بابكر سلك يكتب: كمبالي كبر جد لييينا

*البلد مابتتغير. *لأننا نحنا مابنتغير. *استبشرنا خيراً بترك أمر التسجيلات للمدرب. *قاموا جابوا كمبالي. *المدرب قال يرجع طوالي. *ورجع كمبالي. *وبقدرة قادر. *كمبلت. *وتاني جانا كمبالي. *يبقى ياشلنا الصلاحيات من المدرب. *يا المدرب زول ساي. *ياكمبالي كبر في الأسبوع ده. *قصة زي قصة الزول البقول لبتاع الدكان أديني سجاير أب أصبع. *لو قال ليهو في أب سنون وأب شلاليف وحمودي. *بقول ليهو ماداير. *يقوم يمشي الدكان الجمبو. *يلقي أب أصبع بأربعمية. *يرجع للدكان الأولاني. *هاك أديني أب تلاليش ذاتو. *فهل حينما وجدنا أب أصبع غالي. *رجعنا لأب تلاليش. *ولا الحاصل إيه!. *المهم *الإعداد كيف ومتين ووين والحددو منو؟. *الحددو منو دي أهم شي. *لأنو في ناس بتحدد وتهدد وتقوم نفسها في فارغة. *،أبا كبير قال وين؟. *ولسة الخلافات المريخية المبنية على المصالح الشخصية والمآرب الشللية لسة مدورة. *ومن شابه أباه فماظلم. *ياهو أبونا الوطن يعج في خلافات. *طالت حتى الصوفية. *مدد بي برهانو. *ومدد يرى ذلك المدد وبرهانو للشعب أهانوا. *المولد على الأبواب. *السنة دي حانشوف جنس حدري في المولد. *وقد نسمع مدائح مغارز. *فالخلاف يقود للحماقة . *والحماقة أتوقع منها أي شي. *المهم. *رديف وشباب وكبار. *هل توجد منافسات لتلك الفئات. *أم هو مجرد تحايل لرفع عدد الكشف؟. *وقصة أجانب صغار دي أليست بدعة فيها تجني كبير على الخانات السنية؟. *الإتحاد شايف شنو؟. *والجابوا الإتحاد رأيهم شنو؟. *قاصد شنو؟. *أيها الناس. *تتشابه كل المواسمعندنا. *لأننا نتشابه في كل سنة. *مافي نيو لوك. *يبقى مافي قوود لك. *أيها الناس. *إن تنصروا الله ينصركم. *أيها الناس *طق العصا في الركب مثل قدييييم . *الماعارف معناهو . *يراجع قصة مرفعين. *كيف كان في الأشبال. *كيف مرق. *متين مرق. *كيف رجع. *متين رجع. *بكم رجع. *وجع!!!!. *أها. *نجي لي شمارات والي الخرتوم. *كان شفت ياوالينا. *شيوخنا إختلفوا فينا. *أنت معاهم ولا مع شيوخنا المعانا ياوالينا؟. *الطريقة الديمقراطية السلكية الوطنيه تطالب بخيمة في المولد ياوالينا. سلك كهربا ننساك كيف والكلب قال في البلد دي فضل بس النيل الأزرق يختلف مع الأبيض وينشف نهر النيل ومصر تموووووت…بس. وإلى لقاء. سلك

صحيفة الانتباهة