جينيس قلوبال .. كمية من الشكاوي من ناس أكلت الشركة قروشهم

يستغلون رغبتهم في تحقيق الربح السريع
التسويق الشبكي وهم أضاع مستقبل موظفين وطلبة جامعيين احذروا :
– التسويق الهرمي هو اسم ملطف لعملية احتيال بونزي ( Ponzi scheme) المعروفة.
– التسويق الشبكي هو إسم ملطف للتسويق الهرمي.
أي شركة أو مؤسسة بتستخدم الأسلوب الهرمي، دي شركة بتمارس عليك عملية احتيال ممنهجة.
شركة جينيس قلوبال مش معتمدة من BBB لو خشيتو في موقع ال BBB بتلقوا كاتبين ليك :
THIS BUSINESS IS NOT BBB ACCREDITED
وحتلاقو كمية من الشكاوي من ناس أكلت الشركة قروشهم أي شركة بتدعي أنها شركة أمريكية و مش معتمدة من ال BBB دي تبعد منها خالص علشان مافيش حق بتقدر ترجعو منهم لو اكلوك قروشك ولا اتجاهلو الشكوى بتاعتك.
https://www.bbb.org/…/jeunesse-llc-0733…/complaints
تركيزهم الأساسي بكون إنك تضيف ناس عن طريقك موش انك تسوق المنتج.. فرق كبير بين انك تسوق منتج وتكون موظف تسويق غير متعاقد مقابل نسبة وده ما يعرف بال (Affiliate Marketing )، وبين انك تضيف ناس كشرط لتسويق المنتج. السؤال المفروض تسأله لنفسك هنا: ليه؟
ليه ما تاخد المنتج وتبيعو وتاخد نسبتك بكل بساطة؟
ليه بتلزم انك تشتريه أول؟
ليه الإصرار على إضافة أشخاص أكتر من تسويق المنتج.. وليه آخد قروش من إضافة ناس..
الفكرة ببساطة لأنو ده الإستثمارالحقيقي للشركة. الدائرة دي ممكن تستمر إلى مالانهاية كلما توسعت الشبكة، وبتتكسر الدائرة في اللحظة البتوقف فيها انضمام مشتركين جدد.. عشان كده أي شخص بتعرفوا انضم لشركة زي دي بستميت انو يضيفك، بكون صاحبك غالبا (وده لأنو الشركات بتنصح أعضائها بإنهم يركزوا على أصحابهم لأنهم بمنحوهم هامش ثقة كبير من البداية).. وبكون مستميت لدرجة اللزاجة والعباطة مرات في إنك تنضم ليهم. والسبب لقى نفسو دافع 510 دولار في بضاعة قيمتها ما بتفوت ال10 دولارات، ومابلقى زبائن بطبيعة الحال، فبحاول يضيفك انت عشان ياخد حافز من الشركة يغطي خسائره.. بالدارجي، الشركة (بتبتز) الأعضاء بطريقة غير مباشرة لإضافة الأعضاء الجدد .. بالتالي هو بستميت انو يضيف أي زول عشان يطلع من الورطة دي عن طريق توريط غيره..
زي ما مرضى الطاعون في العصور الوسطى كانوا بقتحموا بيوت الأصحاء، عشان ينقلوا ليهم المرض ويشفوا هم زي ماكانوا بتخيلوا
لقد شعرت بالحزن حينما شاهدت صورا لمؤتمر للتسويق الشبكي فيه ما لايقل عن 5 ألف شخص تسائلت اذا كان كل واحد من ديل دافع 1500 دولار كما يقولون ده رأس مال عبارة عن 7.5 مليون دولار رأس مال محترم جدا كان ممكن ببساطة يعملوا بيهو شركة مساهمة عامة حقيقية ويتعلموا مهارات تسويق الكتروني حقيقية ويشتلغو لي الشركة دي بعددهم كان وصلو مراحل بعيدة جدا.
لكن للأسف بيضيعو فلوسهم في وهم حقيقة انا متابع التسويق الشبكي في السودان من 2013 وعارف رموز كتار في المجال كان كان بيمارسو Scamming وبيشيلو قروش الناس دي وهم ما عندهم أي علاقة بالشركة الأم و بيوزعو في القروش طاقية ده في رأس ده في واحد زميلنا في بورتسودان كان نصب بالطريقة دي علي عدد من الناس كان مصرين إلا يقتلوه إلا تدخلو اجاويد ودفعو القروش للناس دي.
في ناس بتتحجج انو عنهم سلعة ومن حقهم يبيعوها باسعارهم الفلكية “ده مش من منتجي ابيعو بالسعر العاوزو” في النهاية العملية بيع وشراء أحب اقول ليكم مافيش بزنز بالطريقة دي ولا ده كلام علم ولا كلام بيقولو زول عندو أدنى فهم بالبزنس يعني مش ممكن تجيب لي عربية تويوتا وتقول عاوز تبيعها بسعر عربية فيراري وتقول عربيتي وانا حر فيها لانو الحاجة الخلت فيراري اغلي من تويوتا دي ما تعرف بالقيمة السوقية مش علي كيفك يعني ولو ما عارف القيمة السوقية للمنتج بتحسب كيف إلا تشتغل شغل نصب واحتيال علي مساكين وتبيع ليهم وهم ودي طبعا مش حاجة Sustainable للبزنس لانو حبلو قصير جدا وبعدها تكون خسرت أقرب الناس ليك لانو الأغلبية العاملين في المجال بيستغلو ثقة أقاربهم واصحابهم فيهم ياخ حتي الارامل ما رحموهم المحاكم مليانه بقضاياهم ودي الحاجة المستغلاها الشركة دي لانها ما عندها أي قضية بعدين انت الحتحل مشكلتك مع الناس اللي نصبت عليهم ديل لأنهم اكيد ما دفعو 1500 دولار في مقابل المنتجات دي والا كان مافيش حد اشترك معاك خالص وهدفهم الربح اللي وهمتهم به .
الناس البتقول السعر بحددو انا علي كيفي حسب ال Value في المنتج بتاعي أحب أختم بقصة قصيرة واقعية في مجال الأعمال:
طبعا هم الاتنين القيمة Value البيقدمها المنتج و السعر Price مهمات جدا في الوصول لعدد كبير من الزبائن واستقرار البزنس التركيز علي واحد منهم دون الآخر بيطلعك خارج السوق براحة لانو عادي لو اعتمدت علي ال Value بتاعت المنتج ونمت علي كده بكرة يطلع واحد يقدم نفس ال Value بتاعك وأقل من سعرك بكتير زي الحصل حاليا من شركة Transferwise ضربت Western union ضربة كبيرة في أنها قدمت نفس خدمة تحويل الأموال دوليا برسوم رمزية جدا وحولت الشغل اون لاين كلو أجبرت ويسترن يونيان تخفض كتير في سعر خدمتها بتاعت التحويل غير ويسترن يونيان البزنز بتاعها مش اون لاين مؤجرة مكاتب التكلفة التشغيلية ليها عالية جدا ده خلي حتي القيمة السوقية لي شركة ويسترن يونيان زاتو تهبط واسهمها تهبط بصورة كبيرة لانو ال Bussiness model بتاعها حصل ليهو شلل تام لكن ناس Transferwise رغم أنها شركة جديدة بس شغالين بطرق إبداعية والبزنس مودل بتاعهم إبداعي ومستفيدين استفادة قصوى من التكنولوجيا الحديثة. دي قصة واقعية عسي توضح ليكم وجهة نظري
سنضرب بيد من حديد
ي ريد تساعدو في نشر الوعي بمشاركة المنشور ده علشان عدد الرسائل الوصلتني في خاص عن الموضوع عدد مرعب الصراحة من الناس الاتنصب عليهم.
#شير_في_الخير
#شير_علي_أوسع_نطاق
مع تحياتي
م. محمد عبد الله
مدير ومالك شركة SASTCentre بالمملكة المتحدة
رئيس الجمعية السودانية للمواهب العلمية
غلاسكو، المملكة المتحدة