بابكر سلك يكتب.. المهم غلبنا
إنتصر الزعيم على أهلي طرابلس باي (هوك-كمبالي) OR (كروك- الجزولي).
*إنتصر الزعيم بالرغم من أنو الإنتصار ماكان في كورة قدم.
*كان في أي شي إلا كرة القدم .
*هرجلة ممكن تكون تعبير جيد لما قام به لاعبو المريخ.
*حاجة كده مامعروفة شنو.
*حتى الجهاز الفني غير أنو قام برص حداشر لاعب داخل وحول خط طمنطاشر ماعمل شي.
*وسألت نفسي عن مليارات التسجيلات ودولارات إعادة القيد.
*بحثت عن كل ذلك بين أقدام اللاعبين فلم أجد منه شيئاً.
*ولا مليم .
*هذا المستوى.
*سواءً كان من اللاعبين أو من الجهاز الفني.
*مابعمل شي غير يعجل برحيل المريخ خارج المنافسة.
*نعم لانحلم بالأميرة السمراء.
*فهناك من ظل يحلم بها تسعين سنة دون إنقطاع .
*لما الأميرة بقت قدر اليزابيث ولم ينل ودها بعد.
*لانحلم بالأميرة ولكن نحلم بالتقدم في المنافسة بعيداً.
*وبهذا المستوى مجرد الحلم يعتبر ضرباً من ضروب الجنون.
*على كل.
*إنتصرنا قسمة ونصيب.
*وما النصر إلا من عند الله.
*والحمد لله الذي نصرنا برغم سوءنا .
*والحمد لله الحكم شاهد ماشافش الكورة لما لامست يد الزول.
*الله شافنا قام الحكم ماشاف.
*لو الحكم شاف كان عيننا ماشافت إلا النور.
*أيها الناس.
*ألم يكن الأخ حازم على حق حينما قال حتى الجمهور ببخل بدخول المباريات .
*مع إحترامي لكل من تواجد داخل (قلعة شيكان) متكبداً كل الصعاب.
*هل كان عدد الحضور مشرفاً لنادي في قامة المريخ الجماهيرية؟.
*مريخاب الأبيض بس مفروض يملوا الاستاد.
*نقول معليش الناس طولت.
*والجايات أكتر من الرايحات.
*ونكرر شكرنا لله على نصر في حقيقته هبة منه.
*أيها الناس.
*اليوم يلتقي شباب تنزانيا بالحالمين.
*الحالمون بود الأميرة السمراء.
*يحلموا بيها لما بقت قدر اليزابيث.
*أخاف على الحالمين من رأس الحربة وحظ شباب تنزانيا.
*قال ليك الشباب التنزاني ده شدة مامحظوظ .
*لاعب ليهو كورة محتاج فيها لأربعة أقوان.
*رأس الحربة البعاتي بتاعهم ده جاب تلاتة .
*والدقيقة تسعين.
*الحكم رفع دقيقتين والكورة ضربة مرمى لصالح الفريق الخصم.
*حارسهم شاتها ووقع.
*الكورة جات للبعاتي شاتها دقت في الحديدة .
*رجعت دقت في مدافع الخصم ودخلت قون .
*جماهير شباب تنزانيا قالوا حظ زي ده مابجيهم إلا يوم السبت.
*والليلة السبت.
*أسي جمهور الشباب التنزاني كلو بغني جمب الاستاد.
*الداير (السبت) يجينا يوم السبت ياناس.
*أيها الناس.
*إن تنصروا الله ينصركم.
*أها .
*نجي لي شمارات والي الخرتوم
*كان شفت يا والينا.
*قالوا ندى القلعة تغني في حفل استقبال إيلا .
*ناس قالوا ماياها وناس قالوا ياها بي جضومها وأضنينا.
*الصاح شنو يا والينا؟.
سلك كهربا
ننساك كيف والكلب قال مابصدق لأنها في الإعتصام أعتقد جاتنا وبحلقت عينينا….هي الناس دي مالها؟.
وإلى لقاء.
سلك
صحيفة الانتباهة
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة