بابكر سلك يكتب: بداية موفقة
نتيجة مباراة الزعيم الافتتاحية كانت جيدة
*وكانت مفرحة
*برغم انها كانت متوقعة
*وهذه النتيجة القت على عاتق الاولاد عبء المحافظة عليها في مقبل المباريات
*فالغريق قدام
*فحينما تدور عجلات الدوري
*يرتفع مستوى لياقة لاعبي الاندية التي يكون اعداها قدر عينها البصيرة وايدها القصيرة
*وتستأسد تلك الاندية في خواتيم الدوري تجنباً لويلات الهبوط
*وعندها تضطر الاندية التي تتنافس على البطولة
*تضطر للتنقيط
*عشان كده
*وعشان الرزق تلاقيط
*حقو ما نفرط في الماسورة ونبدأ التنقيط
*أيها الناس
*الدوري ابو اربعة مجموعات
*ويشكوها تاني
*ويوزعوها
*الله يستر ما يتدكه
*فمنذ البداية ظهرت اندية قافلة على كرت مات
*كرت الرعاية والتلفزة
*ولعمري هو اخفاق من الاتحاد الذي تباطأ فيهما
*اندية قافلة على دينارية التلفزة وبت هارد الرعاية
*من قولة تيت الاتحاد جدع كل الديناريات والهاردات
*وخلى تلك الاندية ماسكة الورق فوق والجواكر في الصندوق مافي
*القصة دي بتخلي الاندية تلعب لي دكها
*المهم
*اول امس انتصر مريخ القاهرة فرع الخرطوم
*وامس انتصر مريخ القاهرة الام
*وتحمل الانباء مخاطبة مجلس المريخ فرع الخرطوم للهلال للعب باستاده
*وتحمل أنباء اخرى موافقة الكاف على اللعب باستاد السلام وفقاً لما رفعه لها مجلس المريخ فرع القاهرة الام ودبي الجدة
*فلو تأقلمنا على مريخ القاهرة فرع الخرطوم ومريخ القاهرة الام
*كيف ستتأقلم الكاف مع مجلس المريخ فرع الخرطوم ومجلس المريخ فرع القاهرة الام؟؟؟؟؟
*والخوف القصة يبقى فيها
*وانت مال امك انت؟ انت دافع حاجة؟؟؟؟؟
*(نأطنا) بسكاتك
*ولو حصل كده لا قدر الله
*وقام مجلس القاهرة الام بتتريس مطار القاهرة
*ومنع البعثة زي منع مغادرة الشاحنات المصرية
*نطلع لايف يعني ولا نطلع لايف؟
*باقي الاخوة المصريين لما سخن معاهم ترس الشمال طلعوا لايفات بالهبل
*والغريبة معظم الكلام الفيها هبل
*قال ايه
*السيسي يتدخل ويعيد الشاحنات المصرية والسواقين
*المهم
*لو ده حصل
*البلعب في استاد الهلال منو؟؟؟؟؟
*غايتو بالشايفو ده
*المجلس داير جهاز فني اجنبي
*بالطريقة دي لا بكتسبوا خبرات
*ولا بكتسبوا لياقة
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا المكلف بينا
*جارتنا لما طلعت عينا
*باللايفات مرقت علينا
*والله بالدبابات ما بنفتح يا والينا
سلك كهربا
ننساك كيف والكلب قال موش لو طلعتوا لايف… لو طلعتوا زي ال… زي الشنو ما عارف… لو طلعت روحكم تاني سمسم انتاج ما مكتوب عليهو سوداني مااااافي
والى لقاء
سلك
صحيفة الانتباهة
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة