بابكر سلك
هو والقون
* فى ضيافة قناة قوون.
* لسوء حظنا ما قابلنا هو والقون.
* الأستاذ الرشيد بدوى عبيد.
* المهم مشينا.
* بدعوة كريمة من الرائع الحاج قسم خامس.
* وبترحاب من المبدع خالد ماسا.
* حللنا عليهم انا والرائع أبوعاقلة أماسا.
* برنامج الشوط الحاسم.
* الغريبة فى شوط قون الحاسم زى شوط الهلال وزينيت الروسى!!
* عشرين دقيقة بس.
* الموضوع كان موضوع الساعة.
* لماذا الخروج المبكر يا مريخ؟؟!
* تخلل الحوار مداخلات من أساتذة كبار.
* ومن فنيين عظماء.
* فكانت مداخلة معاوية صابر ومداخلة أبراهيم عبدالرحيم.
* وأتحفنا هيثم كابو بمداخلة كان نفسو فيها حار.
* وكان الرائع نميرى شلبى حضوراً أنيقاً عبر الأثير.
* أما مداخلة كابتن جمال أبوعنجة فكانت مدرسة.
* أيها الناس.
* الفشل ما عيب أذا أستفدنا منه.
* وعرفنا أسبابو وعملنا على معالجتها.
* فأى تجربة يمكن للأنسان أن يخرج منها بمكاسب حتى ولو خسر التجرية.
* ولأننا كنا نخسر التجارب ونخرج منها بخسائر الأحباط والنسيان وعدم الدراسة.
* كان الأخفاق الجديد حضوراً برغم ما نبذله من مجهودات فى الموسم الجديد.
* ولكن هذه الخسارة أظنها أفادتنا كثيراً.
* لأن صوت البحث عن الأسباب ومعالجتها هو الصوت السائد والعالى
والمسموع هذه الأيام.
* كل المسميات المريخية تقتل الموضوع بحثاً عن الأسباب.
* وكلو زول قال رأيه.
* أتفق الناس على نقاط.
* وظهرت نقاط عند البعض لم يثرها الآخرون.
* ولكن الأتفاق كان حول تمدد عبدالصمد فى أكثر من منصب وهو الشخصية الأنفعالية!!!
* فهو نائب الرئيس(والرئيس فى حال غياب الرئيس)وغيابات الرئيس كتيرة يحكم مشغولياته.
* وهو رئيس القطاع الرياضى.
* وهو كل القطاع.
* وهو مدير الكرة.
* وهو قافل البلف الشهير.
* لذا لابد ان ينفعل ويتوتر ويحتد.
* مع الأدارى ومع اللاعب ومع الجهاز الفنى ومع بتاع صباع امير ذاتو!!
* عبدالصمد لا تتوافر فيه صفات الرئيس القائد.
* والرئيس القائد هو الرئيس الذى يهيئ بيئة صالحة للعمل.
* ولبيئة الصالحة لا تكون بالمشادات والأنفعالات.
* عبدالصمد رجل شريف وعفيف وأمين ومخلص.
* ويمكننا اذا وضعناه على الكرسى المناسب ان نستفيد من مقدراته التى يتمتع بها.
* ويتيح لنا فرصة أختيار غيره من العناصر لمواقع أخرى نستفيد منهم فيها كثيراً.
* فحاتم عبدالغفار مثلاً يمتلك من أدوات الرئيس القائد الكثير.
* أيها الناس.
* لو كان للكرة عندنا جهاز أدارى خبير ومتفرغ.
* كان أوجد ملاعب عشب صناعى فى المعسكر لأنو المريخ حايقابل كمبالا على عشب الخرطوم الصناعى الردئ.
* وهكذا فعل ناس كمبالا.
* ففى مداخلة نميرى ذكر أنو ناس كمبالا مما عرفوا أنهم لاعبين على نجيل صناعى.
* تمرنوا بل ولعبوا مباريات على العشب الصناعى تفوق ما لعبه ناسنا على العشب الصناعى!!
* لماذا كمبالا تعمل هيك أستخبارات وتستعد ونحنا لأ؟؟
* لأنو بأختصار لكمبالا جهاز أدارى متخصص ومتفرع يسعى بشدة لجمعالمعلومات والعمل على تطويعها لصالح الفريق.
* وهل لكمبالا أموال أكثر من المريخ؟؟
* القدر يضخك على هذا السؤال.
* التخصص وتقسيم العمل هو اهم أسباب النجاح.
