اعقلها بالمخ

> اعقلها وتوكل > تظهر الفارق بين التوكل والتواكل > فالتوكل يعني القيام بكل ماهو ضروري ثم ترك الامر من بعد لرب العباد > والتواكل عكس ذلك > فكها عكس الهواء وقول توكلت على الله في حفظها > لازم نعقلها ثم نتوكل > واعقلها هنا لا اعني بها اربطها > ولكني اقصد باعقلها ان توزنها بالعقل مزبوط ثم تتوكل > واريد ان نعقل موضوع جابسون كويس > ثم نتوكل في اتخاذ القرار المناسب > هل جابسون مجنس؟؟ > ان كانت الاجابة بنعم > اليس من الافضل الاستفادة من ذلك الوضع المميز الذي لا يؤثر على عدد فرص المحترفين عندنا؟ > هل جابسون مصاب؟ > ان كانت الاجابة بنعم > فإن مشاركته حالياً وثبوت اصابته يجعلنا في حل عن التجديد له > وان كانت الاجابة بلا > يبقي اثبات لسلامته يجعلنا نفكر جيداً في إعادة قيده بقلب قوي > يبقي بالعقل كده مفروض ما نقوم شغل جابسون من اسي > ولكن نتعامل مع الأمر بعقلانية > يعني نعقلها > اما تراوري > هل استفاد فريق من تراوري عبر تاريخه؟ > طبعاً الاجابةلا > يبقي مافي داعي للنقاش > كشحوا العالة ده وريحونا > فعندما نادينا بعدم تسجيله > لم نفعل ذلك من فراغ > برا انانية برا ميتة قلب برا اضاعة اهداف برا ملكة جانسي برا وجع قلب > موضوع تراوري ده الموضوع الوحيد الما داير تعقل > فكو عكس الهواء، وتوكل > المهم > ليه الحكام ما اتخذوا موقف ايجابي لما زميلهم الطريفي تعرض لمحاولة قتل اراد له منها النجاة فتغير وصف الجريمة الى الشروع في القتل؟؟ > وعشان في ناس نسايين وناس بتناسوا وناس غالاطين نذكركم > على عشب استاد الخرطوم الصناعي > وضد ام بعلو اهلي شندي > لما فاز اهلي شندي( البعاتي) اتنين صفر > رجل الخط الكان واقف في الجهة الشرقيه ده ودوهوا الانعاش عشان ضربتو صاعقه ولا عشان فلقتو عقرب!! > كنتوا وين ياحكام؟ > حتي في دي تخطئوا في اتخاذ المواقف ولا تظلموا؟ > المهم > عمك ساسا قالوا تاني بكا يوم كورة الامير > الحاج ده كلو ما يجيب ليهو قون يبكي!! > يعني ده تاني لو جاب ليهو قونين بفقد سوائل > كلهن اربعة اقوان فيهن تلاته بلنتيات باكي ستة مرات > امال اوكرا يعمل شنو يفرش!!! > ايها الناس > الطائرة الرومانية دورت > قايمة قايمة > وتصريحات المسافرين حاتشيب الرأس > المفارق عينو قوييييه > المهم > لسه بنسأل > وين نشاط المناشط!!! > وين دوريات المناشط!!! > وين اتحادات المناشط!!!! > وين وزراء الرياضة في بلدي؟؟ > ووين الملايين!! > هل سنسكت على هذا الإهمال إلى حين تنافس دولي جديد نفتقد فيه صقر الجديان كالعادة!!! > غزة ياخ برغم الحصار فيها حديقة حيوان > ليه بس كده بس > ايها الناس > الزعيم يحتاجنا جميعاً > لا للفرقة والشتات > منافس مافي > شدوا الحيل > والكأس كأسنا ونحنا اهلو ونستاهلو > ايها الناس > ان تنصروا الله ينصركم > اها > نجي لي شمارات والي الخرتوم > كان شفت يا والينا > قالوا الغاز تاني زادوهو لينا > لكن المرة دي الزادو منو ما معروف لدينا > ما دايرنكم تنقصوا الغاز يا والينا > بس ورونا منو الزادو لينا سلك كهربا ننساك كيف والكلب قال الغاز لو حلقوا ليهو البنزين يبل راسو وإلى لقاء. سلك