الدرداقات تابعة للدكاكين!!
> زمان حكوا لينا قصة شيخ
> قالوا ود ولدو قال ليهو أديني ريال يا جدي
> قال ليهو تلقاهو في شباك الحمام داك بعد تقضي رجعو في محلو
> الولد شال الريال ولما ربنا فتح عليهو رجعو في الشباك
> بعد فترة طلبو تاني
> الجد قال ليهو نفس الكلام
> وشالو تاني
> المرة دي ما رجعو
> بعد فترة الولد جا بي بوليسو قابضو في ريال
> طلب من جدو ريال سلف
> جدو قال ليهو في شباك الحمام داااااك
> الولد ما لقى ريال
> قال لي جدو مافي يا جدي
> الجد قال ليهو لو رجعتو كان لقيتو
> والبوليس ساق الولد والولد اتكامل الحراسة
> قصة جمال سالم اتحلت
> لكن يجب الوقوف عندها وعدم تمريرها بالساهل
> وأيا كانت الأسباب الغياب واحد
> وأيا كانت الأسباب كان على مجلسنا مخاطبة الاتحاد العام ليخاطب بدروه نظيره الأوغندي
> يقول ليهو قلت يا أوغندي داير جمال للمنتخب حسب لوائح الكاف
> وجمال لم يحضر في ميعاده
> وحسب لوائح الكاف مفروض ترجعو في ميعادو يا اتحاد يا أوغندي
> رسلو سريع وتاني ما تتجرأ تطلبه عشان ما بنرجعوا ليك
> والبوليس، يتكامل الاتحاد الأوغندي والاتحاد الأوغندي يتكامل الحراسة
> لو رجعوهو في الشباك كان لقوهوه
> لكن هذا لا يعفي لجنة التسيير التي قصرت في حقوق الأجانب بالذات
> وأعطتنا يقيناً بأن كل الناس شالوا حقوقهم
> أيها الناس
> نحن في منعطف فقري جداً
> والأجانب ديل ما أولاد شاخور
> اتغربوا عشان الكشكوش
> وبلدنا سياحياً وحياتيا ليست مغرية لهم عشان يختاروا أنديتنا
> ولكن كشكوشنا هو المغري
> فغياب الكشكوش يعني غياب مزاج اللعب لديهم
> ولجنة التسيير يجب أن تعرف الحتة دي شديد
> وقلة المصادر ليست عذراً لعدم سداد حقوق الأجانب
> صحيح معاناة يا سي ونسي شوية
> أيها الناس
> أياً كانت الظروف خلينا مصرين على التأهل
> وبعدها يحلها الحلال البلال
> فنحن لانتحمل التسكع على،الطقرقات للموسم الجاي مع ناس روشا
> لازم لازم نمشي لي قدام
> المهم
> في تجريبية المقاصة فزنا
> وأخبار المعسكر تقول إنه بخير
> وإعداد، روابط،التشجيع يسير على قدم وساق
> والشفوت في،الميعاد دوماً
> أيها الناس
> إن تنصروا الله ينصركم
> آها
> نجي لي شمارات والي الخرتوم
> كان شفت يا والينا
> وكان شفت يا والينا
> وكان شفت يا والينا
> والله العظيم
> وكان شفت ياوالينا
> وكان شفت يا والينا
> وكان شفت يا والينا
> أقسم بالله العظيم
> وكان شفت يا والينا
> وكان شفت يا والينا
> وكان شفت يا والينا
> بهذا ما حصل لينا
> وكان شفت يا والينا
> كتير هو البحصل لينا
سلك كهربا
ننساك كيف، والجريو قال للكلب زمان يا بابا موش كان عندكم كتيل كلاب؟؟ الكلب قال ليهو السعرانات بس
> الجريو قال برغم ما حصل أخير نحنا … وهز ضنبو لكن ما جري… يجري، وين مع المواتر دي
والي لقاء
سلك
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة