بالنسبة للمحررة الوهمية المافى زول شافها ولابيعرفها الإسمها (ريم منصور) التابعة لى موقع النيلين دى…والبتشيل بوستاتنا على الفيس بكل أريحيتها وتلقائيتها وتحولها لى أخبار على الموقع المذكور.
أحب أقول ليك- بما إنك مفروض قاعدة هنا- أنا غير موافقة على تطاولك وإستخدامك لى بوستاتى البكتبها لى أصدقائى على هذه الصفحة فقط.
وأعترض على إستخدامك المتكرر لتفاصيلى لتصنعى منها مادة تحريرية فطيرة وسخيفة تدل على إفتقارك للمواضيع والموهبة.
وأشهد الجميع على أن أى إستخدام منك لى أى بوست يعنينى يتم بدون إستئذان وبطريقة مرفوضة من قبلى جملة” وتفصيلا” ..وبهذا تكونى قد خالفتى المهنية والأخلاق.
وللقائمين على أمر موقع النيلين أقول أن لى تحفظاتى على مايتم عبركم. وسبق أن سمحتم لأحدهم بتصفية حساباته الشخصية الموضوعة تجاهى عبر صفحاتكم. وألقيتم ضدى التهم جزافا” دون تمحيص أو حياد…وكان بأمكانى أن أعرضكم للمساءلة القانونية عبر نيابة المعلوماتية ولكنى ترفعت عن هكذا صغائر.
عليه…..أنا أرفض أى تداول لما أخطه عبر هذا الجدار الفيسبوكى عبر موقع النيلين…وأحذر المدعوة (ريم منصور) هذه _ والتى لم أجد عنها أى معلومة وأطلب منكم معاونتى فى الوصول إليها- أحذرها من إستخدام بوستاتى فى صرف الناس وإثارة الفتن وتأليب النفوس وإظهارى فى صورة غير لائقة.
وهذا منى للعلم والإعتماد…..والله على ما أقول شهيد.
* تعالى يلا يافالحة شيلى البوست ده وأجرى!!
حسبى الله ونعم الوكيل فيكى….كرهتونا الكتابة فى أى مكان….حتى الفضفضة مع الأصحاب تحجروا عليها !!!!
بقلم
داليا الياس
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
شر البلية مايضحك من انتي ومن ريم منصور كلكم بنفخ في قربة مغدودة ماتفرحي لو لقيتي كلامك الشين دا منشور في النيلين التي ليس له شغلة غير مواضيع واخبار الفيس الفنان سوت الصحفية عملت لا حليمة ولدت عشان كدة فيسبوكك دا اعملي ليه طبلة ومفتاح عشان ريم تاني إلا تتلب بالحيطة ……؟
تعليقي عااادي
لماذا حذف
استحلفت ريم منصور تاني ما تجيب أخبارها
فيها شي دي ؟
حقك..مافي شك
ما حقها ولا شى
الحكاية مجاملة بس ولا شنو
ممكن توضح حقك بياتو قانون؟
لك ألف حق و كثيرا ما تقوم ريم منصور بالنقل من صفحات الفيس و هذة الصفحات خاصة بأصحابها و أصدقائهم و ليس كل ما يكتب في الفيس يصلح للنشر العام
هل هناك شخصية حقيقية اسمها (ريم منصور).
هذا الموقع قد يكون خاضع لسيطرة مصرية وله هدف غير حميد
وهل ماهو منشور في الفيس خاص؟ اول مرة اسمع بمثل هذا
طيب مش في خيار البوست ما يشوفو حد لو عايز كده
لكن كتبت في العام يبقى من حق كل وسائل الاعلام النقل منه، وهذا موضح لدينا في الاردن لكل الاعلاميين
هناك خيارات في مشاركة البوست في الفيسبوك اولها خيار النشر العام بمعنى ان يقوم شخص بكتابة بوست على صفحته الشخصية ويقوم بعد ذلك باختيار زر “نشر عام” وهنا يكون البوست (الكلام المكتوب) متاح لاي شخص حتى لو جا زول ماعندو حساب في الفيسبوك يمكن ان يطلع عليهو ويعيد نشرو وما عليهو التزامات قانونية و اخلاقية سوى ان يشير الى المصدر وكاتب الكلام.
اهم خيار هنا في هذه المشكلة هو خيار زر “قائمة الاصدقاء” او خيار زر “اختيار اصدقاء بالاسم” حصر البوست عليهم فقط حيث يمكنهم الاطلاع والتعليق على البوست ولا يمكن لاي شخص عندو حساب فيسبوك خارج القائمة ان يطلع عليه الا اذا كان في شخص بينقل البوست لشخص اخر خارج القائمة ويقوم هذا المتلقي بنشر البوست نشر عام وفي الحالة دي تبقى مشكلة تسريب خيانة يعني من شخص في القائمة عن جهل او عن قصد
اخيرا شخص يفهم
بوركت اخي الكريم ..
تكون دي قريبة أحمد منصور بتاع الجزيرة
أظرف حاجة يا ناس النيلين إنكم عملتوا بالضبط الشي الطلبت منكم صاحبة الصفحة إنكم ما تعملوه: قالت ليكم لو سمحتوا ما تنقلوا من صفحتي على الفيس بوك عشان دي صفحتي أنا وأصدقائي فقط.. قمتوا شلتوا تحذيرها ده نشرتوه!!
اها شالت البوست
كبيرك شنو ؟
واسفاه على لغة يتحاورن بها .. اين انت يا ليلى المغربي وانت يا امال عباس واين انتن يا بنات حواء السودانيات اللائي خططن باقلامهن كلاما كالدرر . الان اصبح الفضاء خاويا الا من كلام ممجوج وشغل رداحات حارة .. داليا الياس وريم منصور ماذا افدتن القراء يوما بما تكتبن لاشيء غير الفارغة والماعندها مكان من الثقافة ..
نعم ريم منصور عملها نقل لكن عليها الاستئذان من صاحبة الموضوع وان كانت لا تسطع عليها الاستئذان من الطرف الاخر ليأتي بما يقول الاخر دون ان تقع في الحرج والنيلين مفتوح يا داليا ما حكر على احد واذا اي واحد وكتب عنك كلام او له مشكلة معك وكتب كلامه بالنص ووقع او امهر الموضوع باسمه فالنيلين غير مسؤول عن اقوال الاخرين وسياسة النشر تقول ليس بالضرور ان يعبر اراء الكتاب عن راي النيلين .. ام انك تجهلين حقوق النشر .. ولو حدث لك خصام مع اي احد ولم تسطيعي حله فتحملي اين ما كان محل النشر وتحملي اي تعليق من القراء
بطلن شغل الضرات في عراجل مفلس وعينه طالعه لانه الاعلام السوداني كله مفلس
انت اكبر واحد بقول معلومات ما ليها معنى هنا وكلامك خارم بارم
ما تتفلس على الناس ساي… قوم لف
حاضر اقوم الف لم تتعلم العربي يا متحشر
هي كانت اختك ولا من قرايبك .. وانت منو يا الفالح ما تجيب معلوماتك عشان الناس تتثقف
لكل المتداخلين
داليا الياس وريم منصور والنيلين والمعلقين
لا يوجد في قانون المعلوماتية في السودان او في أي دولة بالعالم ما يمنع ان يتم تحرير أي مادة من اي موضوع منشور على الانترنت سواء في الفيس أو غيره. وكذلك نفس الكلام في سياسة الفيس بوك.
الممنوع هو اشانة السمعة وانتحال الشخصية والتخريب ودي معروفة.
ودا جهل عجيب جدا بتنشر في الفيس ويقوليك دي صفحتي الخاصة.
داليا الياس حقو تحذفي صفحتك في الفيس وتكسببي زمنك
بلاش كلام فارغ
انت منو ذاتك
شنو تشيلو من صفحتي وما تشيلو
ضاحي خلفان بكتب سطر واحد في صفحته في تويتر والعالم كلو بحرر منها صفحة كاملة
كبار الشخصيات في العالم تنقل الصحف والمواقع الالكترونية من صفحاتهم
دا فخر ليك لو تفهمين
أرى انه لشرفٌ عظيم أن يتم نشر منشوراتك هنا ..
هي منشوراتك شنو غير بعض الألفاظ السوقية المغلفة .. مثل (وهمية) (مركب مكنة)
انتي صحفية ولا شغالة في السوق ؟
عاملة لي نفسك قومة وقعدة سااااي بس ..
انا شخصياً عرفتك عبر الموقع ده ثم بعد داك عرفت انك صحفية وعاملة شاعرة وكده .
الله يهديك بس ..