مقالات متنوعة

ما قلته يا حميدتى كذب صراح


ثمان الطاهر المجمر طه
ما قلته يا حميدتى كذب صراح طيب طالما انتم جاهزون قدموا استقالاتكم الان وامشوا للمحاكمه والمحاسبه والبريء منكم يعود لمنصبه فورا شريطه حل لجنه نبيل اديب فورا وتشكيل لجنه جديدة برئاسه عميد كليه القانون البروف هنود ابيا كدوف !

( سبحانك لا علم لنا إلا ما علمتنا انك انت العليم الحكيم )
( رب اشرح لى صدرى ويسر لى امري واحلل عقدة من لسانى يفقهوا قولى )
( رب زدنى علما )
فى حديثه لقناه الحدث قال نائب رئيس مجلس السيادة الفريق اول حميدتى هم لم يعيينوا المكون المدنى في مجلس السيادة لكن اقاليمهم هى التى رشحتهم وهذا كذب صراح لا يمكن للاقليم الشمالي ان يخرج في تظاهره جماهيريه عارمه تطالب بتعيين برطم بتاع البيت الابيض السودانى وعضو الموتمر الوطني سابقا والمطالب بالتطبيع مع اسرائيل عضوا في مجلس السيادة اتحداك ان تعرض لى هذا الفيديو الجماهيرى الذي رشح برطم لهذا المنصب والشىء بالشيء يذكر وايضا الدكتوره الناطقه الرسميه باسم مجلس السيادة بنت مولانا عبد الجبار المبارك رحمه الله عليه وهو الراحل المقيم كان صديقي لكن كلمه الحق تقال والحق احق ان يتبع جدها الشيخ الحفيان خال الرئيس برهان مستحيل ان يكون الاقليم الاوسط كله قد اجمع عليها هاتوا فيديو المسيرات الشعبيه الهادره التى خرجت مطالبه بها وهذا ينسحب على بقيه المعينيين من المكون المدنى في مجلس السيادة .
سأل رجل الحبيب المصطفى صلعم او يسرق المؤمن يا رسول الله قال نعم او يزنى المؤمن يا رسول الله قال : نعم او يكذب المؤمن يا رسول الله قال: لا .
على من تكذبون جاء في الأثر من غشنا ليس منا .
وفي نفس حديثه لقناه الحدث حميدتى قال : نحن جاهزون للاستقاله ومستعدون للمحاكمه حسنا قدموا استقالاتكم الان وامشوا للمحاكمه والمحاسبه والبريء منكم يعود لمنصبه فورا لماذا لانه معلوم في الادب القضائى والقانونى اى قاضى إذا طعن احد الخصوم في عدالته بشبهه اتهامه بتهمه ما يتنحى القاضى مباشرة من القضيه ويفسح المجال لقاض اخر انتم الان بعد حديث الفريق كباشى في الفيديو الشهير الخاص بالجريمه الوحشيه البشعه فض الاعتصام والمشهور بحدس ما حدس اصابع الاتههام تشير الى مسؤوليتكم في ما جرى يومها ولذا لابد للجنه المحامى نبيل اديب ان تحل فورا للشكوك التى تحوم حول علاقته بصلاح قوش وتعيين لجنه جديدة برئاسه البروف هنود ابيا كدوف عميد كليه القانون السابق بجامعه ماليزيا ووزير العدل الاسبق والقاضى سابقا وتعطى له كل الصلاحيات وبفتره محددة ومعلومه ومتفق عليها هذا اذا كنتم فعلا انتم لستم طامعين في السلطة كل الحكام يقولون هذا الكلام اتينا خداما للشعب وليس حكاما عليه ثم يمكثون في السلطة ثلاثين او اربعين عاما ويصبح الخادم حاكم والشعب خادم للحاكم .
لعمرى ما ضاقت بلاد داخلها
لكن اخلاق الرجال تضيق .
عثمان الطاهر المجمر طه
هاليفاكس

