الوطنية للطحنية والجعرانية

> ويجري استعدادنا للاستحقاق الإفريقي
> جمال سالم لحق بالبعثة
> لكن لكل مقام مقال
> ومقام مجلسنا عندنا يجب ان يكون مقاماً كبيراً
> والمقام يحدده المجلس لا نحدده نحن بالمزاج
> يحدده المجلس باعماله الكبيرة
> بقراراته القدر المقام
> بسداده لحقوق ومستحقات الناس
> بشفافيته امام الانصار
> المقام الكبير ما بجي ساكت
> بجي بي حاجات كتيرة
> ولكن اختيار الزمن المناسب لفتح الملفات هو اول اسباب فتح الملفات بنجاح
> فاصل ونواصل
> ابقوا معنا
> المهم
> نعد العدة جيداً للمعركة الجزائرية
> في الملعب
> وعلى المدرجات
> ومن المدرجات نصدر الطاقات للملعب
> من المدرجات نصدر قرار التأهل
> ويا حبذا لو كل الاعلام المريخي والرموز وقدامى اللاعبين وعدوا بالانفعال والتفاعل من على المدرجات الشعبية
> ليشاركوا في تصدير الطاقات
> ليقودوا التشجيع مع الشفوت من داخل المدرجات المقدسة
> ليرسلوا رسالة جديدة للعالم مفادها
> نحن حيران لذلك الشيخ المبجل الزعيم
> هو الكبير ولا نكبر عليه
> هو المقدس عندنا فنقدم قاماتنا وهاماتنا واحتراماتنا له من باحة مسيد العشاق على المدرجات الشعبية
> ينتهي دور الاعلامي بمجرد وصول صحيفته للقراء او برنامجه للمشاهدين والمستمعين
> ولكن يبدأ عندها دوره الكبير كمشجع اصيل
> مع احتراماتي لساكني المقصورة والجانبيات
> الا ان المدرجات الشعبية تسمح بممارسة الحب الكبير والعشق الابدي
> منو الجاي معانا لمعقل الشفوت داخل وكرهم على المدرجات الشعبية؟
> ايها الناس
> النفرة التي عمت دار النادي يجب ان تستمر
> والاخ البصري قادها بحنكة ودراية واخلاص
> فنال درجة التخصص
> وما اعجاب الاخ صلاح حمزة بما دار من اصلاحات بدار النادي عند عودته معافى من مصر الا شهادة لذلك البصري
> البصري يعمل بتفويض من لجنة المنشآت
> وسيواصل عمله تحت هذا المسمى حتى تكتمل الصورة
> وشكراً صلاح حمزة الذي اتاح الفرصة كاملة للبصري
> بل صلاح هو من اتى بالبصري ورشحه للمجلس
> صلاح قدم الكثير ويستحق التكريم
> المهم
> نجدد الدعوة للقروبات
> المحرية فيكم كبيرة
> ونفرة الدعم يجب ان تكون شهرية
> كلو قروب بي استطاعة اعضائه
> وعيب الزاد ما بعيب سيدو
> وعداكم العيب
> ايها الناس
> في النفرة الفاتت كان قروب شفوت شرق دارفور حضوراً انيقاً في شخص الدكتورة رسائل
> في النفرة القادمة نتوقع جميع قروبات شفوت الولايات
> مع علمنا بالقروبات المشاركة فيها الكثير من الاعضاء الذين ينتمون للولايات
> ولكني اقصد القروبات الجهوية
> المهم
> امس مشيت الحلاق
> قلت ليهو احلق لي نيمار
> قال لو بعد ده اتاهل الهلال ممكن لكن رأسك ده ما بتجي فيهو نيمار
> المهم
> ناس الوطنية عاملين دورة رياضية
> فريق الطحنية وصل المباراة النهائية بجهود كابتن عمار بيسته
> الطرف الآخر لمباراة الختام لسه ما معروف
> اقرب فريق العدس لتلك المباراة
> رأيكم شنو يا روشا تدخلوا الدورة دي بي اسم فريق ام رقيقة
> وتلعبوا ضد العدس
> صدقوني فطومة لو بتعرف تعوس ام رقيقة بتغلب العدس وبتتأهل للنهائي ضد الطحنية
> واهو افضل ليكم يا خالدونا من تستضيفوا سيكافا وتتعبوا روحكم وتحرجكم كشافاتكم البتنصل براها دي
> دورة الطحنية افيد من الجعرانية
> ولا شنو يا مبارك البلال؟
> بمناسبة الكشافات
> كلموا ناس المرور يجيبوا ليكم استوبات اخير ليكم من البتطفي براها دي
> المهم
> ماذا حدث في موضوع الدكاكين
> وما هو القانون المختص للفصل في موضوع الدكاكين
> والحاصل
> فاصل ونواصل
> اصبروا بس
> ايها الناس
> ان تنصروا الله ينصركم
> اها
> نجي لي شمارات والي الخرتوم
> كان شفت يا والينا
> الناس يومينا بسألوا فينا
> ليه الارادنة والمصريين بمتحنوا الشهادة اللدينا
> وليه بقروا الجامعات الخاصة لدينا
> وما هو السر في ذلك يا والينا
سلك كهربا
ننساك كيف والكلب قال للجريو مسفرك الأردن يا ابني تمتحن الشهادة وترجع لي
وإلى لقاء.
سلك