بابكر سلك يكتب: السراميك في بيت الجالوص

*لا صوت يعلو فوق صوت تأهيل استادنا

*والسؤال الذي يطرح نفسو

*هل يحتاج الاستاد لإعادة تأهيل ام لاعادة تشييد؟؟؟

*الحتة دي دايرة اجابة بمنتهى الشفافية

*هذه الاجابة يجب ان تستصحب معها طبيعة التربة ونوع الارض التي يقوم عليها الاستاد

*ويجب ان نستصحب ايضاً ما هو الصالح من منشآت الاستاد الحالي وما هو الطالح

*لانو الحتة دي بتخلينا نبعد عن قصة السراميك في بيت الجالوص

*يا اما علاج علمي جذري

*يا بلاش

*وارى انه غير المقصورة والكشافات لا يوجد شيء صالح

*هذه الارض لنا

*ونحن نعلم طبيعتها منذ نعومة اظافرنا

*تعلمنا المشي فيها

*وعاصرنها ومعاصرنها حتى وصلت (صلعنا)الجانب الآخر من رؤوسنا

*ارض تحتاج لجهد جد جد

*لا مستحيل

*كلو شي ممكن يبقى على اصوله

*كردنة كب خرسانة صاح

*عشان كده زرعو ماشي

*اما نحن فلسة مصرين على غرس الشتلات المزهرة للشوفونية

*وبعد اخذ الصور

*تموت الزهرات وتتبعها الشتلات لطبيعة الارض غير الخافية على احد

*يبقى الحل ليس في البل

*لان المشكلة هي البل

*طبيعة الارض انها مبلولة

*يبقى الحل في وقف البل

*وعزل الاستاد كووولو عن الارض المعيبة التي تجاوره

*يتم التشييد بالمواصفات المطلوبة علمياً وعملياً

*خلاف كده

*كلو تلاتة سنين حانزبل

*ويتشقق السراميك المرصوص في بيت الجالوص كعادته

*سراميك بقوم برااا

*المهم

*ظهرت مجموعات افريقيا

*الكل كان يترقبها

*الا انا

*فما يهمني هو المريخ فقط

*وبالشايفو في المريخ ده

*تجدني مقتنعاً باننا كان وقعنا في مجموعة برانا لن نصعد

*الخلاف سلبنا جل قوتنا

*والبطولات الخنفشارية باعت القضية

*والجو غير صحي لاحلام الصعود والتأهل

*ناهيك عن التأهل نفسو

*لم يصل المريخ لهذه الدرجة الا بايدي(اهلو)

*فكم بصيرة ام حمد تعتقد انها حكيمة

*وكم حمد لبد عندما اشتد الفشل

*وكم موقف تغير

*فالمع والضد ليست بقناعة ولكنها بأشياء تانية حامياني وحامية المريخ من الاستقرار

*اضحى المريخ مثل الركشة

*البنط كلو بسوق

*ويجد من يشيد به ولو قلب الركشة في خور

*ممكن يحتفلوا بيهو ويغنوا

*قلبا قلبا قلبا

*عادي جداً يبقى الفشل مصدر اعجاب طالما كان الانتماء للشخوص الفاشلة لا للكيان الكبير

*ولكنها شدة وتزول

*أيها الناس

*إن تنصروا الله ينصركم

*أها

*نجي لي شمارات والي الخرتوم

*تعرف يا والينا

*زمااان علي المك قال لينا

*هل اوصف شوارع الخرطوم بحبيبات الزلط المنثورة فوق التراب الكتير

*ام بالتراب الكتير المتناثرة عليهو حبيبات الزلط؟

شمارات الكلب

ننساك كيف والكلب قال ود الزلط لو صلح الزلط كان بقى والي…. شوارع عدمت الوالي

والى لقاء

سلك

صحيفة الانتباهة