بابكر سلك

النادى القحطانى السودانى


* نبارك للأخوة الأفاضل بالنادى القحطانى السودانى سلامة موقف أرباب الأرابيب وتفرغه لخدمة كيان ناديه

بكل ما يملك من خبرات وأموال وحقائق وأدله وبراهين
* ونسأل …
* هل سيغير البعاتى سياسة النادى وبعض الوجوه؟
* إن كانت الإجابة بنعم .. نناشده الإبقاء على القحطانية فى منصبها المحبب لها ولنا
* سيما وغيابها عن الساحة سيخلق فجوه كبيرة فى تواصلنا مع الأخوة القحطاناب الفاطماب الروشاب

الكسكتاب
* المهم ..
* مبروك للبعاتى العاتى يا روشا
* ويوم وصوله للبلد دى بالسلامه .. الفنان على أنا
* أبواللمين يا عمك
* رجع البلد
* وجيناكم يا حبايبنا
* ويا معاين من الشباك
* شباك شركة الشريان
* يا أحلى زول شفناك
* وحيات إبتسامتك
* وناعم العود
* طبعاً ناعم العود دى أغنية خليجية كاتبها زول قحطانى كبير
* المهم
* الفنان منى يا معاين من الشباك
* بلدك ترحب بيك وناديك يناديك وإتغلب فى الفاشر عشان جرتكوا ليهو الديك
* هلا بالبعاتى
* أوووووووو
* إتخوفى
* المهم
* تابعت على الرياضية حواراً أجراه دكتور يوسف السمانى مع الأستاذ اليسع وزير الرياضة الولائى
* خاص صفحة الأحمر الوهاج
* الرجلان تحدثا عن إنجازات وخطط وملاعب قام بإنشائها أبوهريرة وسرقة كوابل إستاد الناشئين بتاع

الحاج يوسف طوااااالى (وده نوع من أنواع سلوك الإنسان فى السودان والذى ننتقده دوماً)
* وتحدثا عن مراكز الشباب العريقة وما قدمته وما ستقدمه مستقبلاً
* الحديث تناول حتى تغيير مناهج التدريس فى تلك المراكز والنشاطات الثقافية
* ولكن المناشط الرياضية لم تتشرف بذكرها ضمن الإنجازات التى تحققت ولا ضمن الخطط المستقبلية التى

(ستحقق)
* وكأن الوزارة هى وزارة لكرة القدم
* وكأن الإذاعة الرياضية تفهم ان الرياضة هى كرة القدم
* سيدى الوزير
* سيدى يوسف مستشار الوزارة
* الوزارة الولائية بتاعت الرياضة دى بتتبع ليها إتحادات مناشط مختلفة زى السله والطائرة واليد والسباحة

والتنس بشقيه وغيرها
* سألتو روحكم آخر دورى لتلك المناشط قام متين؟
* مجالس إدارات الإتحادات دى حصل قلتوا ليها خططكم شنو؟
* سيدى الوزير وسيدى مستشار الوزير
* الملاعب التى أنشأها أبوهريرة حقيقةً لم تشرفنى شخصياً ولم تدهشنى
* والإدهاش كان يكمن فى عبقرية أبوهريرة لو أقام فى كل إستاد من إستادات الناشئين (القادننا بيها) ملعباً

واحداً للمناشط تلعب عليه كرة اليد والسله والطائرة
* ولا نطالب بصالة لتلك المناشط
* وصالون فى شكل صالة لتنس الطاولة
* وحلقة ملاكمة بالمواسير والخشب
* وصبة خرسانية فى واطات الله دى لرفع الأثقال وألعاب الدفاع عن النفس
* كان الموضوع أصبح مدهشاً لأنه يوفر إمكانية ممارسة الشباب لمناشط أخرى بالذات وتلك الإستادات تقع

فى مناطق السكن
* بدلاً من نشاط واحد هو كرة القدم
* على كلٍ
* أشكر سيدى الوزير وسيدنا يوسف على الحلقة برغم قصورها وتقصيرها فى حق المناشط
* وأهنئهما عليها
* وألتمس منهما إعتبارها إنطلاقه لمؤتمر رياضى عام نتبادل فيه الأفكار لننهض بالرياضة
* وأهمس فى أذن دكتور يوسف السمانى أن ترعى إذاعته رسالة إعادة الحياه من جديد لجسد المناشط الذى

تحلل إهمالاً ونسياناً
* خاص صفحة الأحمر الوهاج
* علْ ذلك يسهم يا دكتور يوسف فى إكتشاف مية وليم أندريا ومليون كيجاب وممدوح وساره جاد الله ومليار

خليفه عمر وكشيف وستة ملايين الصادق نجم الدين
* أها
* اليوم نلتقى أهلى مدنى الجريح
* أهلى مدنى قيت الذى تم ذبحه على الطريقة الحلال كرامةً القحطانى السودانى
* وسيدالأتيام ما هين
* بدليل سلبه للنقاط لم يتم إلا بمدنى قيت الشهيرة
* ولأنه لقاءٌ يجمع زعيم الأتيام بسيد الأتيام نتوقعه روعةً فى الجمال
* لا قيت تفسد روعته
* ولا قحطانى تسلب له حقوق الناس
* فقط نرجوا أن يرتفع أولادنا لمستوى الطموح والإهتمام الذى يعيشونه واقعاً
* ويشرفنا نقاطنا شغل يمين وعرق جبين
* ليست كنقاط الآخرين
* البيستفيدوا من يخطئ ولا يظلم
* ىما عندنا ولا نقطه قحطانية
* أيها الناس
* إن تنصروا الله ينصركم
* أها
* نجى لى شمارات والى الخرتوم
* أكان شفت يا والينا
* ناس تجميل الخرطوم لما فينا
* أقلعك كسرك أزيلك ما خلو زول فينا
* بس كامهم يا والينا
* قول ليهم كسير الحدائق والأكشاك وتركها معفصه لينا
* ما عندو علاقة بتجميل المدينة
* خاص صفحة الأحمر الوهاج

سلك كهربا

** ننساك كيف والكلب قال أقبح وجه للمدينة وسبب شناة شوارعنا الحزينه والبجيب الكلام لينا لما عربية

النفايات ما تجينا ؟!!!
وإلى لقاء.
مع تحياتي :
المعطون بحب المريخ هيثم موسي