صحيفة التحرير



‫10 تعليقات

  1. منو خال برهان انت صحفي لكن صفيحه ساي يعني جركانه يعني باقه انت ذاتك كذاب والمؤمن لايكذب
    ماتلولو الكلام وانت قاعد في بيتك
    الحفيان خال برهان ماياهو الحفيان جد الدكتوره تشابه فقط في الاسماء دا في نهر النيل ودا في الجزيره
    يعني بتلولو كدا يعني قريبتو ودخلها عشان كدا
    اما انك زول فارغ وفتان وجبان واجلك بي حميتي احلقك صلعه واسجنك عشرين سنه ي كذاب ي حاقد
    انت مالك تنبذ افضل ليك من تحسد وتكذب وتلفق وتطمث في الحقايق اهل نفسك عشان تكون مؤهل عسي ولعل اختاروك ي ناقص ي مندس تحت الطابعه

  2. انت صديقي جدا لكنك كذاب وصعلوك اولا صلاح قوش ماليهو علاقه باديب ولا اللجنه
    وثانيا الحفيان خال برهان من نهر النيل وداك من الجزيره فقط التشابه في الاسماء لكن انت صحفي بليد وطيش وقروك بالقروش ودا عيب الاسر السودانيه مابخلو الزول حسب فهمو ومستواهو والله العظيم انت عبء علي الصحافه والصحفيين
    والمؤمن لايكذب اها انت كذبت رأيك شنو ي (خيخه)
    بالكلمه بين قوسين كدا عرفتني انا منو وعشان نحنا نحترمك الا ننسي تاريخك ودا مستحيل ي خيخه

  3. انت ماصحفي لان شرط الصحفي ان يكون حصيفا وملم ومثقف وصادق النقل والحوار
    وانت ليس اهلا لذلك

  4. علي الطلاق الزول دا كذاب والشاهد الدكتوره دي والبرهان لا بلمهم حسب ولانسب لا من قريب ولا من بعيد
    الحفيان قريب برهان دا عندنا هنا في نهر النيل
    والدكتوره دي اختاروها فقط للمؤهل عشان تمثل المرأة لانها كانت ماسكه كم برنامج اذاعي علي عدد محططات الراديو ولو كنت صحفي بالجد كنت بتكون متابع برامجها لكن اشك في كونك صحفي

  5. علي السلطات المعنيه التحري من مقال هذا الصحفي ولو ثبت انو كاذب يجب مواجهته بالقانون فورا لان البلد مامحتاجه فتن واكاذيب الفيها مكفيها والنار تبدأ من شراره والفتنه واضحه في مقاله لو طلع صحيح كلام الناس دا الحفيان فقط تشابه في الاسم يحاسب فورا ويحرم من الاعلام لان كاذب

  6. خبوب الواحد ماعندو سجم حبوبتو .. لقى ليهو فرقه يبرطع وتلقاهو خراهو مابيعرف ينضغو كويس فى المستراح .. خليك فى هالبفاكسك دى اكان بتاعت كندا ولا بتاعت الانجليز .. نظم مواعيد استلام شيك الاعانه وكتر من مناديل الحمامات ( العليها اوفرات ) … عشان ريحتك ماتطلع ..

  7. والله كلكم اغبياء وسفهاء وماقاعدين تقروا وتفهموا صاح نعم هو ذكر ان الحفيان خال السجمان برهان الا تعرفون ان كل اهل الجزيره منحدرون من المديريه الشمايه في سابق الازمان لمشروع الجزيره الم يكن شيخكم وقاتلكم البشير ينتمي الي الي قريته اسمها شيخ ايه ما عارف وهو منتمي الي صراصر بالجزيره وعبدالرحيم اللمبي مولود في المناقل ووالده كان يعمل طباخ المستشفي في المناقل وهو محسي من ارض المحس وايش الغرابه ان يكون جد بت عبدالجبار المبارك الكوز الذي كان تابعا لاتحاد الديمقراطي الا يدل علي تدينه علاقته بالشيخ الحفيان الاف المستقرين بوسط السودان ترجع اصولهم للمديريه الشمايه فيهم الدنقلاوي والشايقي والمحسي وين الغرابه ان تكون هذه الكوزه المتحوره التي فشلت حتي في ادارة مدرسه ان تكون تربطها هذه العلاقه من الحفيان وصلة قرابه مع البرهان الذي مافتأ كل يوم ينعق كالحمير ويتحسس رقبته.عالم وهم مافي واحد سجمان علق والا تكاثر السجمانين بتكرار نفس العباطه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *