السودان .. قوى الحرية والتغيير تدعو للإضراب يومي ‏الثلاثاء والأربعاء 28 و29مايو 2019



شارك الموضوع :

قوى إعلان الحرية والتغيير

جدول الفعاليات الثورية من أجل تَسلُم مقاليد الحكم من قبل السلطة المدنية الانتقالية وفقاً لإعلان الحرية والتغيير

شعبنا الأبي،
نحييكم وأنتم تصيبون المجد كفوفاً مجتمعة وكثيرة، فلن يصيب المجد كف واحد، وما بيانات التأييد والالتزام بتنفيذ الإضراب العام إلا لإماطة الأذى عن طريق الثورة ودفع عجلتها وفق مبدأ القيادة الجماعية الذي رفعناه شعاراً ونريد أن نطبقه عملاً.
شعبنا العزيز نبلغكم بأن دفتر الحضور الثوري قد رُفع تمامه للثوار بإتجاه التحضير للإضراب السياسي والعصيان المدني، وهو عمل مقاوم سلمي أُجبرنا على المضي فيه والتصميم على إنجازه بقوة الشعب وضمير مواطنه اليقظ. في هذه اللحظة من عمر البلاد لم يعد هناك مناص من استخدام سلاح الإضراب العام لتقويم مسار الثورة واستكمال ما بدأ من مشوار، فأهداف الثورة واضحة وإنجازها دين في الرقاب واجب السداد.

السبت ٢٥ مايو ٢٠١٩:
– إطلاق حملة مناقشات ولقاءات قيادات الحرية والتغيير فى الميدان ومع المجموعات المختلفة خارج الميدان
– مخاطبة المعتصمين عبر المنابر الميدانية حول جدول التصعيد التدريجي ولماذا
– مواكب الأحياء والمناطق فى العاصمة القومية والأقاليم للإعلان عن الإضراب السياسي وجدول الفعاليات
– إطلاق حملة خيمة العصيان داخل الأحياء والمناطق فى العاصمة القومية والأقاليم

الأحد ٢٦ مايو ٢٠١٩:
– إطلاق نداء تشكيل لجان الإضراب داخل المؤسسات والشركات والقطاعات المهنية والحرفية
– عمل دعائي داخل المؤسسات والشركات والقطاعات للإضراب يومي الثلاثاء والأربعاء ٢٨ و٢٩ مايو ٢٠١٩
– مواصلة حملة التوقيع على دفتر الحضور الثوري
– مواكب لجان الأحياء بالعاصمة القومية والمدن إلى القيادة العامة لقوات شعبنا المسلحة وغيرها من سوح الاعتصام بالأقاليم، والدعوة للإضراب السياسي يومى الثلاثاء والأربعاء ٢٨ و٢٩ مايو ٢٠١٩ تحت شعار السلطة المدنية

الاثنين ٢٧ مايو ٢٠١٩:
– مواصلة التوقيع على دفتر الحضور الثوري وحملة بناء واستكمال بناء لجان الإضراب داخل المؤسسات والشركات والقطاعات المهنية والحرفية
– عمل دعائي داخل المؤسسات والشركات والقطاعات للإضراب يومي الثلاثاء والأربعاء 28 و29 مايو 2019
– مواصلة حملة خيمة العصيان والعمل الدعائي لإضراب الثلاثاء والاربعاء والعصيان المدنى

الثلاثاء ٢٨ مايو ٢٠١٩:
– بداية الإضراب من داخل المؤسسات والشركات الخاصة والعامة والقطاعات المهنية والحرفية
– مواصلة العمل الدعائي للجان الإضراب ولجان الأحياء للإضراب والعصيان المدني

الأربعاء ٢٩ مايو ٢٠١٩:
– مواصلة الإضراب السياسي لمدة يومين والاتجاه لميادين الاعتصام بالعاصمة القومية والأقاليم
– تفعيل خيمة العصيان داخل الأحياء واختيار اللجان التمهيدية للعصيان المدني

الخميس ٣٠ مايو ٢٠١٩
– الإعلان عن رفع الإضراب
– مواكب السلطة المدنية نحو ميادين الاعتصام بالعاصمة القومية والأقاليم

قوى إعلان الحرية والتغيير
٢٤ مايو ٢٠١٩

شارك الموضوع :

7 التعليقات

إنتقل إلى نموذج التعليقات

      1. 1
        sawah sudani

        ان غدا لناظره قريب

        جنون السلطه الله يرحم الاعتصام حاليا بنجهز فى القبر و الكفن فى الطريق اليكم .

        الرد
      2. 2
        حر الراي

        وما بيانات التأييد والالتزام بتنفيذ الإضراب العام @@@
        ده كلام هوائي بكرة ح ازوغو والما زاغ واضرب اشيل شيلتو براهو لا مرتب عيد ولا وظيفه تاني اقعد ف بيتو ومابرجع حتي لو قامت حكومه جديده،ناس عطاله كتير بسخنو ولبسو لبس خمسه ومعاهم احتياطي وطني قومي بسدوها تب ناس دواس وساس وراس وناس بتعرف كلمه وطن،،دحين المسيره المليونيه امس بتاعتكم حصل شنو؟ وقالو الاعتصام زاتو بقي حبه شديد! ما تدونا صورة من فوق وخلو حركات الشفع بعد اشوفو الجزيره جاي تصور مباشر الناس تفور قدام الكاميرا والوراهم ما شغالين بيهم،،قالو ناس فرنسا والفنادق الاوربيه فتحوا تب!؟ مالهم الناس دي؟ الكاشات قطعت ولا خافو؟

        هههههههههههه
        نؤيد الاخوان
        عسكريه بس!
        انتخابات بس !
        المدنيه والشرعيه بالانتخابات بس!

        الرد
      3. 3
        الزعيم

        الكلام ده عيب…..
        الشهر ده مبارك….
        الناس تعبانه اساسا وزدتو تعبها…
        اي دم في رقبتكم… ونتمني مافي زول اضرب رصاص ويمنع منع باتا….
        ناس الحي الكبار دقو اي شافع …صغير ورجعوا البيت……..
        الناس دي بتغامر بارواح الناس….
        الغالبيه الان وحتي الكانت متعاطفه بقوا اقولو ديل صعاليك ساي وشفع وجهله…….
        مافي زول بتحدي غالبيه الشعب والجيش والامن والشرطه وبقيه المنظومه العسكريه والامنيه الا اكون مجنون او مدعوم او جاهل او عميل او حلمان او سجمان او عرمان اصحوووووووغ…..

        الرد
      4. 4
        رساله للريس البرهان

        السيد الرئيس السوداني المناضل عبدالفتاح البرهان
        السلام عليكم
        انا مواطن سوداني واقف مع جيش البلد/والكلام الفوق ده ما نافع معاي/بطالب بعد ده تلغي كل الاتفاق نهائي مع ناس الحرابه والحربوبيه والتغرير/اديتهم اكتر من حقهم سعادتك/المنظر قدام عرين الابطال والماسي البتحصل تلويث لسمعه الجيش السوداني النضيف والقوي/ وانتو لو رضيوتها نحن بالحيل مابنرضاها/البلد ملانه احزاب وعطاله/شفوا غيرهم واعملو حكومه /انا متاكد لو اعلنتو الحكومه العالم حاهلل ليكم/العالم بقي تابع للتيس ترامب/والريس تراب في يدكم

        سلام
        احمد عبدالله
        مزارع صاحب مزرعه
        غير مضرب

        الرد
      5. 5
        Ali ALsudani

        عاوزين عصيان لمن نطلع زيت الكيزان ومجلس برهان

        مدنية محاكمة اعدام طوالى

        الرد
      6. 6
        محمد احمد

        قال رسالة للبرهان, و البرهان لا بهش ولا بنش, قاعد صورة ساي, الكلام كله عند حميدتي.

        الرد
      7. 7
        ود بندة

        انا موظف الإضراب لا يعنيني.

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.