بعد “الإساءة لعمرو دياب”.. شيرين في رسالة صوتية: “وحياة بناتي كنت بهزر”
نشرت الفنانة شيرين عبدالوهاب، عبر صفحتها الشخصية على موقع “إنستجرام”، رسالة صوتية تقدم فيها اعتذارا بعد “تلميحات” صدرت منها اعتبرها كثيرون مسيئة للنجم عمرو دياب، وذلك في مقطع فيديو من حفل عمرو يوسف وكندة علوش.
وجاء نص الرسالة التي أرسلتها شيرين للإعلامية اللبنانية نضال الأحمدية: “بصي يا روح قلبي، على فكرة مفيش حد كبير على الغلط، أنا عايزة أوضح لك إن أنا كنت ساعتها بهزر، وكل واحد من اللي اتكلمت عليهم قيمته كبيرة عندي، وأنا كنت في حفلة خاصة، وكنت بهزر، لكن لما بطلع على (التي في) بدي لكل واحد قيمته، ومستحيل أتطاول على حد أيًا كان، حتى لو كان حد بيكرهني أو أنا بكرهه، مستحيل أطلع أهزق حد ولو تلاحظي حتى في الفيديو أنا قايلة على نفسي وعلى أصالة، يعني أنا كمان غلطت فيا وفي أصالة، فأنا كنت ساعتها بهزر، وكنت مبسوطة، وفي حفلة خاصة يعني”.
وأضافت شيرين، في رسالتها، قائلة: “في الآخر مفيش حد كبير على الغلط، ومفيش حد كبير على الاعتذار وأنا مش عايزة حد يزعل مني على فكرة، هرجع وأقولك تاني، أنا والله العظيم وحياة بناتي أنا نيتي ماكنش فيها أي حاجة وحشة، ولا أنا بقلل من شأن حد، أنا كنت بهزر، بدليل إني هزرت عليا وعلى أصالة اللي كانت موجودة، وقاعدة على نفس الترابيزة اللي أنا قاعدة عليها”.
أخبارك نت