* والدولة برضو سبب.
* دولة ما عندها أستراتيجية رياضية.
* دولة ما عندها ميزانية مخصصة للرياضة(عطية مزين).
* دولة ما سمعنا بى برلمانها يستدعى وزير الرياضة أن شاء الله عازمنو غداء.
* دولة لم تسأل الأتحاد العام عن خططه ولا عن أستراتيجيته.
* ثم بأتى الأتحاد العام.
* الأتحاد الذى يصر على موسم يبدأ من حتة.
* ناس سباق التتابع ما بيبدوا منها.
*لعبنا ضد كمبالا ونحنا يادوب جايين من الأعداد وبدون مدلك .
* وكمبالا دوريها قرب ينتهى بل جايين من بطولة أقليمية.
* يعنى لما تقول لينا موسمنا يبدأ شهر أثنين.
* زى لما زول يكون جارى ليهو ساعتين.
* ولما يجى جمب سريرو تقول لى قوم من النوم وأسبق الزول الجرى داك.
* أيها الناس.
* جمال يأتى بالمال.
* من جيبو.
* عن طريق علاقاتو التجارية.
* عن طريق تعاقدات جديدة.
* المهم أنو يأتى بأموال تستطيع ان تخلق فريق بطولات عالمية.
* ولكن نخفق.
* يبقى القليل من التفكير فى التوظيف السليم لتلك الأموال.
* يمكن ان يتوج جمال ثانى رئيس مريخى يأتى ببطولات جوية عديدة.
* ويمكن ان يتوجه أول رئيس سودانى يترأس نادياً وفى عهده يشارك النادى فى بطولة كاس العالم للأندية.
* قليل من التخطيط فقط يفصلنا ويفصل جمال عن تلك الألقاب.
* الناس يا دوبها أمس كتبت لا فيفا لا بلاوى.
* نحنا الفيفا دى محكمتها بى وين ما بنعرفها!!!
* بفضل تلك الأموال.
* يبقى لازم نعرف منصات الفيفا وبفضل تلك الأموال أيضاً.
* أيها الناس.
* مهما أعطينا المريخ فهو يعطينا أكثر.
* لذا لا داعى للتعامل مع المريخ بمنُ ولا بأذى.
* فالمريح يعرف به الناس.
* ولا يعرف المريخ بالناس.
* مثلاً أذا قابلت زول قرأ معاك قبل سنين طويلة.
* وقلت ليهو امس قابلت أحمد مثلاً.
* حايقول ليك أحمد منو.
* تقول ليهو أحمد الكان قاعد فى فصلنا جمب الركن.
* حايقول ليك الركن منو.
* تقول ليهو أحمد المريخابى.
* يقول ليك آآآآآآآآآآآآآآ عرفتو.
* يبقى امريخ قبيلة ويعرف بها الناس.
* يبقى لولا المريخ لما عرف الناس جمال.
* ولا العجب وجد تلك الشهرة.
* ولا عرفو سلك.
* ولا مزمل كان فى زول بعرف اسم ابوهو عمك ابوالقاسم.
* ولا مانديلا ذاتو ما كان كتير من الناس عرفوا انو مناضل أفريقى لولا المريخ فاز بالكاس التى سميت تكريماً له بأسمه.
* يبقى لامن على المريخ ولا أذى.
* لأنو أعطانا الكثير من الشهرة التى تسهل الحياة وحب الناس الذى يجعلك أمناً أينما حللت.
* وكلما قدمنا للمريخ يقدم المريخ لنا.
* تعالوا ننتقد بعضنا بأدب وروح طيبة ويقبول.
* من أجل المريخ.
* تعالوا نقول الحق فى المريخ.
* تعالوا نحب المريخ لنحب بعضنا فى المريخ.
* أها.
* نجى لى شمارات والى الخرتوم.
* أكان شفت يا والينا.
* بتاع بحر قال الرياضة دى ما مهمة كلو كلو.
* قال ما مهمة عشان أبوالقدح بمشى الخطوة فى ساعة وبعيش اربعمية سنة.
* والأرنب ينطط اليوم كلو وبموت بعد سنة.
* تكون الدولة دى يا والينا فاتحة للرياضة ولينا؟
* عشان مؤمنة بى ابوالقدح يا والينا؟؟؟
سلك كهربا
* ننساك كيف وأبوالقدح نايم بعيش والأرنب بموت بدرى.
والى لقاء
سلك
في السلك – بابكر سلك
