نيجيريا مطرتها كتيرة
* شكل مباراتنا ضد نيل شندى وضح الحقائق
* التيم ما جاهز
* بصمة المدرب تأخرت كثيراً
* يمكن لقصر المدة والموسم فى بداياته
* وأما لتأخر فهمها عند اللاعبينولكن أياً كان السبب
* المريخ لم يظهر بعد بالشكل الذى يرضى الطموح
* والذى يبشر بموسم أفريقى يضاهى السابق
* ونتمنى ان يكون بناء هذا الموسم متيناً وجيداً كإسكيليتون
* وتقفيل
* ونرجو ان يكون تشطيب تلك المبانى ديلوكس وفاخر
* لأننا لو حاولنا أن نكسو الجالوص بالقلادن
* ونمندل الأرض لنركب عليها السيراميك
* فإن الجالوص يظل جالوصاً
* ويتفكك القلادن وينتفخ صف السيراميك
* وإحتمال تقع الخرابة مع أول مطرة
* ونيجيريا مطرتها كتيييييييييييييرة
* أيها الناس
* من أوجه تجهيز اللاعبين
* كنت أتوقع فى سبيل تجهيز اللاعبين أن يشارك محمد المصطفى أساسياً أمام نيل شندى
* بالذات والمعز مصاب وبعيد عن الفورمه
* ومحمد مصطفى شارك فى جزء من مباراة مريخ لفاشر وفى كل مباراة الأمير
* ومع إحترامنا لنيل شندى
* لم يكن هنالك خوفٌ منه
* فكانت مشاركة محمد مصطفى ضرورية لإعداده
* أنا ما مدرب ولكنها مجرد وجهة نظر
* الأيام الفضلت للمباراة الأفريقية غير كافية لعودة جابسون لمستواه
* فكان على الجهاز الفنى ان يخلق البديل الأمثل فى خانة جابسون
* سيما وعلاء لابد من عودته للدفاع الى جانب أمير
* وعودة ضفر كمحور كانت تتطلب مشاركة عطرون كطرف لإعداد ضفر وعطرون أفريقياً
* سيما ورمضان لا يمكنه المشاركة فى المقابلة الأفريقية
* وإشراك بخيت خميس منذ بداية الدورى كان ضرورياً
* لأن جانب مصعب الدفاعى ضعيف
* وبخيت قوى فى هذه الناحية
* ومباراتنا الأولى خارج الديار
* يعنى التوازن فيها مطلوب
* سد الثغرات والإعتماد على المرتدات
* فى وجود العقرب وعنكبة وأوكراه إذا جاب ليهو لياقة والنعسان كصانع لعب خلفهم
* أيها الناس
* المريخ كان سيئاً يوم نيل شندى
* علاء تائه وأمير يستهتر وأوكراه خارج الفورمه وضفر ساكيها ساى ومصعب غريب جداً
* وكل ما يفعله هو انه يذهب الى الخط لحظة توقف اللعب ويطلب مويه
* محلو الكريستالات الفيهو تفتح مصنع مويه
* والشارب ليها شنو قدر ده ما بعرف؟؟
* أما راجى فحزنت لمستواه
* بس الصدمة كانت فى كريم
* الله كريم
* الزول ده ورونا الجابو منو؟؟؟
* عشان التاريخ يسجل
* أيها الناس
* أنا ما مدرب
* لكن مفروض نعتمد على عظم التيم ونخت الإضافات عليهو
* عشان عضم التيم هو ميزة
* فالهلال مثلاً بدون عضم
* فخده ساااااااى
* لذلك يوم إيشيا ويوم موكورو
* ويوم إيشيا وموكورو
* فليتو
* أنا غايتو ما بعرف عضم بالبلجيكى شنو
* لو بعرف عضم بالبلجيكى
* كان كلمت لوك مدربنا ده وقلت ليهو أمسك فى عضم التيم
* المهم
* نسأل الله ان يوفقنا فى تجهيز الفريق أفريقياً
* حتى نعود لمستوى الموسم الماضى
* المهم
* لى أسى رجلى فى الجبص
* دى ركشه ولا بص؟
* الله يكفيكم شر الركشه
* والخرشه
* والركشه بالخرشه
* وبمناسبة الركشه ورجلى
* أمس قابلنى واحد صاحبى
* شافنى نازل من العربية
* قال لى سايق كيف بى رجلك دى؟؟
* وقبل ما أجاوبو لاحظ للعصايا
* قال لى سايق باعصايا؟؟
* قلت ليهو سايق بالعصايا لييه أنا سايق حمار أصلو؟؟؟
* بيخ لى عربيتى
* أقسط فيها العمر كلو
* قال بالعصايا قال
* المهم
* خالد عزالدين إعترف بصحة هدف أهلى شندى
* ما دام إعترفت بصحة هدف أهلى شندى المنقوض ظلماً يا خالدونا
* هاك الكمامه دى
* وإتكممى
* أيها الشفوت
* أمسكوا العدد
* ورد عديل كده
* 2870 ,,, 2870 ,,, 2870 ,,, 2870 ,,, 2870
* أيها الناس
* إن تنصروا الله ينصركم
* أها
* نجى لى شمارات والى الخرتوم
* أكان شفت يا والينا
* قالوا ظهرت نتائج أنضف العواصم لدينا
* ألف مبروك يا والينا
* قالوا إتصدرنا القائمة بالفينا
* ما يهمنا الصدارة من فوق ولا من تحت يا والينا
* المهم إتصدرنا يا والينا
* يلا أمرقوا المليارات نحتفل بيكم وإحتفلوا بينا
* باقى نحنا فى الإحتفالات مافى زول بصرف أكتر مننا يا والينا
سلك كهربا
** ننساك كيف والكلب لما سمع بى نضافة عواصم العالم ما إندهش لينا…نفض القراد ورقد؟!!
اليييييييييى لقاء
سللللللللللللللللك
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة