بابكر سلك يكتب: الخطة دي شفتها وييين؟
] الZY دبل دفرنش فيهو دنقلين
] وكلو دنقل فيهو كرونا
] يعني فيهو كرونتين
] الدفار الجامبو
] يشيل ليهو خمسين طن من أمدرمان للنهود
] فيهو كرونا واااحدة
] المريخ يكون فيهو تمنية كورونا؟؟؟؟
] القطر مافيهو تمنية كورونا
] والكورونا معزلة عزل
] تمنية كورونات
] كورونا تنطح كورونا
] عزل عديييل زي الموت
] الموت بختار الخيار
] وكورونا بتاعت ناس سيمبا برضك بتختار الخيار
] دي خطة شفتها قبل كده
] لكن وين مامتذكر
] بس في ناس بقولوا كورونا بتاعت سيمبا دي نفس جيل كورونا الأصابت مازيمبي قبل كده
] ياخ التاج يعقوب ده قحة مابعرف يقح
] يكون عندو كورونا كيف بس!
] لكن حق الحرام مابودي قدام
] والأيام حاتثبت ذلك يوم طيران سيمبا وطيران الخليج
] مازيمبي قال ماعافي ليكم كلو كلو
] المهم طرنا
] ولو تعاملنا بمسؤولية مع المباريات السابقة
] كورونا سيمبا ماكان ودتنا الإنعاش
] لكن مابنطير برانا
] وياحليلك يا أحمد محمد أحمد
] طرنا
] وصن داونز عندو إطناشر نقطة
] ومجموع نقاط باقي مجموعتو تمنية نقاط
] مازيمبي نقطتين
] بلوزداد تلاتة نقاط
] الصفر تلاته نقاط
] يعني صن داونز لو إنقسم على أتنين
] صن وداونز
] بقسم عليهما العشرة نقاط
] يبقى صن خمسة نقاط
] وداونز خمسة نقاط
] يعني أي واحد فيهما بتساوي نقاطو مجموع نقاط الصفر ومازيمبي
] أو مجموع نقاط بلوزداد ومازيمبي
] غايتو أنا لو محل الكاف بطلع قرار بموجبه يصعد صن كفريق وداونز كفريق تاني
] باقي المجموعة كان مشت لي قدام بتحرجنا وتحرج رقبتها
] أيها الناس
] هل كانت لقيادة بعثتنا الخبرة والدراية المؤهلة لقيادة تلك البعثة في هذه الظروف؟؟؟
] شوفوا الفرق بين قيادة بعثتنا لنيجيريا
] وقيادة البعثة دي
] بتعرفوا ليه معمل تنزانيا قال المريخ فيهو تمنية كورونات
] أيها الناس
] الاستفادة من الإخفاقات تعتبر نجاح يغير تلك الإخفاقات لنجاحات
] ولا أحمل أي لاعب مسؤولية الخسارة
] لأن الخسارة أسبابها إدارية
] وداخلية
] وداخلية أعني بها إشكالاتنا التي اوصلتنا لمرحلة أن ينصب أعداء الأمس الأخ أسد شيخاً ويصنعون من أنفسهم حيراناً على الشيخ يفك طلاسم الحيرة
] اشكالاتنا التي ساعدت آدم على تقريب من يحب
] ثم يرمي به بعيداً ليقرب غيره
] لأن آدم بلعب على أخطاء الغير
] مابكلف نفسو يعمل خطة
] تغلط تتحمل
] أيه كان حايحصل لو إعترفنا بنظام ٢٠١٩ م في أكتوبر ٢٠١٩
] يحصل أيه؟
] أيه كان حايحصل لو إعترفنا بمخرجات جمعية ٢٠٢٠
] يحصل أيه؟
] أيه كان حايحصل لو لم نضع العراقيل أمام المجلس المكلف الذي عينته لجنة الإنتخابات المنتخبة بواسطة الجمعية العمومية ؟
] يحصل أيه؟؟؟
] عرفتوا منو الأوصل المريخ لهذه المرحلة؟؟؟
] إيها الناس
] من بعدما فات الأوان
] الليلة جاي بتعتذر
] وترجع أيامنا الزمان
] من وين نجيب ليك العذر؟
] عذر تاني إلا من الفيفا
] وزي ماقال المفوض قبل كده
] الموضوع طلع من يدنا
] ودخل في إيد أمينة
] أها أمينة دي اسم الدلع بتاعها الفيفا
] أيها الناس
] لحدي أسي شايلين مننا حداشر نقطة
] ياخ الألف شالوا منو تلاتة نقاط
] الجنيه وقع
] حداشر نقطة؟؟
] أيها الناس
] إن تنصروا الله ينصركم
] أها
] نجي لي شمارات والي الخرتوم
] كان شفت يا والينا
] بسبب كورونا يوم محكمة قافلنها علينا
] ويوم مدرسة قافلنها لينا
] طيب لو جات في الحلة
] شنو العمل يا والينا؟؟؟؟؟
سلك كهربا
ننساك كيف والكلب قال كورونا الموديل الجديد ده جا بصمة…كجنج…قلبة مفتاح وتوديك
وإلى لقاء
سلك
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة