دخلوها ونسيرها حام

> مشكلة ولاء الدين ليست في التسجيل في كشف الرديف ام الكشف الاساسي
> ولكنها تكمن في التعاقد مع لاعب عمرو سطاشر سنة
> آها دي تمشي الفيفا ولا الفيفا قافلة للانتخابات؟
> المهم
> مهند الطاهر يغسل
> مهاجم النسور يغسل
> لاعب الرهيب يغسل
> انتو سجلتو ابوعاقلة ولا غسالة؟
> ونيلسون ونزار ديل محاوركم يوم ليبيا تفتح؟
> شوفوا الشغيل وين سريع
> هلال 2016 اكبر كضبة في هذا الموسم
> اما باقي الفريق فحدث
> ونس ياروشا
> فداسي يكون في الحليماب
> مهاجم النسور يكون في العامراب
> غايتو الاهلة مشوا الكورة
> دخلوها ونسيرها حام
> النجومية كانت لمكسيم برغم اخطاء الخروج المتكرر
> وده في حد ذاتو مؤشر للمستوى والمحتوى
> ايها الناس
> العشري حايبدأ في ترشيح المحترفين
> انا عارفو رشااااااااح
> وحا يختار مكان المعسكرات
> انا عارفو خيااااااار
> وحا يجيب الازياء
> جيااااب
> وحا يفككم عكس الهوا يا روشا
> انا عارفو فكاااااااااك
> وحايبدأ الطاقم المصري في الحضور
> تاني الرز مصري يا روشا
> وحانسمع نغمة ارحل يا عشري
> ووقتها روشا كعادته سيستلم المبادرة
> اصلو روشا وفطومة في زمن كردنة متعودين
> يطمبروا للمدرب
> ويقلبوا عليهو
> المهم
> زمن جمال كنا بنسمع بمعارضة
> بيانات وافكار وبرامج
> جمال مشى
> واختفت تلك الاسماء والبيانات والافكار والبرامج
> ولم نسمع بالمعارضة إياها دعمت او قدمت للجنة التسيير
> او قل حتي مجرد تأييد التسيير ببيان ما سمعنا بيهو
> فهل تلك المعارضة كانت لجمال فقط
> تذهب اذا ذهب
> وتأتي اذا اتي؟
> أين الذين كتروا الطلة من خلال الاذاعات والقنوات الفضائية في الزمن داك وملونا نظريات؟
> أين هم من المريخ الآن؟
> وهل سيظهروا على السطح مجدداً اذا عاد جمال؟
> كانت فرصة لهم لإثبات الولاء بدعم الكيان مادياً وبالأفكار
> ولكنها فرصة ضاعت
> للاسف انتهت فرصة أخيرة بالنسبة ليك يا المنطط عينيك
> فجمال قد يكون اختار الابتعاد ليكشف للناس مواقف تلك المعارضة
> ولو كان كذلك
> فإن الطابق والمستور قد انكشف
> انكشف الطابق وانبشك المستور
> المهم
> الإعداد يجري على قدم وساق
> وأكرر لا داعي للخوف
> الثقة بالنفس أولى خطوات النجاح
> فالمعسكر الخارجي والمعسكر الداخلي قوام النجاح لأي منهما هو الانضباط والمسؤولية
> وبأي تسلحنا ننتصر
> فقط الهمة يا شفوت
> اللياقة الذهنية والبدنية هي المستهدفة
> نحمد الله ماعندنا لاعب غسالة
> أي مهاجم يغسل ويمشي
> ولاعندنا ماسورة
> ولا متوقعين يطلعونا من ماسورة
> فنياً أولادنا تمام
> نجيب اللياقة بشقيها ونشوف بعد النيجيري في منو
> وياحبذا لو الاقطاب الذين يقشرون بالقطبية جلوساً على المقصورة وعلى الصفوف الاولى بالاحتفالات والقشرة
> يا حبذا لو ساعدونا بالفكة
> عشان نرتاح شوية من قصة حوافز وما اخدوها ونفسياتهم وشخصياتهم دي
> وعلمت من فاضلابي أن الوالي قد تعهد بتكاليف السفر لنيجيريا
> يعني في ما يتعلق بالسفر الأضان بردت
> من أسي أقطعوا التذاكر يا ونسي وكملوا حجوزات السفر وحددوا نازلين وين وكم يوم وبي كم
> في الأمور دي خلوا إشرافكم مباشر
> قد يوجد من يضرب المريخ في الأنكل من أجل إثبات فشل التسيير وإفشاله بخطأ مقصود
> ولكنه، أي خطأ يظهر كأنه غير مقصود
> عندنا زي ديل كتار يا ونسي
> المهم
> موتور شنو ورشاشات شنو الاتسرقت يا دحية؟
> الاستاد ده جنينة غفيرها نايم ولا شنو؟
> ودي ليست اول سرقة
> قبلها كانت سرقات
> قبل الرشاشات الشاشات
> وبعد الشاشات الكشافات
> القصة دي دايرة حسم شديد
> بالمناسبة
> ماذا حدث في شأن بلاغ الشاشات القديم يا ناس؟
> المهم
> قروب مجلة ستموني قام بعمل طوعي جميل على النجيل
> وحدث كما علمت سوء تفاهم بين اللجنة والقروب
> القصة ما قصة عناد
> القصة قصة تنظيم
> القروب يقدم خدماته للكيان بإذن من اللجنة وتحت اشرافها وبالتنسيق معها
> واللجنة لا تمنع شخص من تقديم العون للكيان طالما كان باشرافها وفي مجال يحتاج لذلك العون
> عفارم عليكم يا شفوت ستموني ومزيداً من الالق والتألق
> ايها الناس
> داير لي غسالة ماركة ابو عاقلة
> اي زول يغسل ويفوت
> والغسالة قاااعدة بحالة جيدة
> جبتوها من وين يا روشا؟
> ايها الناس
> «إن تنصروا الله ينصركم»
> آها
> نجي لي شمارات والي الخرتوم
> سمعنا يا والينا بالفصول الإلكترونية الدايرين تفتحوها لينا
> الفصول الكرتونية متذكرنها يا والينا!!!
> اتوفر ليها الطباشير والكرسي والدرج يا والينا؟
سلك كهربا
ننساك كيف والكلب لما سمع فصول إلكترونية قال الغلبتها حزمتها بتكسر تزيدها
والي لقاء
سلك