قلبت مديح
> برغم ان الشفوت لهم رأي واضح في برنامج رضا > الا ان معظمهم كان حضوراً امام شاشة التلفزيون القومي ظهر الجمعة > لا لان برامج القومي شيقة او لانها تعنيهم في شيء > فالتلفزيون القومي او تلفزيون السودان اصبح شأنه شأن السودان > ليهو ناسو واسيادو > لكن ما عندو مشاهدين > واذا قفل شهر > لا اظن ان هناك مواطناً بالذات من مواطني الداخل سيعرف ان تلفزيوننا او قل للدقة تلفزيونهم كان قافل شهر > فالقنوات والتنافس بينها جعل تلفزيون السودان زي راديو الحلاق > يرغي اليوم كلو وزول عارفو بقول في شنو ما في > ومرات لما سوداني يضغط علي رقم قناتنا علي رموت الديقيتال > يقرب يكتب ليهو في الشاشه > هل انت فعلا تريد تشغيل هذه القناة ام ان اصبعك الشليق ده قد ضغط خطأ > المهم > كان الشفوت حضوراً امام شاشة القومي ولسان حالهم يقول > الليله رضا الا يطير > لأن مدني قيت في الخاطر > وعشان في كم تسلل علي اهلي شندي دايرين يتأكدوا من صدق راية نيالا الهلالي في شأنها > نيالا الهلالي دي زي ابو زيد الهلالي > لكن ما ببقوا لي بعض > المهم > الناس قاعدة فاتحة خشومها > ويجينا ليك المديح > صلي الله عليك ياحبيب الله > مدح رسول الله مابناباهو لكن الفيكم اتعرفت > ولكن ليعلم الجميع > مدني قيت مابتتنسى > ومن شدة قيدتها > قناة النيل افردت لها مساحة > وقالت على حد تعبيرها باللهجه المصرية > موش ممكن كده يا جماعة > الفرق الصغيرة مفروض تأخد حقها ميش تتظلم > الكورة بالطريقه دي ميش ها تتقدم في البلد > الدولة اللي عايزة تتأدم بكورتها > لازم لازم لازم ما تظلمش الفرق الصغيرة والمتوسطة > ده رأي المصريين في مدني قيت > ما تظلمش > طب يا مصري يا ابن النيل احنا اولنا ايه؟ > اولنا يخطئ ولا يظلم > يعني ما يظلمش > البركة في المديح > وحكم كور الهلال بفاشر السلطان منوووووو؟ > و زي ما قال قدورة المجنون ده بالذات لييييييييييه!!!! > ومعظم مباريات الهلال حكام من الخرطوم لييييييييه!!! > المهم > الجمعة الجايه لو ربنا احيانا > حضور امام شاشة القومي > طيروا يا رضا > والشين ما بسمحو الفوتو شوب > وشناة مدني قيت لا بنفع فيها مونتاج ولا انتاج ولا روج ولا رواجات > شنة من امها > عارفه روحه شينه وما بهمها > انسوا مدني كلها وتذكروا ضربة جزاء لصالح اهلي مدني > ركزوا وافتونا > صحيحة ولا يخطئ > ولا تقديريm > ولا زاوية النظر ما ساعدت؟ > قلت لي الفرأ الزغيره يا مصري!!! ايها الناس > قلت ليكم قبل كده > لو الفرق تسعين نقطة > بتحكيم زي الفي بالي بالك > التسعين بتروح في اسبوعين > ايها الناس > فلنسمها اخطاء تحكيم > نقاط تلك الاخطاء ست واربعين > يعني نقاط ابو كسكته خمسة > الليق الليق > بدون تعليق > لانو خمسة مابتلعب سنتر ليق > يبقي الروليت كالآتي > المريخ ثم الخرطوم الوطني ثم اخطاء التحكيم واهلي شندي في المركز الرابع ينافسه عليه مريخ السلاطين ويضمنه بالفوز على الكسكتة المهم > المديح مابناباهو لكن الفيكم انكشفت > ايها الناس > ان تنصروا الله ينصركم > اها > نجي لي شمارات والي الخرتوم > كان شفت يا والينا > نفسنا كتم علينا > نقول شنو الحاصل لينا > اتارينا غرقانين يا والينا > مع المطرة فشلتوا يا والينا > خرطوم اللاءات التلاتة حسب ما قالوا لينا > لا مصارف > لا مغارف > لا في زول عارف يا والينا > غلبتكم > تدكوا وتشكوا وتوزعوا وتغلبكم تخرخروا وتدكوها لينا > قيمنا جا وما تخرخروا فينا > غلبتكم عديل يا والينا > لا نحسب ان بتشفع ليكم لدينا > ولا كلام عن خطة عشرية بقنعنا يا والينا > ولا نعتقد بحسب الجهود المبذولة بنشف شوارعنا من طينا > فشلتوا عديييييل يا والينا > والموية كضبت الغطاس سلك كهربا ننساك كيف والكلب قايل الرصيف قيف وراقد يهوهو… اني انبح تحت المااااااااء اني اغرق اغرق اغرق خخخخخ غلبتكم والي لقاء سلك
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة