عشان فطومه عيانه

> في شندي كان الاداء بروح فيها ريحة المريخ > ولكن ما سمعنا به من أحداث وما شاهدناه امر يفرض على نفوسنا الدهشة > لماذا مثل هكذا تصرفات في معظم مباريات المريخ بالولايات > وفي مدن بعينها > أيها الناس > الرياضه قبل كل شيء محبة واحترام > ولو فقدت تلك الصفات اخير عدمها > المريخ مامقطوع من شجرة > وجماهيره لا يوجد بينها اولاد ميكي > نستطيع ان نحمي لاعبينا وجماهيرنا بقوة وشراسة > ونستطيع ان نحتل اي بقعة في الارض ونرفع عليها علمنا عاليا خفاقا > ولكن لانميل لذلك لاننا نحترم كياننا وانفسنا > ونحترم الرياضة والرياضيين > ولاننا نؤمن بان بلدنا ماناقصة > ايها الناس > انها دعوة نقدمها للوسط الرياضي ان يسمو باخلاقه ويحترم الروح الرياضية كي نتفرغ لما يقدم مستوياتنا في اللعبة > لان التهاتر والتراشق واختلاق الاختناقات لا يقودنا الا لحرب ضروس لا اظن ان الكاسب فيها فائزاً باي حال من الاحوال > دعوة للجماهير كي تعود لرشدها وتردع المتفلتين لتعيد للوسط الرياضي روحه الرياضية > ايها الناس > جماهير المريخ في اي مدينة تمثل غالبية اهل المدينة > وفي امكانها حماية المريخ وجماهيره التي لا تدعه يسير وحيدا > مهما كلفها الامر ومهما كان التمن > امنياتنا الا تضطر جماهير المريخ في المدن المعنية وماحولها لاستعمال القوة حماية للكيان > ونلفت نظر السلطات بالتشدد في حفظ الامن > والتشدد مع من يتفلت > ونسأل السلطات القضائية ان تردع كل من يثبت تفلته امامها > وبرضو نتمنى ألا تضطر السلطات الامنية ولا القضائية للتعامل بذلك التشدد مع منسوبي الوسط الرياضي > ولسه نحنا بنغني > نحنا في الوسط الرياضي لابنخاصم لا بنعادي > أأمل ان يقف كل فرد في الوسط الرياضي مع نفسه في هذه النقطة بالذات حتى لا نجبر على ماعدا ذلك > المهم > الاداء في شندي كان فيه بادرة اشراق كبيرة > وبعد تحليلنا للمباراة وبالرجوع للمعطيات > نتفاءل جدا بالنصر الكبير تحت اشعة الرتاين > بالمناسبة > كورة الخرطوم الوطني برضو شفناها > الروماني ده اظنو شايل اصبعو بحجر النار > ماظهرت ليهو ولابصمة > ولم نشاهد مايقرأه الناس في صحف ناس روشا واعمدة ناس رمضان ومحمد عبد الماجد > لا خطط ولا انسجام ولا فريق يرهب > الحال ياهو نفس،الحال > فداسي يقبل يمين ويميل شمال ذكرنا رقيص العروس > الشغيل في تقلتو ونزار ابو القدح بس > والدمازين لسه بستفيد من اخطاء الحكام غير المقصودة في التساهل معه ووأد البطاقات الملونة امامه > اما الحاج كاريكا فحدث ولا حرج > بشه نفعو حظو في الهدف اليتيم > أما ساسا فده غزال بزوزي بيكم ساااي يا روشا > الفريق الشفناهوا امام الخرطوم الوطني ده لو ماغلبناهوا اقل شي تلاته يبقى برهان ماشايف شغلو > ايها الناس > اعلام الهلال خدع الاهلة الشرفاء > فحضروا ولم يجدوا الفريق ولا بصمات المدرب ولا تشكيلة من التشكيلتين الحيرن المدرب > فأيقن الاهلة الشرفاء بان اعلام كردنة قد خدع جماهير الهلال > وطلعوا زعلانين وخجلانين > اجمل مافي المباراة انو العمال كانوا شغالين اثناء الكورة واللاعبين ماشغالين اثناء الكورة > كردنة كب اسمنت صاح > وشتت السيخ فيهو بالطريقة الصاح > ويحضرني سؤال لروشا قبل سنين لما قال جمال جاب القروش من وين > نسأل ياروشا نفس سؤالك > كردنة ده قروشو دي قروش نصاح ولا قروش مانصاح؟؟ > ووقتها طالب روشا البرلمان بالتحقيق مع جمال > فهل نطالب نحن كذلك ياروشا ولانخلي طابقكم الجديد مستور > ايها الاهلة الشرفاء > ماتزعلوا > يمكن الهلال لعب كعب كده عشان فطومة اختي عيانه > باقي فطومة هي الكل في الكل > يتعافى،الهلال بعافيتها > ويمرض ابو الهل بي شنبو الكبير ده لمرضها > واليومين دي فطومة عاملة عملية > الله يستر الهلال مايعمل برضو عملية > عجوبة ياخ > ايها الشفوت > النفرة ثم النفرة ثم الدعم > الدعم ثم الدعم ثم الاستثمار > ويوم عشرين الفرحة فرحتين > لانو الشفناهوا بعد الكورة بين الاهلة الشرفاء > هو اعلان لفوز عريض للمريخ > ايها الناس > سيحاول الضعفاء استمالة الظروف والحروف لتنقذهم من الخسارة امامنا > لكن لن ندعها تنجح هذه المرة > ونحذر التحكيم والتنجيم والحروف > ايها الناس > ان تنصروا الله ينصركم > اها > نجي لي شمارات والي الخرتوم > والينا > المويه دي قدرت عليكم وعلينا؟؟؟ > العيب في النيل ولا في الترحيل ولا في الماسورة؟؟ > ولا في الماسورة المشغلة الماسورة > ولا في الماسورة المسؤولة عن الماسورة المشغلة الماسورة > ولا في الماسورة البتصدق كلام الماسورة المسؤوله عن الماسورة البتشغل الماسورة وراجيه المويه تكب من الماسورة؟؟ سلك كهربا ننساك كيف والكلب قال بلد زي اللديتر كلها مواسير… فوق ماسورة وتحت ماسورة وفي النص ماسورة وقافلات كم ماسورة عشان كده اللديتر فاير. والى لقاء سلك