النفرة ورفع المعاناة

> استبشرنا خيراً بنفرة القصر
> ثم
> استفسرنا عن القبض
> لقينا الموضوع لسه
> الناس نفروا خفافاً للقصر
> وتثاقلت الايدي بعد ذلك في ذهابها للجيوب
> الايادي كانت كسلانة
> مازي الارجل التي خفت الى القصر تحجز اماكنها امام الفلاشات
> سمعنا أنو البنك الاسلامي سلم ما التزم به
> وشفنا هواري وسط الملايين العشرة متصور
> تاني يعمينا ويطرشنا
> ولو كنا عارفين الموضوع نفخ وهوا ساكت
> كان شلنا بنشرنا ومشينا القصر ننفخ مع النافخين
> ايها الناس
> نفرتنا زي شوبش العريس صاحبي
> عندنا شلة جميلة
> فيها واحد لو داير يشتري صابونة يقول بي وضع
> وبي وضع تعني جزو كده وجزو كده
> يعني جزو من تمن الصابونة كاش وجزو بي شيك
> يوم كنا في حنة صاحباً لينا تاني
> صاحبي بتاع الوضع ده لما الناس كان بختوا مية وميتين
> خت مليون
> اسمع ليك شوووووبش
> فلان الفلاني مليون جنيه
> النسوان زغردن لمن شرطن حلاقيمن
> انا استغربت
> جيت جمبو وقلت ليهو مالك يا اخوي دافع مليون كاملة
> قال لي بي وضع
> كلها وضع
> بي شيك ستة شهور
> ولي الليلة طبعاً الشيك ما انصرف برغم انو ولد العريس اسي ضابط شرطة
> اها نفختو جابت حقها وما خسر ولا تعريفة
> الظاهر نفرتنا دي زي شيك صاحبي داك في شوبش صاحبنا التالت
> ايها الناس
> الروماني راسو جا
> وقبل تسجيل النيجيري بعد ان رفضو
> الخواجه بعد ده ما تستبعدوا لو قال داير يناسبنا
> ناس روشا ديل يجيبوا راس عنتر خليهو راس روماني بدرب من زمن شاوسيسكو
> المهم > كالعادة ركن لونسي للنفرة > وادخلنا في مشكلة الاستحقاقات قبل السفر للمغرب
> ونسي ده مؤمن شديد خلي بالك > اي كلام بصدقو > موش المؤمن صديق!!!
> المهم > المريخ سافر بدون عزيمة > والكوكب دورياً انهزم بالثلاثة
> فهل يتصالح مع جماهيرو على حسابنا؟ > اما التسجيلات فما شايف شيء في الافق
> ناسنا بتاعين التسيير ديل زي الزول البجي السوق ويرفع ليهو سلعة من الفراشة
> بي كم دي؟ > الفراشي يقول ليهو بي خمسة > صاحبنا يختها في فراشتها > البايع يقول ليهو جيب تلاته ونص
> صاحبني يمشي > البائع يقول ليهو تدفع كم؟ > خلاص جيب جنيه ونص > وصاحبنا يواصل في المشي > البايع يكورك ليهو تعال شيلها ساي > صاحبنا يرجع على البايع ويتذكر انو ما عندو حق الكيس البشيل فيهو السلعة > يقبل عكس ويمشي يلقى روحو جمب مواصلات امبدة يركب ويفحط > ولسان حال البايع يقول > زي ديل بجوا السوق لي شنو؟ زحمة للناس سااااي؟ > ايها الناس > ساندنا التسيير بقوة > لتضع سيستماً لادارة النادي بحيث نعرف كيف يحكم المريخ ولا يهمنا من يحكم المريخ وقتها لأننا نكون قد عرفنا الكيفية > ساندناها لتخرجنا من جيوب الاقطاب بالاستثمارات > ساندناها لتغير اسس علاقة اللاعب بالنادي > ساندناها لتجمع كلمة اهل المريخ > ساندناها لاحترام الرأي والرأي الآخر > ساندناها من اجل المصداقية والشفافية > ساندناها لمراجعة عقود حوض السباحة وملعب الخماسيات > ساندناها لتوقف نزيف المياه في الناحية الشمالية الغربية لتقضي على غابات البوص في تلك المستنقعات. > ساندناها لتحافظ على فريق الكرة الممتاز الذي ورثته وعلى الجهاز الفني الشاطر. > ساندناها لترمم الفريق وتخلق منه بعبعاً فسجلت كريم الحسن > ولكن السؤال > هل قامت لجنة التسيير باي شيء ساندناها لاجله؟ > الاجابة في كشف حساب انجازاتها > ايها الناس > في التسجيلات المريخ لا يخرج صفر اليدين بصرف النظر عن حالته المادية وقت التسجيلات > فالعجب واسامة ام دوم ونزار كسلا وحتى حامد بريمة لما سجلهم المريخ ما كان القوة المالية الضاربة في البلد دي > لكن كان المريخ بعرف شغل الكورة > فهل لجنة التسيير اقنعتنا بعرفتها لشغل الكورة؟ > ايها الناس > المريخ الذي لا يحبه خالد عز الدين ينافس من اجل الولوج للمجموعات > والهلال الذي يحبه خالد والذي يعتبر نفسه القوة المالية الضاربة في البلد دي بعد ما لملم كل الصلع يبحث عن وديات مع سانت جورج وغيره. > وهذا هو احد اسباب عدم محبة خالد عز الدين للمريخ > مع ملاحظة ان المريخ افريقياً السنة دي قابل فريقاً نيجيرياً ثم جزائرياً ثم مغربياً > وكلها دول معروف مستواها الكروي > لا فيها فشنكات ولا كم كمات ولا ولد طايع > وطار الهلال الذي يحبه خالد من فريق ليبي برغم انو آخر مباراة في الدوري الليبي كان الساعدي لاعب فيها وعائشة القذافي «المنسقة اظنها في الوكت داك» ضيف شرف المباراة > الزمن داك الماسورة المرقوا منها القذافي لسه ما كان جابوها ليبيا > أيها الناس > بأي شكل من الأشكال > بأي حال > تخطي المغربي واجب > وبعدها يحلها ألف حلال > ايها الناس > إن تنصروا الله ينصركم > اها > نجي لي شمارات والي الخرتوم > كان شفت يا والينا > المويه تاني قامت تتجنن علينا > طبعاً عملتوها مخصوص عشان تدربونا على الصيام ورمضان خاشي علينا > الحكاية ما غلبتكم ولا فشلتم تجيبوا المويه لينا > ووزير المويه بالتضامن مع وزير الكهربا يا والينا > عملوا لينا كورس تقوية لمادة الصيام مجاني لينا > اللهم يا حنان بلغنا رمضان واقبل دعاءنا كصائمين واستجب لينا > عاد هو جنس دعاء يا والينا سلك كهربا ننساك كيف والكلب قال في رمضان السنة دي مزيرة نرقد تحتها مافي وإلى لقاء. سلك