صناعة السلام بين الجنوبيين

> قد يكون هذا العدد هو الاخير وندخل في عطلة العيد > كل عام والوطن بخير > وطالما الوطن بخير نبقى كلنا بخير > كل عام ونحن نرفل في سلام وامان ومحبة > يسود السلام اهلنا في دارفور > لتعود آمنة كما عهدناها > كريمة مضيافة معطاءة كما عودتنا > دايرين نعود لديوان الميرمات في فاشر السلطان > حيث الادب والتأدب والاحترام وحسن الضيافة والامن والامان > دايرين نركب قطر نيالا يدودر بينا من الخرطوم والجزيرة ويشق النيل الابيض بكبري كوستي العتيق ليعانق خير كردفان الجوه والبره ومن الرهد يفرد جناحاتو مختاراً الطريق الطويل المؤدي لنيالا الجمال والوقار > كل سنة ووطنا بخير يجري في رحابه النيل والقطر في امان > ويخضر مشروع الجزيرة من جديد قطنا لتدور محالجنا من جديد ولتدور مصانع يوركشير ولانكشير من جديد ويردد المذياع > في الجزيرة نزرع قطنا نزرع نتيرب نحقق أملنا > وشعارنا لن تسقط لوزة قطن واحدة > كل عام والوطن بخير طالما سودانير تحلق في الافق اشراقا على مطار هيثرو لتتبوأ مقعدها القديم > كل عام والوطن بخير مشتعلاً قمحاً وقطناً ووعداً وتمنياً > كل عام والمواطن بخير مبرطعا في ساحات الوطن بمنتهى الحرية معربداً في طلاقة تواقة للانطلاق يحلم بوطن واسع يجري فيهو القطر وطن شاسع تحلق سودانير في فضاءاته بآمال المواطن.. وطن لا مهموم ولا مجروح بي ضراع اولادو تخدر الجزيرة من جديد > ايها الناس > تعالوا نتعافى ونتقالد ونحب بعض > عشان نتقدم > ويا وطن في قلبي دقات اسمك ايقاعها بيزيد > يا وطن ساعاتنا دقت واعلنت انك في عيد > انت انت وانت لينا وليك من الافضال علينا ويا وطن يكفينا انك في بطاقاتنا الاسم > نحنا نفخر بيك سمعة وانت شمعة تضوي لينا ويا شرف اسمك يدقدق في جوازاتنا الختم > يا شرف اسمك يدقدق في جوازاتنا الختم > لله درك اخي شاعر الابيات اعلاه اكرم زكي > ايها الناس > تعالوا نجعل من هذا العيد اعلانا لخدمة الوطن > تعالوا نلغي السؤال القديم > البلد دي عملت لينا شنو > لنستبدله بسؤال جديد > نحنا قدمنا للبلد دي شنو > ايها الناس > للأوطان في دم كل حر يد سلفت ودين مستحق > فهل نفكر في سداد دين الوطن؟؟ > المهم > كرياضيين نتمني تطوراً ملموساً > وعشان يحصل لا بد للتحكيم من ان يتطور > يبطل يخطئ ولا يظلم دي > ويعطي كل ذي حق حقه > لأن العدالد هي الاساس الذي تقوم عليه اية نهضة حقيقية > شرطة القضارف برضو اصابتها حمي ضربات الجزاء > حالتها ودية > بس كيف نتطور > ايها الاهله > كل عام وانتم بخير > لكن ربنا يحقق الاماني ما بتلقوها مننا > لاننا بنعرف امانيكم كويس > ربنا يحفظ ليكم كردنة ويخلي ليكم الصفر الدولي > ايها الناس > الاتحاد العربي متين قال داير بطل 2016 > الاتحاد العربي قال داير بطل البلد دي > وبطل البلد دي هو المريخ > ناس قريعتي راحت حقو يشوفوا ليهم شتلة معقولة > حق تمثيل السودان في البطوله العربية حق اصيل للمريخ > المنسحبون يمتنعون > ومن الشتلات ان الاتحاد العربي يرفض مشاركة المريخ لما بدر من بعض لاعبيه في مباراة الكوكب > معقولة بس > مباراة الكوكب تتبع للكاف > الدخل الاتحاد العربي فيها شنو؟ > وثم انو الاتحاد العربي يرفض المريخ ويقبل بي ناس تعاطوا المنشطات في منافساته وهربوا من اداء مباراة معلنة في منافساته ايضاً؟ > ده اتحاد عربي ولا عوير!!! > ايها الناس > ان تنصروا الله ينصركم > اها > نجي لي شمارات والي الخرتوم > كان شفت يا والينا > كنت نايم حلمت حلمه مجنونة > حلمت ليك بالدول دي كلها قاعدة مع بعض تتونس يا والينا > وواحدات يشكن ويسألن ربهن يوفر لي شعوبن حق السخينة > تشاد قالت ماشفتوا العملوهو ناس دبي فينا > فعلوا وتركوا وجهجهوا انجمينا > الريحة كانت من فرنسا بتجينا > اسي بت السودان ما يتريح بيها الا مغندل عندينا > نطت غانا يا والينا > وقالت ما شفتوا العملوهو ناس جمارك غانا فينا > والكاميرون تبكي وتشكي لينا > الارجنتين زعلانة من ميسي يا والينا > قالوا مع برشلونة يحير فينا > ومع المنتخب يبخل علينا > الدول كلها تشكي يا والينا > وامريكا تتفرج فينا > مصر ماخلت شيء يا والينا > زيادات محروقات وترشيد كهربات والسيسي جي والسيسي فات هو كل الجديد العندينا > قام السودان يجعر يا والينا > يتنهف وينف والدموع عشرة عشرة يحنن فينا > شكا جنس شكية يا والينا > كلو ما يقول حاجة تنط دولة مستغربة وتقول لأ ياخ > ويشكي ويبكي يا والينا > تنط دولة تانية تقول اصلو ما بصدق يا اخينا > ويشكي ويبكي يا والينا > امريكا ربتت عليهو في كتفو وقالت ليهو معليش > الجاتك في مالك سامحتك سلك كهربا ننساك كيف والكلب قال: فضل لينا من سودانير بس مدحة الطائرة السودانية والى لقاء سلك