فيسبوكمدارات

الناشطة تبيان تكشف أسرار مجموعة (لا لقهر النساء): تجند الشابات في السودان للعمل في الدعارة


أنشطه خفيه
اقدار ساقتني لأرى وأسمع مالم أتخيل…
لالقهر النساء
كلنا سمعنا بي المصطلح دا….
المنظمه دي أو المجموعه دي تم تأسيسها في 2009م بالضبط بعد حادثة إعتقال الصحفيه( لبنى أحمد الحسين) … المجموعه دي الكان بيديرا..( أستاذه إسمها إحسان فقيري) (وتهاني عباس) وبعض النساء..

مقسمه لي عدة تقسيمات.. ودائماً بيختارو شخصيات (معينه) وبيحاولو يصلوها ويؤثرو فيها..أو يتبنو قضيه رأي عام إذا كانت بتمس (الإناث) . أنا واحده من البنات ساقني القدر وأكون قريبه من الناس ديل..ويشهد الله ما كان عندي فكره عن المجموعه دي نهائي… في يوم 29 ديسمبر 2018م لقيت دعوه للمشاركة في وقفه بالسوق العربي.. بطبيعة نشاطي واهتمامي بقضايا الثوره.. مشيت وشاركت في الوقفه.. اتلاقيت مع (وئام شوقي) وبقت لي معرفه وبعدها اتلاقينا كم مره (بخرطوم 2)(جُراب الحاوي ومدفًن الأسرار )… وهناك بقيت أتعرف كلُ مره على واحده جديده.. وعرفت إنو معظمهم تابعين لمجموعه إسمها (لا لقهر النساء) وأدنى نبزه عنها وعن تفاصيل نشاطات المجموعه ثم دعوه للإنضمام وفعلا خشيت وسط المجموعه وبقيت بحضر معاهم الإجتماعات والورش وكان دائمآ عندهم (أشاده بالآراء والمقترحات البقدما ليهم) وكنت مابخلي أي لحظه أو موقف أو نشاط إلا ووثقة في الكاميرا وعملت مُنتاج.. وكانو دائمآ بقولو لي (ياتبيان شغلنا دا بدون إعلام مافي زول بيعرفو عشان كده نحن لازم نكثف الإعلام) وحكاية الإعلام دي كان ليها أثر كبير في حضوري الأساسي في كل صغيره وكبيره

اشتدت التظاهرات وبقى الإعتصام وبقت المجموعه دي من المجموعات النشطه في الساحه.. النشاط الخفي للمجموعه دي إنها منظمه كبيييره جدآ وسوق( للدعاره) ونشاط (الدعاره) مانشاط عادي لكن نشاط بينحصر في طبقات اجتماعيه محدده مابين المسؤلين ورجال المال والمستثمرين عندهم طرق معينه للتواصل مع الزول ودي مسؤوله منها واحده إسمها (حنان) تقريباً كده موجوده الآن ومشرفة أو عضو لجنة تعديل قانون الأحوال (الشخصيه) الشكلا حمدوك قبل فتره.. وعندهم تواصل مع دول خارجيه لدرجة إنهم ممكن يبيعو (بت) لي زول بره لمده من الزمن مقابل مبلغ مالي معين (بالدولار) وكل الأنشطة البيطرحوها في الساحه عن حقوق المرأه هي كروت ضغط داخليه وحلقة وصل مع المنظمات الخارجيه (حتي المثلين) عندهم مسؤوله بيشرف عليهم من ناحيه علميه دكتور اسمو (علي بلدو) وهي ذات المجموعه الاستقبلت (أحمد) الجا من أمريكا وقعد هنا في السودان لمدة 13 يوم ورجع…

عندهم (أميره) ودي عنصر مصادم جدآ وزوله شرسه (مسترجله) الحته المهمه إنو المجموعه دي قدرت وصلت مجموعه كبيره جدا من الشابات في السودان.. وبيختارو بي مواصفات معينه واعمار معينه عشان يصنعو داعرات يقدرو يبيعوهم لشخصيات معينه بي مبالغ ماليه معينه.. ولسع هم شغالين تحت مسمي (مجموعة لا لقهر النساء) وعندهم تواجد مكثف في عدة أماكن منها ساحة (اتني) ومدخل شارع المين جامعة الخرطوم ونشاط جامعة الأحفاد.. ومأمون حميده… وممكن يخسرو فيك قروش ويحلو ليك كل مشاكلك اذا هم اختاوركي حسب تقديراتهم.. بالإضافه لتركيزهم المستمر للدعوه للماسونيه
ماتبقي مسكينه وتتاثري…
اقدار ساقتني لأرى واسمع مالم أتخيل..

بقلم
Tibyan Tawfeg


‫23 تعليقات

  1. لا حولة ولا قوة الا بالله وبعد كل هذا السرد عن المجموعه لا أحد يهتم لا شرطة ولا مخابرات ولا نيابة ولا يحزنون والضل حمدود يشيل ويعين في الشكش وبكل بلاهة وغباء وبرود

  2. ربنا يحفظك ويحفظك بنات البلد ، مفروض تفتحي بلاغ لو عندك وثائق.

  3. يجب اعلان الحرب علي هؤلاء الجماعة الماسونية .. ودا ناقوس خطر للمجلس السيادي وللامن الوطني .. اذا كان واحدة منهم اختيرت لتعديل قانون الاحوال الشخصية والمدنية يبقي وزير العدل مشترك بفعالية كبيرة في هذا الموضوع يجب ضرب أوكار هؤلاء .يجب الانتباه لهذا العمل المعلن في تفشي وتأصيل الرزيلة.والدعارة في اواسط فتيتات السودان. لا تاخذكم فهم رحمة .كل الاسماء المذكورة معروفة من ناشطات وقروبات لموا العفن .القحاتيات.الشيوعيات .هذا النشاط اكيد محمي من احزاب يسارية .يجب رصدهم وضربهم في معاقلهم.

  4. الشكلا حمدوك قبل فتره
    يا تبيان توفيق
    لازم تدخلي الزول ده في جملة عشان تكون مفيدة
    ياتو دعارة يا تبيان اكتر من الأربعة القبضوهم في نهار رمضان في احضان
    الإنقاذي !!!
    يعني باعوكي !! بكم !!

    1. نحن مالنا و مال الانقاذي زولتكم دي بتاجر في بنات الناس تقوموا تبرروا ليها بجريمة تانية
      داك فاسد و زولتكم مفسدة بتحاول تبقي بنات الناس شكش و تبقي موضوع الدعارة شئ عادي غير منكر
      و كان على الدفع اكبر مأكلة المنظمات المدعومة من الغرب و ما جرادل ببعيد

    2. اها عشان فى كوز زنا فى نهار رمضان دة مبرر لى غيرو
      اتقى الله يارجل وارفض الخطا اى كان مصدره

      1. يا ابوبكر بالعقل كده مش اي واحد يقول كلام في الوسائط علي طول تصدقهو لو عندها من الأدلة ما يثبت هذا الكلام عليها التوجه فوراً للسلطات مش الوسائط . يعني ما يجي زول يرمي كلام .
        بعدين إتقي الله يعني خاف من الله (لو صدقت كلام البنية دي بدون وثائق ) ممكن اقول ليك إتقي الله
        وانا جبت زول رمضان لأنو كان بالدليل القاطع الإعتراف من الجاني .
        اما حديث هذه البنية فهو قذف للاعراض ( ﴿ إِنَّ الَّذِينَ يَرْمُونَ الْمُحْصَنَاتِ الْغَافِلاَتِ الْمُؤْمِنَاتِ لُعِنُوا فِي الدُّنْيَا وَالآخِرَةِ وَلَهُمْ عَذَابٌ عَظِيم ﴾ [النور:23].

  5. مهما قلتى كفاية قتل واغتصاب البنات والاولاد الموثق بالفيديوهات فى فض اعتصام القيادالهار رمضان وكفاية اغتصاب استاذ احمد الخير وكان سبب وفاته …ماتحاولو تلمعو الكيزان وتعملو انهم ابرياء واشراف اليهود ….هم سبب كل الانحدار الاخلاقى والفساد فى السودان ومن يتقى الله يجعل له مخرجا هم ارتكبو فى الشعب السودانى كل الكبائر كبير وصغير ….وافسدو الحرث والنسل وباعو البلد بالفيها ….نسيتو مجزرة العيلفون نسيتو القيادة العامة وطرقات امدرمان وبحرى…..الفساد الاخلاقى موجود فى كل زمان وكان وبتم معالجته اجتماعيا بتسهيل امر الزواج ومساعدة المقبلين على الزواج….لكن كيف اعمل كدا والكيزان الكبار مدخلين حاويات المخدرات وبتاجرو وعندهم شبكات لتوزيع المخدرات…اللهم ارنا فى القتلة قتلة الصائمين نهار رمضان مغتصبى البنات والاولاد الظلمة الفجار اكلى اموال السحت كهنة معبد المال والنفس الكيزان ارنا فيهم عجائب قدرتك وعظيم سلطانك اللهم اخزهم فى الدنيا والاخرة ونحن خصماءهم يوم القيامة امام الملك القدير ولن نغفر ولن ننسى ….ودا عمل لجان التغييب وسياسة وفرق تسد وشق الناس على الثورة لكن دم الشهداء يحول بينكم وبينا الى يوم القيامة

      1. لا يبيح لها ذلك ودى جريمة فى الدين والقانون ولكن هذه المنظمة ليست حديثة عهد كان مسكوت عنها وعن غيرها من الجرائم الاخلاقية ابان الانقاذ عن قصد والان يتم التشهير بهذه الجرائم والهاء الراى العام بهذه القضايا التى تستفذ القيم الدينية وحرماتنا عن قصد…..ولكن الان نحن امام جرائم ابادة جماعية جرائم كراهية مارسها الكيزان ضد الشعب من قتل واغتصاب وتهجير وتعذيب لالاف الشهداء والضحايا وامام تجويع واذلال وخراب متعمد للاقتصاد والامن الوطنى وانتهاك حرمات البيوت ومستقبل تعليمى منهار وقضايا نكون او لانكون ….فيجب ان نصب جل اهتمامنا بقضايانا المصيرية لنا ولاجيالنا ولبلادنا وحفظ حقوقنا واستردادها ثم تاتى معالجة الاختلالات الاخلاقية بعد ان نقضى على الجوع والحوجة …نرسخ لحياة كريمة للجميع وجزء كبير من هذه الاختلالات سينتهى مع نهاية الجوع والفقر والحوجة والعطالة والجهل….ليس لان الاخلاق هى اخر اهتمامات ولكن عطل سيدنا عمر رضى الله عنه حد السرقة فى عام الرمادة بسبب الجوع…

  6. وين الدليل ما يكون كلام كيزان وخلاص نحن لم نسمع لاى زول بدون دليل واضح عشان دا كلام فيس ساكت
    وحكى فاضى قالت شنو حنان ودكتور علي بلدو هو فى زول ما بيعرف دكتور علي بلدو مستحيل هذا الرجل
    يكون كما تقولين قاتلك الله واكيد الاسم حركى لرجل من الكيزان

  7. الحيوانات البيدافعو ديل .. هم داسنها ما كل القضايا ذات الاولوية هي البتتعلق باعطاء الفتاة السودانية كامل الحرية والتحلل من سلطة الرجل تماما والحق في المثلية وممارسة العلاقات بحرية الا يقولوا دعارة ولواط بالصراحة كدااا بغض النظر عن الاسماء المذكورة صاح او خطأ .. لو الكيزان كانوا قوادين ولوايطة وشراميط انتو عملتوا ثورة عشان تبقوا لوايطة وشراميط وتواصلوا مسيرة الكيزان … محروقين انتو الكيزان

  8. اذا عندك دليل يمكن فتح بلاغات جنائية و سوف يكون معاك مجموعة من المحامين الشرفاء اما اذا لم يوجد لديك دليل و دايرة ليك شهرة و كدا احسن تتراجع عنها و تقدم اعتذارك للمجموعة

    1. ميمد مسكاقمي . طبعاً لابد من معرفة هذه المجموعة التي جاءت من مبادرة نسائية خالصة
      , تم إنشاء “مبادرة لا لقهر النساء” في عام 2009 للدفاع عن حقوق المرأة في السودان .
      زمن السيد بشة , وكان مقصود من هذه المبادرة : وقف جلد (النساء) وكلكم رأيتم كيف
      تجلد وأين ,
      وأنا معك علي السلطات التحرك فوراً والتحري عن هذه الواقعة مع (الشاكية ) وتفنيد أدلتها
      إلا سيكون عليها ما هو حد القذف .
      (إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ) النور/23 .

  9. مظمة شغالة من 2009، عشرة سنوات قبل قحت ، خبرها طلع هسة ، يقبى ده شغل النائت العام أول ما يسمع بجريمة يبدأ إجراءانو و ما محتاج لبلاغ،و ليس شغل حمدوك ولا السيادي

  10. الكلام الفارغ الركيك الملفق دا ما بتقوله الا واحدة خبيثة هي نفسها منحرفة منحطة الاخلاق .. مارست كل صنوف الانحلال والشذوذ .
    والهدف الوحيد من كلاما دا هو تشويه صورة الثورة وصورة الشباب من الجنسين الذين قادوها .
    ودا نفس الاسلوب الاتعمل بيهو برنامج (خفافيش الظلام) الكان بتم عرضه في التلفزيون بعد فض الاعتصام مباشرة وتتم اعادة بثه بصورة متكررة وهدفه اظهار الشباب المعتصمين بالقيادة من الجنسين بأنهم مجرد منحلين أخلاقياً اباحيين مدمني مخدرات ومخربين .
    ….

    لا يقدم على مثل هذا الاسلوب الخبيث الحقير الرخيص الا أعداء الثورة . وأول اعداء الثورة طبعاً هم الكيزان المنافقين وأشباههم وأذيالهم المنتفعين .

    1. لا فض اللهَّ فوك يا عمر
      ولا شوف الطبال (النيلين) معلقين الموضوع كم يوم

  11. السودان بلد مستهدف وأقرب طرق لتنفيذ هذا الاستهداف هو التعامل مع من لديهم استعداد للعمالة ضد وطنهم من الباحثين عن المال ضعاف الوطنية والضمير، وأخيراً اكتشف الشعب السوداني أنه استبدل الكيزان المجرمين بمن هم أضل منهم من عملاء الغرب والشرق أصحاب الأجندة الخفية، والسؤال الذي لم يجد له الشعب السوداني إجابة حتى تاريخه : لماذا السودان في ذيل الدول سواء في محيطه الاقليمي أو عالمياً برغم الامكانات المادية الكبيرة التي يملكها، والكفاءات العلمية التي تشردت في كافة أرجاء المعمورة ( ما ترفع قطعة ثلج في الاسكيمو ستجد سوداني )، الذي اعتقده جازماً أن لا أحد حتى الآن يستطيع أن يحدد أين العلة؟؟؟؟ ولكن إذا قلت أنني أعرف سبب ذلك سيقول الكثير أنت نصاب أو مستهبل أو متعالم ، أو حالم ، فأرجع وأقول الكل يعلم ولكن من يقول البغلة في الإبريق ؟؟