تمن البقاء افريقيا
* لاننا ماقمنا مع الالغام بدري
* وماطرنا من التنافس الافريقي كبقية الطيور المحلقه في سماوات الفشل
* كان لابد ان ندفع التمن محليا
* الاتحاد قصد يودينا الخور بالبرمجه المستحيله التي اجبرنا عليها
* فمن غير المعقول
* ولا من البخش العقول
* ان نسافر رايح جاي اربعين ساعه فيها مباراه افريقيه
* لنعود ونلعب دوريا طوالي
* موش كده وبس
* كمان فيها ابيض وكادوقلي ومباره ضد الكوكب المغربي
* فهل هذه البرمجه هي جزاء البقاء افريقيا والابقاء علي اسم السودان في المنافسه بعد مغادرة الطيور المهاجره??
* ايها الناس
* ان الوطنيه التي يتحدث الناس عنها استهلاكا للكلام
* تموت في اول موقف يحتاج الي تفعيلها
* ومحاولات ارضاء الذين سقطوا افريقيا وانهاروا محليا علي حساب شرف المنافسه
* يضر بالذين يحاولون ارضائهم علي حساب الابطال
* ولكن مجلسنا مهموم بالجمعيه ولقيط المال الذي يلزم لتسيير المرحله المقبله
* لذا وجد اعداء النجاح داخل الاتحاد ضالتهم في ضغط الزعيم الناجح افريقيا ببرمجه تقوم نفس الحصان زاتو
* ايها الناس
* برغم الارهاق ووجود العذر للاعبين
* الا ان الكابلي بالغ في كريم الحسن
* كتل الوسط وامتص الحماسه
* ووسط فيهو جابسون العائد من الاصابه ثقيل الحركه وعلاء الدين يستحيل ان يكون الحسن ثالثهما
* ولكن الخواجه في دي دقس
* اما تراوري فلا زال هو تراوري الناعم الاناني المسالم
* والمشكله الكبري في صناعة اللعب
* ايها الناس
* امامنا تكميليه
* نحتاج للدعم الاجنبي في كل الخطوط
* واهم الخانات صناعة اللعب
* وخانات الاجانب رااااقده
* كريم الحسن ده براهو هانتو بتشيل تلاته لاعبين
* الزول ده لما دخل الملعب كنت قايلو نصر الدين الفاضلابي
* اما علاء الدين
* فبرغم المستوي الجيد الذي قدمه
* الا ان استهتاره في تنفيذ ضربة الجزاء وكلوجته عند لعبها خصم من رصيد تألقه كثيرا
* علاء لاعب كبير وخبير
* ومن شكل المباراه اي زول كان عارف ان حسم هذه المباره في ضربة الجزاء تلك
* لذا كان عليه ان يدرك ذلك ويلعبها بجديه وضمان
* المهم
* الفريق المرهق افريقيا وجاي من سفر وبعده عندو استحقاق افريقي
* بي برمجه زي دي مابلعب الا يكون عندو ضهر جوه ناس يخطئ ولا يظلم
* او علاقات جيده تحت التربيزه بينه والفرق المنافسه
* والمريخ ده كلو ماعندو
* قبلان ليه بتلك البرمجه???
* ايها الناس
* اعلنت الاذاعه الداخليه لاستاد المريخ عن موعد الجمعيه العموميه
* نتمني ان يكون الناس المطالبين بها قد جددوا اشتراكاتهم وحصروا عضويتهم ودقوا صدورهم للترشح
* مايبقوا زي ود جاد الله
* يشبكونا الحرب الحرب
* ولما تجي الحرب
* يبقي ود جاد الله الدايره بي عينو شافه
* كراعو الغبشه فاتت كراعو الممسحه بي مسافه
* والرأي عندي
* ان يجلس جميع المريخاب ليختاروا مجلسا منسقا متناسقا من اجل الكيان
* ليفوز ذلك المجلس بالتزكيه
* ويجد المناخ ملائما للابداع
* فمريخ العام الماضي
* مع مريخ العام ده
* مضاف ليهو مجلس مقتدر ومتناسق
* نضمن الاميره السمراء في دولابنا
* ونترك لغيرنا الجوهره( الزرغاء)
* فهمتوني???
* ايها الناس
* شمس الفلاح كان بعيدا عن جو المباراه
* هجوميا كان صفرا يشبه الصفر الكبير في الخواء
* حتي تنفيذه لرميات التماس كان بتأخير وتراخي كأنه لايدري اننا نحتاج للزمن
* حيلك معانا ياكابتن
* وعندك افضل من كده
* روشا
* يا جواهرجي
* ماتفرحوا
* عاملين كشافاتكم الشينه دي
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* امس مشينا نطعم الكلب ابي يتطعم لينا
* الكلب محتج علي سعر السكر الاتفرض علينا
* رفض يتطعم لينا لانو حن علينا
* وكان شفت الكلاب يا والينا
* اول ما يشوفونا يتحاضنن ويبكن علينا
* هوهوهو اهيييي يا اولاد امي وياحليلكم يقولن لينا
سلك كهربا
ننساك كيف والكلب يبكي علينا لمن ينقلب
والى لقاء
سلك
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة