عليك الله يابشة إنت كنت ممشي البلد دي كيف ؟!
إنت تاكل ،
وناسك ياكلوا ،
ونحن كشعب ناكل ، والمعارضة تاكل ،
وناس الدفاع الشعبي ياكلوا ،
وإتحادات الشباب والطلاب ياكلوا ،
والصوفية ياكلوا ، والوهابية ياكلوا ،
والجبهجية ياكلوا ،
وإنصاف مدني تاكل ،
وجمال فرفور ياكل ،
وأبو قردة ياكل ،
والحركات المسلحة تاكل ،
والميرغني وجماعته ياكلوا ،
والصادق المهدي(الله يرحمه) وأولاده ياكلوا ،
وإبراهيم الشيخ ياكل ،
وإخلاص قرنق تاكل ،
والفقراء ياكلوا ،
والحبش ياكلو..
وتشاد تاكل ،
وأرتريا تاكل ،
والجنوب ياكل ،
والشيوعيين ياكلوا ،
والجمهوريين ياكلوا ،
وأحزاب الفكة تاكل ،
ومع ده حصار ٣٠ سنة ؟!
والوقود مدعوم ،
والدقيق مدعوم ،
والدواء متوفر في كل صيدلية ،
والمستشفيات فاتحة ،
والمواصلات متوفرة ،
والأسواق منتعشة ،
وكل يوم إفتتاح طريق أو مستشفي أو كبري أو سد ،
والدنيا فل ،
وخرمة لحمة ما في ،
والفول والبيض والجبنة دي وجبة في متناول اليد ، والإستثمارات الأجنبية شغالة ،
والجامعات تخّرج ،
والمدارس شغالة ،
جاءت جائحة الكوليرا والأمور ماشة ،
وجاء فايروس سارس والأمور ماشة ،
جاءت إنفلونزا الطيور والأمور ماشة ،
جاءت الحمى القلاعية والأمور ماشة ،
جاءت أنفلونزا الخنازير والأمور ماشة ،
والإنتاج شغال ،
والتصدير بالدس وبي العلن شغال ،
والحفلات مدورة ،
والعرس الجماعي شغال ،
والطلاق شغال ،
والمرابحات من البنوك شغالة ،
والبناء شغال ،
وسوق الناقة مدور شية ،
والأمن محفوظ ،
والشرطة محترمين ،
والجياشة حلوين ،
والعملات الأجنبية لحدي بداية 2018 دي ، الدولار بي (17) جنيه ، والريال بي (3) ونص جنيه ،
الغرب مدور حرب ، والجنوب حرب ، والنيل الأزرق حرب ،
غير المعارضة الداخلية ،
والطابور الخامس ،
والشيوعيين شغالين يبلغوا عن السودان في الأمم المتحدة ، لحدي ما حظرونا من كلو ،
ومع ده كلو برضو الأمور مسلكه
عليييك الله ،، قول لينا يا بشة كنت ممشيها كيف ؟!!!
متداول على فيسبوك.
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
المتوكل بالله .بشة. كان ممشي البلد بالا اله الا الله عليها نحيا وبها نموت وعليها نلقي الله سبحانه وتعالي.. رغم الحصار ورغم الحروب ورغم كل شي الحياة باسطة.
جات حقت والقحاتة لعنة الله عليهم. خانوا الله ورسوله وتوعدهم الله عزاب الهون شل افكارهم تركهم في جهلهم يعمهون جعل كيدهم في نحرهم وضرب بعضهم بعضا .
الحاصل الان هو غضب من الله علي الشعب.. لانهم تركوا الا اله الا الله ومسكوا في لا اله. وتابعو القراي والشيوعيين وبنو علمان النتيجة كان نكسوا في الأرض وجعلهم الله في ذل الي يوم تخرج قحت و القحاتة من حكم السودان وجوع ومرض وانعدام في الامن ونقص في الاموال والخبز وكل شي.
المخرج هو الرجوع الي الله وإلا لامخرج لكم.
هههههههههههههههههههههه، اللهم إني أعوذ بك من عمى البصيرة، وضيق الجيب وقفل البلف
و صفوف البنوك مدورة فل.. و صنوف العذاب قوم لف
ماعندكم موضوع بس
يعني عايزين تقنعوني انكم ما عارفين انو ممشيها ببيع السودان؟؟
بيع خط هيثرو
بيع أسطول السفن
بيع الدهب وتهريبو
بيع شركات المواطن
بيع ارضينا
بيع جوازاتنا وهويتنا
بيع شرفنا ومبادئنا
بيع الدين الإسلامي والمتاجرة بيهو
ياخ كدي سؤال
هل عمر في سنة 2018 كان ممشيها؟؟
لحدي ما وصل 2018 كان السودان كلو اتباع
واي شي اتباع
واصبح خاوي
وقع ليك يا كوز يا نتن
قوم لف ياخ
30 سنة شغالين تبيعوا فينا
والآن مستغربين انو السودان ما ماشي؟؟
يمشي كيف وانتوا بعتوا اي حاجة؟؟
كلاب.. تجار دين
ربنا ينتقم منكم يا حرامية
يعنى كده اعترفتوا انو البلد ماتركوا فيها حاجه وكل شي اتباع..طيب قاعدين ليه ماتقوموا تروحوا وخلوا غيركم يجي يمكن يحلها.
وسودان لاين والبواخر والخطوط الجوية السودانيه وحلايب والمشاريع والاراضي كلها اتباعت والدين والاخلاق اتباعت كنا كده ناكل .
وجهان لعملة واحده
للاسف سرقت الثوره من الانتهازين
والخونه عبددة السلطة
البطل التقي النقي الاخ و الوالد و العم و الخال و الصديق الوفي الموقر المحترم و من حوله من الكواكب يحفظهم الله تعالي و يرعاهم من كيد المنافقين و العملاء و الخونة و شياطين الإنس و الجن.
كان ممشي البلد بالصدق مع الله تعالي في علاه.
كان متوكل على الله تعالى وحده.
كان يعمل هو صحبه بنية صادقة خدمة لهذا الشعب الغبي الجهلول المنافق الكسول شعب الكلام و التنظيرات كان همه و هدفه وضع السودان في قمة المجد و التقدم و قد نجح و الله العظيم.
اما غالبية ابناء هذا الشعب مازالوا تحت استعباد ال المهدى و المرغني و ام المصائب قد بانت و فاحة عنصرية و قبلية بعض اهل دارفور و جبال النوبة و شرق البلاد رغم ان الكثيرين اصله غير سوداني بل من دول الجوار.
نطالب بسحب الجنسية السودانية من كل من ثبتت مشاركته في المعارضة او حمل السلاح.
ارجع سير ارجع سير ي البشير نحن جنودك للتعمير
البشير طاغية اذله الله ..ليس لديه قيم
يا سلام عليك
مليونية الاعتذار لبشة#
تتحدث عن2018 فقد وتنسو الخیر الماضی کان بشامتوکل علی الله وکان القحاط یتوکلون علی امریکه
ياريت البشير يعود يوم ليرى مافعل القحاتة فينا
بشة مفروض يعدم فى مكان عام استلم السلطة بالسلاح وسلمها للحرامية والقتلة تجار وقسموا السودان
واصبحنا دولة ارهابية والحروب فى كل اطراف السودان وتنازل للمصريين عن حلايب وشلاتين واثيوبيا عن الفشقة
وباعوا البلاد للكيزان الخطوط البحرية والخطوط الجوية وتدمير ممنهج لمشروع الجزيرة والسكة حديد وزرعوا الفتنة
بين القبائل السودانية وعملوا من الدولار سلعة تباع فى الاسواق وحتى بشة يتاجر فى العملة واصبح الزول
ما يقدر يطلع قروشوا من البنوك وحياتنا اصبحت دمار فى كل شئ لا صحة ولا تعليم ولا بنية تحتية الله ينتقم منهم
جميعا واتركوهم يعفنوا فى السجون
مليونية الاعتذار لبشة دي حلوه والله ههههههه… بس الاعتذار لايكون لبشه وانما يكون لربنا بالتوبه والاستغفار وان صدقنا خلصنا من الفقر والامراض ورزقنا من الطيبات ويسر لنا سبل عيش هانئ واختار لنا الخيرين ليحكمونا
بالإضافة إلى كل ما ذكره ( هندسه) كان ممشيها بالشحده ما خلى بلد ما شحدها شايل قرعته وحايم العالم يشحد هو ياكل وزبانيته ياكلوا وانتو تاكلوا عشان كده قلبكم مات ياكيزان السجم. إمش يا أجرب.
انتو يا جهلة يا عبيد البوت، انتو فاكرين ذاكرتنا ذبابية ولا شنو؟
علي اليمين الذل العشناهو مع الإنقاذ والثلة الفاسدة القاتلة السارقة المغتصبة مدعي الإيمان راكبي الدين والتدين.
انتو فاكرين نسينا الذل العشناهو واقتحام البيوت والتلاجات وموقف شندي والقتل خارج نطاق القانون؟
يا ذليلين، يا متربين على سرقة أموال الناس، كلكم لا دين لكم ولا أخلاق. ماف واحد فيكم يحدثنا عن البشير، وكمان بتدلعوه بدون خجل يا حرامية.