حرية التملك وتأسيس عمل خاص للأجانب في السودان !!

فاهم ياود عكاشه .. كلام فى الصميم .. بس البيفهم القال ليك تلتهم مابعرف الالف من الواو الضكر ديل … منو !!!!!!!!

صدقت .. مع احترامنا لكل اخوانا من الدل الشقيقة والصديقة لكن والله الحكاية بقت صعبة واصبح من العسير ان تنشئ عنل خاص صغير في السودان .. يعني نمشي وين … البعودية مش عايزانا وبلدنا اصبح محتل اقتصاديا.

حقا الان وضح بان استراتيجية الاستثمار مبنية على اسس غير مفيدة للمواطن والبلد والدليل كل الاخوة متفقين بان الاستثمار لاجنبى بعطى حوافز ل مشجعه عكس المواطن ؟ والدليل كيف وطنى السودان الاحلى مكان فيه بنود الاستثمار غير واضحة وحتى للمستثمر الوطنى هو الاولى ومن ثم الاجنبى بشروط واضحة وبنيات معروفه ومدروسه ويمكن ان نستفيد من الجارة اثيوبيا ؟ وهم افضل منا واكثر نموءا واحسن حالا منا وليس لديهم تعديات على المال العام مثلنا ؟ والمهم الان يجب مشورة كافة المتخصصين فى هذا المجال وان يدلوا بارائهم فى اجراءات وحوافز واليات الاستثمار المحلى والوطنى وحقا الان حقق شىء ملموس فى حياة المواطن وعجل من حركة التجارة وعمل على خفض التضخم حقيقة ولا العملية بونص للجماعه المعروفه ناس حقى بره؟ او منزل او سيارة والخ ولماذا لا يكون للدوائر القانونية ان تعمل على مراجعة كافة بنود وشروط الاستثمار هى مجحفة فى حق الوطن والمواطن اولا ومن ثم ايضا هل جاذبة ومحفظة وتضمن حقوق المشتثمر الاجنبى ؟ ويوم واحد ما سمعنا بان الامر عرض ونوقش فى السماء الطلق الا مع رجال الاعمال فقط؟ دون المغتربين ويمكن ان يؤسسس بنك للمغتربين ويدخل فى مجال الاستثمار بس حقوقنا ضايعه للتجار وسماسرة العمله وهل يتقدم الوطن واين االوعود السابقه وبنك المغتربين والى الاخر ؟ والى الان لا يوجد طحين بس كلام والناس شبعت تصريحات وكلام وان الاوان للتغير خلاص ذى ما بقول طفح الكيل والتخدير والمساومات فى الوطن ونامل بان الجيش يستلم السلطة ويكون ذى تركيا لان الجيش هو الامان للوطن ويكون فى برلمان منتخب وطنى كما به اعضاء الان شعروا بدورهم وان كان متاخر قبل الطوفان القادم برجل يشبه عبود ونميرى والازهرى لقيادة دفة الوطن بدون حب للدنيا وفساد؟ وهناك رجال عاوزين فرصة لابراز وطنيتهم وحبهم للوطن ؟

كلامك صاح يا ود عكاشة بلد ماعندها وجيع سايبة دي معقولة نصف سكان السودان اجانب من عشائر افريقية وغيرها من اقصي غرب افريقيا ولسه بيدخلوا بكل سهولة والطاقة الكبري جامعة افريقيا العالمية كل من درس مجان فيها وتخرج لا يرجع بلده يجلب اهله ويستقر في السودان هو واهله لا يفيد البلد بشي بل عب علي البلد بيتعالجو مجان وبيعلموا اولادهم مجان ولو في صاح ممنوع الاجنبي يتعالج مجان ويعلم اولاده مجان ولو في صاح يدفع حق الاقامة ثلاثة الف دولار وتجدد كل سنة بدفع الف دولار والعمل في المزارع والنظافة ممنوع اجنبي يفتح مطعم ولا دكان يريد يستثمر في المشاريع الكبيرة ممنوع مشاريع صغيرة للمواطن السوداني واي عمل اخر للسوداني فقط واي دعم لاي سلعة يكون للمواطن فقط بسعر الدعم ما معقول حبشي والاتحاد ولا انغولي ولا كنغولي ولا اريتري ولا نجيري ولا غيره يستفيد من الدعم دي الاصول البتطبقها كل الدول قانون الاستثمار بتاع الكيزان ظالم ظلم الوطن والشعب البلد مامستفاده منه شي الارباح بيقولها لبلده وفي النهاية بياخد مشروعه او يبيعه. انظروا غباء الحكومة مثلا في الفلل الرياسية باعوها لخليجي بمبلغ زهيد وشوفوا الخليجي اجر الفلل للسفارة الامريكية بمبلغ قدر المبلغ الاشتري بيه الفلل واين استفادة السودان كان المفروض ان لا يملك الاجنبي مدي الحياة فترة معينة ويكون المشروع للبلد انا زرت بلاد عربية كثيرة مابيلعبوا في مصلحة بلدهم مافي تساهل الا عندنا بلد فوضي ماعندها وجيع عشان كده نستاهل البحصل لينا ده من ناس الحركات وغيرهم واغلبهم محسوبين علي السودان لان الوطن مافي وجدانهم ولا يهمهم وطن ولا اهل دمروا السودان بالحروب والمرارات و السودان كل يوم من اسوا لاسوا والسبب الحروب والميزانية البتروح للجيش

للأسف ارضنا ارض الخير للغير ( ضل الدليب ) البرمي بعيد .

كلام في الصميم فعلا وليت الحمير هؤلاء يتعظون بهذا

المشكلة فينا نحنا !!.. مفيش حراك وطني في كل المجالات .. راسماليتنا جبانيين ما وطنيين .. من ما قمنا بنسمع بي بابكر ود الجبل عمل شنو من المشاريع عشان الناس والبلد تتستفيد معاهو؟؟ صلاح ادريس قالو يشتري المشروع ويجمدوا كيتن في الحكومة عشان هو اتحادى ؟؟!!.. اسامة داوود الحكومة محتكرا ليهو القمح وهو يشيل ويكنز ايزي مني !!؟؟.. القصد ليه ليه ما يعملوا مشاريع تشغل الاف الخريجين العطالة .. ليه ما يدعمو الجامعات في البحوث الجامعية لتنمية المجتمع .. ليه ما يبنوا المدارس والمستشفيات التخصصية زي سرطان الاطفال .. في امريكا اهم المستشفيات التخصصية وقف من اصحاب المال !!.. ايوا مافيش حراك وطني عشان الواحد ىستفيد ويفيد الغير !!؟؟.. شوف انانية اصاحب الشركات الوطنية بتاعت الادوية يستلموا الدولار ويمشو يبعوهو بي اضعاف ايزي مني ؟؟!!.. والله ديل مفروض يجيبو ليهم رءيس كوريا المجنون عشان يعفصوم بي الدبابة في مكان عام قدام العامة ..

فعلا كثير من الاعمال الصغيرة تم الاستيلاء عليها من قبل الاجانب . . مثل المطاعم و البقالات و صوالين الحلاقة و كمائن الطوب . . تصدقو يا اخوان في احدى الايام مشيت عشان اشتري لي 500 طوبة ( بلوك ) وجدت احد الشباب في المصنع و اخبرني بان انتظر شوية عشان صاحب مصنع البلوك عنده اجتماع وهو من اخواننا الاتراك لهم التحية والتقدير . . ولما رجع صاحب المصنع سألته كم سعر الحبة الواحدة و اجابني بـ 450 ولكن من بكره ح تبقى بـ 500 سألته ليه؟ وكانت الاجابة صادمة بالنسبة لي .. اخبرني بانهم كانو مجتمين ( الاتراك طبعا ) وقررو زيادة 50 جنيه للحبة الواحدة يعني الـ 1000 حبه بـ 5000 سبحان الله لا حكومة تسألهم و لا معتمد يسألهم
يا حكومة لا تخلي الاجنبي يتحكم في ابن البلد و يزيد الاسعار بمزاجه . . لازم يكون في ظبط و ربط . . لازم كل واحد اجنبي تكون خطواته محسوبة .
التحية لاشقائنا من كل الجنسيات .
نتمنى أن يصل صوتنا للجهات المسؤولة

بالله شوفو في كم حبشي سايق ركشة وشغالين اكتر من السودانيين !!! هل تعلم انو في السعودية ممنوع لأي اجنبي يشتغل مشاوير بسيارته !!! بدوك الحق انك تملك سيارة لكن ما تشتغل بيها مشاوير لانو ده حق المواطن السعودي يشتغل مشاوير