بابكر سلك يكتب: فضل كلب الليدو

] الأوستن الليل برد ليه.
] هي عبارة يعرفها ناس اللواري السفرية .
] بالنهار تلقى الاواستن في الخلا مقيلات تحت الشجر.
] عصير بتحركن.
] يمشن الليل ده كلو.
] يقطعن الفيافي والفجج .
] يعني عادي ممكن يقابلك أوستن مقيل تحت شجرة غرب أمدرمان.
] الصباح بدري تلقاهو داخل بابنوسة .
] مايدخلها كيفن عاد وهو ماشي الليل كلو.
] الليل برد ليه.
] والمريخ أمس الأول الليل برد ليه.
] تابعت المباراة وسط الشرفاء بحوش المريخ العتيق.
] الكل كان يزداد خوفه كلما مر الوقت.
] قلت ليهم ما تيأسوا.
] المريخ لما الليل يبرد ليه بعبر.
] والليل برد ليه .
] المريخ عبر ياحمدوك.
] فضل كلب الليدو .
] عاد كان مات في بيتو تبقى فضيحة .
] السودان كلو اليوم حايتابع قيم الليدو في الموبايلات.
] وربك يكمل فرح السودانيين.
] أيها الناس.
] نجاح تسجيلاتنا الأخيرة يتضح من دخول بعض الجدد التشكيلة وإثبات وجودهم.
] وياسلام علي تمبش.
] قدام تش وورا تمبش .
] مازي التبش يا محمد عبدالماجد.
] مبروك للبلد تأهل سيد البلد الأصلي.
] تأهل العمدة صاحب الأطيان.
] العمدة الذي يمتلك سهول مانديلا وتلاتة جروف سيكافات وحواشة دبي ومزارع الشارقة.
] عمدة سيد بلد حقيقي.
] موش عمدة بدون أطيان.
] عمدة رصيدو من الأرض صفر.
] يبقى عمدة وسيد بلد كيفن.
] آمال شيخ الخفر يكون شنو ياروشا .
] المهم.
] أتأهلنا وفضل شيخ الخفر.
] كلب الليدو داير يمرق.
] لكن مبركنات ليهو كلبين يوغنديات كبااااار.
] يجيب ستة .
] يمشي حتة. ] ينضرب ويقول حليل الكسكتة.

] أيها الناس.
] يفترض أن تكتمل الفرحة بقرار لجنة الإنتخابات المتوقع. أكتب وكرة تيري لسة جوة الشبكة .
] وإذا سارت الأمور كما رتب لها .
] تكتمل الفرحة.
] أيها الناس.
] الله يسألكم أمس فيكم زول فقد رمضان أو محمد الرشيد؟
] طيب في خانة يلعب فيها محمد الرشيد؟.
] قلنا ليكم لكن مابتسمعوا الكلام.
] المريخ يصنع لاعباً ويصقل موهبة.
] لكن مليون لاعب لايصنعون مريخاً واحداً.
] وجدي عوض خطر.
] تقول لي تلاتة وعشرين سوباط.
] أقصد دولار. أقصد مليار.
] ايها الناس
] أن تنصروا الله ينصركم.
] أها.
] نجي لي شمارات والي الخرتوم .
] والينا
] شفت كيف كورونا عاملة فينا؟.
] خليها كورونا.
] شفت السلطة كيف بتحير فينا.
] مكون عسكري.
] مكون مدني.
] وحاضنة حاضنة المدني.
] وسلطة لاتملك قرش من إيرادات الدولة.
] وعسكر لايتفق مع مدني.
] ومدني يختلف مع حاضنته.
] وحاضنة تتبرأ من المدني .
] وكورونا شغاااالة
سلك كهربا
ننساك كيف والكلب قال مدنياااااو والكديس قال جاااااااااو
وإلى لقاء.
سلك

بابكر سلك – صحيفة الانتباهة