فيسبوكمدارات

معلومات بخصوص استيراد السيارات الى السودان


السيارات المسموح انها تسافر الان هى الدينات الدفارات والشاحنات (رؤوس الترلات) سطحة تريله باصات هايس شريحة حافلات عموما نيسان يورفان متسوبيشى روزا 14راكب 25 راكب ومافوق .

وان تكون الدباجه فى السيارة على الباب سنة الصنع 2015 وذالك الى نهاية 2020 اما الحافلات عشان تسافر بدون استثناء لازم تكون سنة الصنع 2017
اما اذا كان سنة الصنع 2015 او 2016 دي لازم استثناء
اما السيارات
البكاسي _ والصوالين _ السيارات الصغيرة_ وسيارات الدفع الرباعي(الاستيشن ) الجيوب لاندكروزر -برادو -باترول -باجيرو الى اخره فاخر موديل 2015 ومابتخش الا بي استسناء حتي موديل السنه.

اما بالنسبة للتراكتورات لازم يكون جديد من الشركة لأنو التراكتور المستعمل مدعوم من الدولة السعودية للمشاريع الزراعيه داخل المملكة وممنوع يسافر لأنه فى الاصل مدعوم والدولة عندها نصيب في .

والاليات الثقيلة والشيلات والحفارات بتسافر مافيها مشكةبرضو دباجه ٢٠١٥ واذاموديلات اقل يكون عندها استثناء شركات استثمار .
وبالنسبة لسيارات التربتك (الافراج الموقت ) لن يسمح بجماركها وان كانت موديل السنة يعني تقضي اجازتك وتجي راجع بالسلامة ان شاءالله وحاليا مع الجايحه تسافر سيارة التربتك براه بدون السائق وانت تسافر بطريقتك لحدي مابواخر الركاب تشتغل.

احمد للتخليص الجمركي


‫8 تعليقات

  1. والبوكو حرام يسمحوا بدخولها !!! نفايات ليبيا موديلات ليها عشرات السنين ..دخلوا ٢٠٠ الف عربيه بوكو بعد الثوره وهسه عايزين يدخلو ١٠٠ الف تاني وموديل ٢٠٢٠ الا باستثناء!!!! البلد دي الا يرجعوا الانجليز يحكموها تاني ما في حل غير كده لانو كل نظام افشل من القبلو بمراااحل.

    1. دة كلام مبهم يعنو شنو تركترات من السعودية ما بتخش وشنو دخل السعودية
      اصلا التركتر فس السودان اغلبه من تركيا وبريطانيا وكله قديم قبل 1990

    2. انا فعلا مستغرب لماذا توضع شروط معقدة جدا للاستيراد من دول الخليج ويسمح بإستيراد كل الانواع وكل الموديلات من ليبيا اعتقد ان السبب هو نفوذ ابناء دارفور في السودان

  2. والله فعلا حاجة تحير… ماسكين الباب (الميناء) ومضيقنها علي المغتربين ويتفننو في تعذيبهم والبلد بوراء حوشها مكسر من كل ناحيه واي حاجة تدخل وتمرق زي ما عايزة.. بس فلاحتهم في الناس البجو بالباب…. السودان البلد الوحيد في العالم تمشي عديل وبالقانون تتعذب وتلف وتدور وتخالف القانون امورك تمشي…. اللهم الصبر

  3. جهاز الجمارك عن بكرة ابيه مافيات و السيارات من اوربا و غيرها هي مصدر دخلهم و انت ما عضو في هذه المافيا و مجرم حرب و مخدرات و قواده و دعارة و تهريب و خائن و عميل للوطن و عضو في إحدى حركات النهب المسلح و عامل فيها معاااااارض و تدخل و تطلع لمقر الكلاب المتحدة و تشارك في حملات الاحتجاجات في ساحات امريكا و جنيف و هولندا و غيرها لزوم الصور و المصالح يعني لازم تصور و انت بتعوص و ترسل الصورة لجهات المختصصه في عمليات النصب و الاحتيال و المصالح و تحتفظ بنسخه منها و اهم نافي الامر اذا كنت من القبائل التى لا تعتبر العربية لغتها الاولى فانت سوداني من الدرجة الاولي و تتمتع بكل الحقوق و يحق لك تجاوز القوانين اما اذا كنت لا تعرف غير الغربية فانت اجنبي قادم من مصر و الجزيرة الغربية و شمال افريقيا تطبق عليك كل القوانين و حتى القوانين العنصريه.
    يجب حل جهاز الجمارك و ضم الجمارك للشرطة و اعادة هيئة النقل الميكانيكي فهي الجهة الوحيدة التي يحق لها ان تفصل في صلاحية السيارة من عدمه.

  4. بلد فوضى وحاميها حراميها لى فى صيح ضمير وطنى واحد كان قدموا حوافز للمغتربين بتسهيل الاجراءات ليستفيد الوطن من اموالهم مقابل خدمه مقدرة لكن التضييق والتشديد عليهم وفتح الباب لشغل التهريب والفوضى التى تعتبر الحكومه اول سبب فيها هذا وضع لا يبشر بخير

  5. يا إخواني المعلقين، أول سؤآل وأهم سؤآل هي وينه الحكومة؟؟؟؟؟؟؟؟؟؟؟ أول شئ تكون عندنا حكومة بعدين نشوف قصة الخيار والفقوس دي المستخدمة ضد الناس الداخلة بالباب. وغير مستخدمة ضد التهريب والإضرار بإقتصاد وسمعة البلد!!!!!