لا خيار غير أن نكون

> اليوم
> والأيام التالية
> عرض فيلم الشفوت
> بطولة شفوت المدرجات
> مع ملوك الفروسية الاولتراسات الاربعة
> يقوم بدور الجنود روابط التشجيع الحمراء
> سيناريو المستر لوك
> توزيع موسيقى والحان راجي عبد العاطي
> جرافيك امير كمال
> خدع سينمائي تراوري
> مكياج علي جعفر
> الفيلم من قصة بطولة للكاتب الكبير شاخور
> مكياج عبده جابر
> المؤثرات عمر بخيت
> تم التصوير باستوديو نهر النيل بشندي
> مع نجم الشباك معبود الجماهير بكري المدينة
> لايفوتكم
> التذاكر تطرح صباحاً
> ممنوع اصطحاب الاطفال
> ألمي هااار ولا لعب قونج
> إنتاج الفيلم شركة لجنة التسيير للإنتاج الفني والإعلان
> ايها الناس
> اليوم نكون او نكون
> لاخيار غير أن نكون
> شغلنا الاساسي علي المدرجات هو التشجييع
> لابتخصنا تشكيلة ولا بهمنا تغيير
> ولا بعنينا قوننا الاول يجي متين
> نشجع وبس
> كلو زول يشوف شغلو
> الجهاز الفني عارف هو بعمل في شنو
> اللاعبون يدركون جيدا ماهو مطلوب منهم
> المجلس قام بواجبه كاملاً
> الاعلام لم يقصر
> وحتي الذين ترددوا في ركوب قطار الانجاز لحقوا به
> ركبوا معانا القطر
> والجماهير ما قصرت
> دعمت مادياً ومعنوياً
> واليوم دورها الكبير في اعلان التأهل من ام درمان
> ايها الناس
> لانستعجل النصر ولا نندفع لانتصار
> ولن ننسى اننا تأهلنا يوم عزام في الزمن الخرافي
> في الزمن البديل
> يبقى الصبر مع التشجيع المتواصل بوصلنا لغايتنا
> وغايتنا هي اعلان التأهل من ام درمان
> تلاتة مهاجمين بي تلاتة اقوان
> تراوري بكري وجابر
> شخصياً على المدرجات الشعبية
> ومنها تنطلق الحناجر لترسم لوحة النصر الكبير
> فهل من رفيق؟؟
> مرحباً مقدماً بشفوت الولايات اصحاب المواقف والرايات
> صناع النصر من على المدرجات
> ناس الحوبات اهل النفرات
> مرحباً بكم وانتم تضحون بالغالي من اجل الغالي
> اما شفوت العاصمة
> الفي ام درمان كداري مستظلاً براية المريخ
> الفي بحري يركب حافلات الحاج يوسف من موقف شندي
> او هايس طلب تجيبو بشارع النيل
> الفي الخرطوم في جاكسون او في المينا او في كركر
> تلقوا الطراح بكورك
> ليب ليب ليب لييييبيا يا
> اركبوا ليبيا ده بتجيبكم في خشم الاستاد
> ولو قال ليكم ليبيا بالهوا
> برضو اركبوا وانزلوا حمد النيل
> تلقوا درمه بيدفن
> كلموهوا بوصلكم الاستاد
> كلنا من عصراً بدري
> كل القوة القلعة جوه
> المهم
> نتوقع مناصرة ناس الحركة الوطنية من منطلق وطني
> المرحلة دي صعبة
> نشرحها للناس المافاهمنها
> لي ناس روشا
> نحن الآن يا روشا في بطولة اندية افريقيا
> في مرحلة دور السطاشر
> اذا تأهلنا بنمشي حاجة اسمها المجموعات
> واذا طرنا لاقدر الله
> مابنقعد ساي برا شغلة
> بنلعب تاني حاجة اسمها مكرر
> يعني مشغوليييين يا حبيب
> حقو تجيب فطومة وتجوا تاخدوا ليكم خبرات
> اصلكم قاعدين بدون شغلة
> ايها الناس
> كلنا خلف راية التسيير تحت الراية الكبيرة نحو المجموعات
> كلنا من اجل مريخ قوي في كل الظروف
> لأنو عز الناس اهل
> والمريخ عزيز
> جايينك يا اعز الناس
> يا اعز عزيز
> يا الذ عريس
> وبالروح بالدم نفديك يا مريخنا
> ايها الناس
> نمضي قدما بفضل الله رغم قساوة الظروف
> وواهم من ظن أن المريخ بموت
> سيبقى مابقيت الحياه
> وسينتصر للذين لم يفقدوا الثقة
> سينتصر ليعيد الذين فقدوا الثقة
> ويعيد اليهم الثقة
> كل القوة القلعة جوه
> ايها الناس
> إن تنصروا الله ينصركم
> آها
> نجي لي شمارات والي الخرتوم
> عاد ده يوم شمار يا والينا
سلك كهربا
ننساك كيف وحتي الكلب واثق.. وواثق جداً
والي لقاء
سلك