بابكر سلك يكتب: لازم ندق (السيستم)
*العد التنازلي لموقعة صن داونز بدأ.
*ومهما كان إعدادنا واستعدادنا.
*فلسان حال صن داونز يقول لينا.
*إعدادكم لي نفسكم .
*لأنهم يعلمون أننا نعاني نقصاً إفريقياً كبيراً بسبب (السيستم).
*طوالي نحنا داقين (السيستم).
*ولو عارفين قدر أنفسنا ماكان دقينا (سيستم).
*ودقت (السيستم) علينا ماجديدة.
*مرات ندقوا عشان قفل.
*ومرات ندقوا عشان الشبكة في نمرة أتنين كعبة.
*ومرات ندقوا عشان عمل(أميه)وأبي يطابق.
*ومرات ومرات ومرات.
*وطوااالي داقين (السيستم).
*المرة دي لو دايرين ندق (السيستم) صاح.
*نحقق مقولة المريخ بمن حضر.
*وندق صن داونز.
*ودق صن داونز زي دق العيش.
*داير إصرار وقوة تحمل ومقيل في الشمس.
*ماساكت.
*والحتة دي يجب أن يلعب عليها الأولاد وبإصرار.
*مادايرن نكون حصالة للمجموعة.
*وحتى لو فنياً ماقدرنا.
*نفسياً مفروض نقدر.
*فالإعداد النفسي له دور كبير جداً في تفجير الطاقات والمهارات ولو كانت حبة .
*لن تستفيد من الإعداد البدني والتكتيكي حال غياب الإعداد النفسي.
*والإعداد النفسي هو الذي يرفع من درجات الاستفادة من الإعداد البدني والفني.
*لذا .
*خلونا في اليومين ديل نركز على ذلك .
*على شاكلة الترجي يشوف كونفدرالتو وين.
*وشاكلة شامي لي ريحة مطار التي ساعدت في بلوغنا دور الأربعة .
*نستطيع أن نتقدم.
*فقط إذا وثقنا في أنفسنا.
*ولم نعط الخصم حجماً أكبر .
*السنة الفاتت مفروض نغلب الأهلي القاهري ستة.
*ولكنهم تعادلوا برغم سوءهم في ذلك اليوم.
*لأن إعدادهم النفسي كان صاح.
*وكنا نفتقد لذلك الإعداد الهام.
*المهم.
*الأمنيات مع الزعيم الكيان.
*وعلي الأهلة اللعب بطريقة ترس الشمال.
*حتى لاتعبر بهم الشاحنات المصرية إلى بلد لافيها طير لافيها عجمي.
*القصة ماتبقى سماحة استاد سااااااي .
*أيها الناس .
*رزق الأخ الكريم دكتور جاد الله بحفيد أسماه والده محمود كريم.
*تيمناً بجده الكريم.
*مبروك يادكتور جار النبي.
*وركز لينا مع كريم يطلع طرف. شمال لئيم.
*وكان طلع حارس مرمي.
*جد لينا وبختنا.
*أيها الناس.
*إن تنصروا الله ينصركم.
*أها .
*نجي لي شمارات والي الخرتوم.
*والينا المكلف بينا.
*ماتكلف نفسك أكتر من وسعها يا أخينا.
*وما تكلفنا ما لاطاقة لنا به وكان غلبك خلينا.
سلك كهربا
ننساك كيف والكلب قال أول مرة أشوف لي بطيخ دايت….احماااااار…..ومسييييييخ….بطيخ ناس السكري أظنو.
وإلى لقاء.
سلك
صحيفة الانتباهة
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة