بابكر سلك
كاستن وجاكسون وغردون
* وطبعاً فى تعدد وجبات.
* وسمعنا بالتعددية الحزبية.
* وتعدد الوظائف شفناهو مرتين.
* مرة عند الدسوريين.
* موش بقابلكم مثلاً السيد فلان رئيس الهيئة الفلانية.
* والأمين العام لمنظمة كذا الفلتكانية.
* وعضو المجلس التشريعى.
* ونائب رئيس هيئة المكافلة.
* وعضو هيئة الأفتاء الشرعى.
* والرئيس الفخرى لهيئة الهملايا.
* ورئيس مجلس أدارة بنك الدم.
* ورئيس المحلية.
* ورئيس اللجنة الشعبية بالحلة المعنية.
* تعدد وظائف من امو.
* وورانا المريخ تعدد الوظائف برضو.
* وقلنا وظائف عبدالصمد أكتر من وظائف الكلى.
* ووظائف كاستن أكتشفنا أنها أكتر من وظائف الكلى.
* مدرب حراس ومعد بدنى ومساعد مدرب ومساعد فى وضع التشكيلة.
* مدرب حراس؟
* هم وينهم الحراس؟
* من بداية الموسم لعبنا 10 مباريات ولم نشاهد ألا زغبير فى نصف
مباراة وأكرم لم يتطور ومحمد ابراهيم ماعارفنوا وين.
* هم وينهم الحراس!
* الحكاية دى ذكرتنى فى مسرحية زمان جو واحد(لاطى) قام قابلو
عسكرى قال ليهو بطاقتك.
* الزول قال للعسكرى:بطاقة شنو؟
* العسكرى قال ليهو:بطاقتك الشخصية.
* الزول فتش فى جيوبو زين ما لقى حاجة .
* وقال للعسكرى.
* هى وينها الشخصية يا جنابو الدايرة ليها بطاقة.
* المريخ ده بالطريقة دى حايبقى مستوصف.
* وظائف كلى ووظائف كبد.
* وكمان عندنا فى المريخ زول.
* أخصائى العلاج الطبيعى وزادوهوا وظيفة مدلك كمان.
* فى ميدان جاكسون بتلقى الشعبى والصالحة وأمدرمان بالموردة
والثورات وأمبدات والصحافات وشعبى الخرطوم والكلاكلات.
* كاستن برضو زى جاكسون.
* تعدد وظائف شديد.
* أيها الناس.
* أحد الشفوت رسل لى رسالة نستنكر مايحدث مع هيثم مصطفى.
* يقول فيها.
* الخواجات ديل مالهم مع هيثم؟؟؟فى زول قال ليهو عمك مصطفى
ده كتل غردون؟؟؟؟
* مع خالص تمنياتنا للمريخ بالأستقرار.
* ولن يأتى ذلك مالم يكون النقاش فى أجتاع المجلس اليوم صريحاً
وبأدب لمصلحة المريخ.
* نتمنى ان يوفق المجلس فى طرح الأمور ومعالجتها بالصورة المثلى.
* ومن حقنا جميعاً أن ننتقد بعضنا لمصالح المريخ.
* ولكن بأدب وتسامح وبرضاء كامل.
* ويجب ان نعلم ان النقد لا يعنى تخطى حدود الأحترام.
* ولا يعنى المساس برموز الكيان.
* ولا يعنى التحزب لصالح فرد ضد الآخر.
* فالحزب هو المريخ والوطن كذلك.
* أيها الناس.
* مايحدث من مساجلات بين الوالى وعصام الحاج.
* أمر لا يشبه الرجلين.
* فأن أختلفنا فى طريقة الأدارة.
* يجب ان يتفقا على ان كل منهما يمثل قامة فى المريخ يفخر بها
الجميع.
* وأن أختلاف الرأى لا يفسد ود الأشقاء.
* فنحن فى المريخ أخوة.
* وأتمنى أن يتحلى الجميع بروح الرياضة ومحبة المريخ.
* فجمال يهمنا وعصام كذلك.
* وعصام يشرفنا وجمال كذلك.
* أيها الناس.
* لكل مقام مقال.
* وعندما يكون الحديث عن رمز من الرموز.
* يجب ان ننتقى العبارات والكلمات عند توجيه النقد.
* ليس مداهنة ولكن أحتراماً لشخصيات يجب ان تحترم.
* رموز وأقطاب وأعضاء وشورى.
* هى شخصيات ليست فوق للنقد ولكنها يجب ان تحترم.
* والزول بوقر شيخو.
* ونحنا فى المريخ مشايخنا كتاااااااااااار.
* رموز أرتبطت بالمريخ.
* وأعضاء مجلس.
* أقطاب.
* وفوق كل ذلك أهل الشورى.
* أيها الناس.
* المريخ يضيف الينا أذا أليه أنتمينا.
* ولذا مجد الناس شاخور.
* الزول الساكن لصق شاخور بالحيطة منو؟؟؟
* بالتأكيد مافى زول عارفو لأنو لم يهنأ بالمريخ الذى يعرف الناس
ويعرف(بضم الياء)به الناس.
* فعلى جمال ان لايخرج من وقارو.
* وعلى عصام ان لايفسد الأختلاف عنده ود القضية ومحبة المريخ.
* المهم.
* أمس خسر العالمى السعودى من وصيفه.
* فهل نزعت هذه الخسارة عن النصر وصف العالمى وأعطتها
لوصيفه؟؟؟
* وتيييب.
* أها.
* نجى لى شمارات والى الخرتوم.
* أكان شفت يا والينا.
* واحد بتاع بحر قال.
* طالما عدم الدم لفينا.
* والدوشة يوماتى بتجينا.
* حقو بنك الدم يجيب صراف آلى .
* وفى الشوارع يعملوا لينا.
* لأنو كان وقعنا فى الشارع يا والينا.
* على بال ما نلقى زول يحن علينا.
* وللمستشفى يودينا.
* ويدخلوهوا فى سيك ميك يندموهوا على الخدمة القدمها لينا.
* نكون متنا يا والينا.
* هو نحنا حيين يا أخينا.
سلك كهربا
* ننساك كيف وماعارفين نحنا متنا وحيينا ولا دى أصلو الحلة الفينا.
والللللللللى لقاء
سللللللللللللللك
في السلك – بابكر سلك
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة