بحسب اطلاعي علي النسخة الاصلية لمن شملهم قرار لجنة ازلة التمكين من الزملاء في التلفزيون. وضح لي جليا ان لجنة ازالة تمكين نظام الثلاثين من يونيو قد اختلط عليها الامر وجافت المعايير المعلنه والمعروفه للناس. من ضمنها من مكنهم النظام بالمحسوبية الحزبيه. والتنظيمية ومحسوبيه. القربى وضعف الاداء الذي قد يؤثر علي العمل
نشهد لبعض الزملاء. المهنيه والنجوميه والشطاره. والاخلاق
وازالتهم. او فصلهم ظلما بائنا
الزملاء مياده هباش نوارة التلفزيون من الجيل الرابع. ووائل محمد الحسن و
ياسر عبد الماجد يعمل ويملا مقعده حتي لحظة صدور القرار
وحسن كدسه هذا المخرج المبدع
والمعد المتميز الخلوق صلاح محمد احمد والاستاذه ايناس محمد احمد. وعدد كبير ممن شملهم القرار
يجعلك تراجع ما تفعله لجنه التمكين وما تستند عليه وتطرح الف سؤال.
شباب ارجو ان اشير الي ان الاستاذ النور معني لم يرد اسمه
ولا الاستاذ المخرج زهير حسن احمد و الاستاذ كردش والاستاذ عمر الجزلي ولا الاستاذ السر السيد
معي النسخه الاصليه وبعد ان نشرتها بنيه حسم الجدل القائم والنسخ والتلاعب بمشاعر الناس. بنسخ مضروبه احسست بالالم. . تجاه ذلك لمجرد كونها احتوت علي ظلم فقدرت ازالتها
كامل تضامني مع الزملاء الاعزاء
نسرين النمر
البل جاييك ان شاء الله بلي رأسك
اللجنة لم يختلط عليها الأمر العكس تماما اللجنة جهة سياسية محترفة تعرف ما تريد وكلنا يعرفوا أن اللجنة تريد تمكين جماعة اليسار العلمانية من أجهزة ومفاصل الدولة وخاصة التعليم والإعلام بعد القضاء.
اذا انت ما عارفة اللجنة عايزة شنو أظنك جاهلة أو متواطية أو عارفة وخايفة على وظيفتك ما في غير كدا ي بت النمر وقت الخم انتهى.
المفصلين هل ماتوا علي دينهم ..مثلا هل هم كيزان حتي يحصلو علي شرف الفصل والاقالة والطرد … ام انهم كانوا ماسكين العصا من النصف واقفين في المنطقة الرمادية في هذه الحالة يبكوا بس ويستاهلوا البل.
نسرين النمر زوجة مجدي عبدالعزيز وكفى
دي مش مرت الكوز بلوها
كتبت نسرين النمر :
(والاستاذه ايناس محمد احمد.)
…
الاسمها ايناس دي كانت ضد الثورة عديييل كدا .. لأنها بعد جريمة فض الاعتصام وبعد ما حصلت انتكاسة في التلفزيون وبقى يقدم برامج لتشويه صورة الشباب المعتصمين زي برنامج (خفافيش الظلام) .. كانت ايناس دي بتقدم برنامج يومي تستضيف فيه ناس لهم آراء ومواقف سلبية من الثورة
….
غايتو لو أحسنا الظن بكاتبة المقال المذيعة نسرين النمر وما عديناها من الموالين لنظام الكيزان البائد .. بنقول انها انطلقت فقط من مشاعر العلاقة وربما الصداقة التي تربطها بزملاء المهنة .
و افرض معارضة يفصلوها في رايك.. الحرية و العدالة و الديمقراطية من اكاذيبكم المعلنة.
لا تنسى أن المذيعة نسرين النمر زوجة معتمد مدينة أمدرمان السابق الكوز الكبير مجدي.
ياخوانا البتفصولوهم ديل حايكونوا وقود الثوره القادمه…ان لا اوافق على فصل اي سودانى الا من خلال اداءه السيء
لو ما فصلوا ,, إيناس ,,وكنت إنت في التلفزيون ومافصلوك كده فعلآ اللجنة إختلط عليها الأمر ….!