بابكر سلك يكتب: وووب من رمضان بدون سلطة روب

] رمضان في السودان طقوس وعادات وفهم وقيم واطباق اساسية واخرى تخرج مستبدلة في ايام لتدخل اطباق بديلة
] وبليلة
] رمضان شوربات وشربات وسلطة روب
] الشوربات بالخضار بتبقى
] بالبرسيم بتبقى
] بصلة ودكوة بتبقى
] والشربات لو تموص ليمونة بببقى
] الليمون الغالي ده
] لكن سلطة الروب هي الطبق الوحيد الما بتقلد
] صيني ما موجود
] يا اصلي يا مافي
] واختفت سلطة الروب لاول مرة في تاريخ السودان من مائدة رمضان
] كاس الزبادي بتاع الشركات اياها فاق الميتين وخمسين الف(بالقديم)
] لان تلك الشركات لا بتخاف من رقابة ما موجودة
] لا بتخاف من حكومة ما مهمومة بهم الناس
] حكومة لا بتجيب موية لا بتجيب كهربا لا بتوفر كراس
] وحتى الاسر المتعففة (السودان كلو بقى متعفف) حتى الاسر المتعففة والاسر المنتجة لا تستطيع صناعة زبادي البيت
] لان منافسة تلك الشركات للمواطن في سوق اللبن اوصلت الرطل لمية وعشرة
] زمان في رمضان اللبن برخس
] اسي بغلى اللبن وبرخس الانسان في رمضان
] كيلو الخيار بستمائة الف
] الخياياراية تقع بالشي الفلاني
] والعجورة اصغر من ضنب الجقر الحايم على الخضار بمنتهى الحرية في الاسواق وبالشي الفلاني
] وتبقى حقيقة واحدة ومقولة خلفها الف معنى
] الليلة وووب اختفت سلطة الروب
] ايها الناس
] بالطريقة دي رمضان الجاي عادي ممكن المغرب يأذن ولا يحرك فينا ساكناً او ملعقة
] المهم
] الفيفا ما جابت جديد
] لكنه تمديد مغلف
] ومتى يستتب الامن وتستقر الصحة لتقام جمعية اجازة تعديلات النظام الاساسي حسب خارطة الطريق
] زمان برانا حشرنا الفيفا في شأننا
] وها هي تحشر انف الاتحاد فينا
] الفيفا الخاينة
] الفيفا القاصدانا
] كان ما اخاف الكضب
] الفيفا الهلالابية
] ايها الناس
] زمااان قلت ليكم
] ما يطول عمر طويل العمر الا معارضة طويل العمر التي تستعجل الهدف فترتد الهجمة ويستفيد آدم
] ايها الناس
] ان تنصروا الله ينصركم
] اها
] نجي لي شمارات والي الخرتوم
] كان شفت يا والينا
] موتة ديبي دخلت علينا
] وحقو نفرش يا والينا
] لانو الفقد واحد وجلل يا والينا

سلك كهربا
ننساك كيف والكلب قال نسدها بجاي تتقد بجاي
والى لقاء
سلك

صحيفة الانتباهة