بابكر سلك يكتب: الفيفا بقت تتجرجر

الانتباهة او لاين

الرئيسية/على مدار الساعة
السودان: بابكر سلك يكتب: الفيفا بقت تتجرجر
نوفمبر 25, 2020
سلك
] يقولون أن الفيفا طلعت برأي جديد.
] قالت دايرة صورة من النظام الأساسي المعنكب فيهو بعض ناس الإتحاد(وما من حقهم طبعاً.)
] وقالت دايرة تلاتة من الإتحاد وتلاتة من مجلس المريخ .
] وممكن تلاتة من الجماعة ديك
] وبعد ده الفيفا ممكن تحدد الخميس وتؤجله للأحد
] وتأجيل جديد من خميس لخميس
] وقد تطلب الفيفا اعلان يوم جديد وإضافته لأيام الاسبوع كي يصبح تمون ما اسبوع
] لتحدده الفيفا كيوم لإعلان موافقتها للجنة عامر لتعلن فيه لجنة التطبيع
] ولجنة عامر طبعا قدامها الف قائمة للتطبيع
] والقصة قد تطول وتأخد مدة
] بالذات إذا سارة ساموراي أختي تكون محننة اليوم داك وماتقدر توقع على القرار
] وتاني ننتظر
] سارة أختي دي موااجبة ومواااااصلة
] وعندها بت أخوها بكرية
] وقفلت تسعة وتسعة
] كان بت أخوها عملتها في اليومين دي سجمنا
] لأنو مافي زول بنفسها غير سارة أختي.
] القصص دي بتطول وتأخد مدة.
] عشان كده بح صوتنا.
] القانون هو المخرج
] والمحافظة على ديمقراطية جات خدمة يمين وعرق جبين هو الهدف
] لن نهدف لبقاء مجلس أو لتبعية زعيم.
] فالزعيم هو المريخ وبس
] تحياتي لسارة أختي.
] أيها الناس
] أعود للدور التأريخي للجنة الإنتخابات
] أعلنوها .
وسطروا مقاماتكم بأحرف من نجوم.
] المهم
] أبو الهل قالوا غالب كل مبارياته الإعدادية.
] وخسر من الجونة في أول مشاركة للغربال.
] نعم الفال.
] المهم
] الضيق يقطع الحشا من العدم
] لكننا نؤمن بأن الثورات لاتؤتي أكلها في عجالة
] فالخراب الذي يعتبر أحد أسباب الثورات
] يحتاج لجهد كبير وزمن طويل
] قد يفوق ماتستغرقه اختي سارة سامورا
] وسنصبر
] حتى يعجز الصبر عن صبرنا
] ونصبر حتى يأذن الله في أمرنا.
] فقط نطمئن أن البلد تمشي في الطريق الصاح ياحمدوك
] ولن تفشل الثورة طبعاً
] ولكنها يمكن أن تصحح مثارها
] دغوتات دول المحور دي مكنة مامجبورين عليها
] وقال الشعب كلمته أيام الإعتصام حينما سيرت دول المحور تلاجاتها لأرض الإعتصام محملة بما لذ وطاب.
] ورفضها الثوار
] بل طردوها
] ده قرار الشعب
] أشقاء دايرين يقيفوا معانا في بناء بلدنا
] مرحب
] أذا كان الدعم غير مشروط
] أما تدخل في شأننا وسرقة دهبنا وتوجيهنا
] لاءات الخرطوم بتبقى تلتمية
] أيها الناس
] إن تنصروا الله ينصركم
] أها
] نجي لي شمارات والي الخرتوم
] زمان ياوالينا
] نتائج الإمتحانات من مرحلة لمرحلة كانوا بزيعوها لينا.
] أيام لم ينجح أحد يا والينا
] لكن قراية بالإذاعة دي جديدة علينا.
سلك كهربا
ننساك كيف والكلب جاب العيش لقى الكدسة أكلن العدس بالملاعق
وإلى لقاء.
سلك

بابكر سلك – صحيفة الانتباهة