه سفريه محليه ماقادرين عليها ؟؟؟؟
*انتوا كان تغشوا الكاس
*تقولوا حانرجع من بورتسودان بمسيرة ارضيه تجوب شرقنا الحبيب بالكاس
*شرقنا الباسم يا فطومه يا اختي
*وراكم المكشم برا بصل
*واتكشمي
*ايها الناس
*للاسف اعلام الهلال في تهويله للامر في الهلال
*ساعد علي احباط الشفوت بقصة المريخ مفلس والهلال جاهز دي
*لكن القصه ما مشت علينا
*لاننا نعي تماما ان الزوبعه لن تخرج من الفنجال
*وينو معسكر تونس الفي مواعيدو
*وينو معسكر تونس الكان شهر كامل
*وينا الاقمار التي ادهشت القطره والعقال
*وينو شيخ مكورو الفريد في نوعو
*الزول ده اسي فرقو من سيدي بيه شنو ؟؟؟
*لكن المدافع رقم 22 مولد بس
*بختك يا عقرب
*يقرشها قون
*يجليها قون
*يخليها قون
*السنه دي العقرب هدافا للممتاز بي تلاته وتلتين قون
*منهن حداشر قون في مباراتي الهلال
*الكسكته الا تطير
*المهم
*امس الجماعه قايلين الكسكته تحتها فكي
*بعد الكوره
*لا لقوا كسكته
*ولا لقوا التحتها
*ولا ظهرت برنيطه
*ولا شفنا زيطه
*ورحلة البحث عن الكسكته بدت
*ايها الناس
*كردنه قلع كشافتين وترك كشافتين
*يعني اسي لو
*لو بعد عمرا طويل يعني
*انا بقول لو
*لو يعني لاقدر الله
*بعد عمرا طويل يا كردنه
*لو يعني
*حصل امر الله
*استادكم ده بي كشافتين آه وكشافتين لأ الدباره كيفنها ؟؟؟
*تلعبوا شوط في الشمس
*وشوط بالليل ؟؟؟
*الاعمار بيد الله يا محمد عبدالماجد
*لكن اخير تستعجلوا الزول ده
*او تقبضوا حق باقي الكشافات
*الدنيا دي ما معروفه
*وما بتدوم
*وجايز
*اي شئ جايز
*ايها الناس
*بطلوا قلق
*عروس البحر ورتكم الحاصل
*مافي داعي للشفقه
*زول بطولة جويه سفريه داخليه غلبتو
*اميرة شنو وسمراء منو وطيارة شنو ؟؟؟
*بطولة لم تاتي في عهد زعيم امة الهلال
*ما بتجي في زمن رئيس امة الهلال
*الزعيم كان اولي
*ولا شنو ؟؟؟
*المهم
*اعجبني كردنه في اصراره علي موقفه
*الراجل بقي تخصص انسحاب
*شايفو امس انسحب راااااحه
*وخلي المسمار لي العمده صديقي
*قون ويجيبو الوك ؟؟؟
*لكن لو شيبوب لعب الهلال كان درن
*واتشيببي
*لكن صدقوني
*نمره اتنين وعشرين ده
*حايكون اول محترف الجماهير تلحقو الطوب والشباشب
*الزول ده بعمل كارثه
*ومواسير الاسبيستوس دي بتجيب السرطانات حمانا الله واياكم
*اعمل حسابك منها يا كردنه
*روشا
*قلت لي العتره بتصلح المشي ؟؟؟
*عتره في مسمار يا روشا !!!
*دي بتجيب الفنقله عديل كده
*ومحمد عبد الماجد في اول تجربه دق الدلجه
*اكتب لينا المره دي عن الحوار الوطني
*اكتب لينا عن ندي القلعه وانصاف مدني و تراجي
*اصلو اغاني عثمان حسين مع عترات الهلال الكتيره دي كملت يا ابو حميد
*فطومه
*قلت لي مع كردنه مش حاتقدر شنو ؟؟؟؟
*بورتسودان الحبيبه الي قلبك قال ليك الليل كلو تفتش في كردنه
*لا لمت في الكسكته
*ولا طالت كاس المهرجان
*وشال منام عيني وتواري سابني وحدي اشكي وجدي واسكب الا÷ات مرارا
*فكرة يا محمد عبدالماجد
*اكتب لينا عن الكاشف
*الكاشف اخوي
*ايها الناس
*قوة المريخ في جماهيره
*والذين دخل الخوف الي قلةبهم لجعجعات ناس روشا ومعسكر تونس
*اظنهم طردوا الخوف من يوم قورماهيا
*من الوك ختاها
*اتحاد كينيا برضك طلع اتحاد لقيمات ساي
*معقوله يسجل لي قورماهيا الوك
*وعارف قورماهيا لاعب ضد الهلال !!!!
*خلي بالك الملكيه دي مليانه الوكات ولقيمات وكسكتات
*ايها الناس
*كلنا خلف مجلسنا الهمام
*ولي قدام
*نبني صرح استثماراتنا الكبير
*وصدقوني
*قشه تاني ما بتعتر لينا
*موعدنا يوم سبعه وعشرين
*اول مواجهه في الممتاز
*في استادنا
*يوم تتويجنا
*بالممتاز
*يوم توزيع الهدايا علي ناسنا
*ويوم استلام كاسنا
*وبعدها نبدأ مسيرة موسم جديد ظافره بفضل الله
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*سوق ام درمان بدا يرجع لينا
*نقيف في المحطه الوسطي يا والينا
*جمب ابو نخله صيدلية توما تظهر لينا
*جد لينا وجد لينا
*الفوضي الفي السوق الطلعت عينا
*بدت بفضل جهود كبيره تتلاشي علينا
*احيييك يا والينا
*واحبك لما تشتغل بينا ولينا
*وواصل يا والينا
*ماتبقي كشات والطبالي تاني ترجع لينا
*من البوسته بقينا نشوف ابو مرين يا والينا
*واصل الله يرضي عليك وعلينا
سلك كهربا
ننساك كيف والكلب وقف جمب سورج شاف موقف السروراب ماصدق حك عينو بي رجلو الورا وقال الخواجات تاني رجعوا لينا ؟؟؟
والى لقاء
سلك