كان ما لقيت البتريدو ريد البتلقاهو
*الميل النفسي والمحبة
*لا نملك منهما شيئاً
*وقد يتطور امر المحبة لهوى جامح يخلق طيشاً بيناً يسيطر على النفس
*هي امور لانملكها
*لذا نتضرع للمولى
*اللهم لا تلمنا فيما تملك ولا نملك
*المهم
*نحن في المريخ انواع مختلفة ولكنها متفقة في حب الكيان
*لايملك احدنا ان يكفر غيره في عقيدة المريخ
*ويحق لنا ان ندلوا بدلونا دون تجريح للآخرين
*ويحق للآخرين ذلك كذلك دون تجريحنا
*منا من يحب المريخ كقيمة
*ويوقر كل من قدم جهده للكيان
*ومنا من يحب المريخ في اوقات يعرفها براهو
*وفي الاوقات الاخرى يبتعد عن المريخ لاسباب يعلمها هو
*ولكن ذلك لن يسلبه مريخيته
*هو حر في كيفية ممارسة العشق الكبير
*ومنا من يحب المريخ من خلال ناس
*ايضاً لانملك حق سلبهم لمريخيتهم اطلاقاً
*ولايملكون حق تجريدنا من مريخيتنا
*ومنا من ترعرع في كنف المريخ ومن جاهو كبير
*ولكن ذلك لايخلق فارقاً بين هذا وذاك
*فأكرمنا عند المريخ اكثرنا ولاءً للكيان
*ايها الناس
*حب المريخ من الزاوية التي تختارها
*ولكن لاجل المريخ
*كان ما لقيت البتريدو ريد البتلقاهو
*لأنو المريخ ما ممكن يربع يدينو لما البتريدو يجي
*المسيرة لن تتوقف
*ومحاولة عرقلتها بربطها بأشخاص واناس محددين
*مسألة خاسرة لن تعرقل المسيرة ولن تفيد النادي
*وياسلام على رابطة قطر والامارات والسعودية وروابط الداخل والقروبات والاشخاص
*الذين ظلوا يقدمون للكيان مالاً وجهداً مقدراً بصرف النظر عن اي شيء
*لانو لقو البريدوهو
*وهل توجد ريدة اكبر من ريدة المريخ!!!!!
*ولكن
*تعجبني لغة الخطاب هذه الايام في مجتمع المريخ
*لغة قوانين ولوائح بعيدة كل البعد عن لغة الاستكانة والخنوع الكانت سائدة ابان المفوضية والوزير وامانة الشباب
*الناس بقت تتكلم عن حقوق وجمعية وسلطات وتشريع وحاكمية
*ده في حد ذاتو تطور فكري فقري وكبير
*وسجالات كبيرة اعجبتني
*اولها مقولة الحبيب حذيفة الرائعة
*قال حذيفة
*الناس لما كانت بتقول الحق حق المفوضية كنا بنقول الحق حق الاتحاد
*ولما الناس قالوا الحق حق الاتحاد ومشوا طعنوا في الاتحاد
*قلنا ليهم أه ويين يا
*الحق حق الجمعية العمومية التي تمثل السلطة العليا في جمهورية المريخ الديمقراطية
*واضيف لحذيفة لما يقتنعوا بذلك سيجدوننا في انتظارهم بالاحضان
*فنحنا لقينا مريخنا البنريدو
*واخوتنا اكيد حايريدو مريخهم البلقوهوا
*امال نهواه في كل الظروف دي كلام سااااي؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*ناس مصانع الزبادي لسه بدقسوا فيكم ويحقروا بينا
*بشيلوا لبنا يا والينا
*كلموهم يجيبوا بقرهم يخلوا بقرنا يحلب لبنا
*ولا بنقاطع مشهم ووشهم وزباديهم يا والينا
*ويا طالع الشجرة
*جيب لي معاك بقرة
*بس ما تحلب
*ناس الزبادي بشيلوا اللبن منينا
سلك كهربا
ننساك كيف والكلب قال ياحليلكم زمان بتشربوا اللبن بالبقرة شوية شوية بقيتوا تشربوهوا بالكباية ووا شقايا انكسرت الكباية وبقيتوا تشربوا اللبن بالفنجان لو الزول عيان وشوية شوية شالوا لبنكم ومصوا بقركم ناس مصانع منتجات الالبان
الانتباهة
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة