شيخ الأمين فرتق ليك المتقزميين طوبة طوبة !!
شيخ الأمين من بداية الحرب كان متواجد داخل المسيد بمناطق سيطرة مليشيا الدعم السريع خلال الفترة ظهرت فيديوهات كثيره توضح بإنو في تعامل مابينه وبين المليشيا حتى موقفه كان موقف رمادي ما بيحتمل أي تأويل سوى إنو في ( شي ما ) من خلال الظاهر إتناولت قضية شيخ الأمين وكتبته حولها مناشير كتيره في بعض الناس أكدوا إنو موقف شيخ الأمين ده موقف زول مجبور لأنوا متواجد بمناطق الدعم السريع وإنو هو ماقادر يتكلم عن مليشيا الدعم السريع خوفاً منها على نفسه وعلى المواطنين الموجودين داخل المسيد مع إنو أعلن مراراً إنو هو ماواقف مع أي طرف !! وفي بعض الأحيان كان بيقول إنو الدعم السريع هو المسيطر والموجود ع الارض !!
اليوم
شيخ الأمين عمل فيديو (سريع ) ووضح ما دار خلال عملية الإجلاء وذكر بإنو وجودو داخل المسيد طوال العشره شهور بتنسيق مع الجيش السوداني وإنو كان على إتصال دائم مع قيادات عُليا بالدولة وإنو ماممكن يخون بلده أو يدعم متمردين ضد جيش البلاد ،،، الآن شيخ الأمين متواجد بمناطق سيطرة الجيش السوداني فأنا حأقول بإنو التوضيح بتاعوا ده ممكن يكون خوف من الجيش لأنو المشهد متقارب نوعاً ما الببخليني أصدق شيخ الأمين زمن كان وسط المليشيا شنو ؟ والبيخليني أكذبوا الآن وهو وسط الجيش السوداني شنو ؟
ولكن من خلال حديثه شايفه إنو في إرتياح نفسي بعد ما تم إجلائه من مناطق مليشيا الدعم السريع!! ومن محاسن التصريح إنو فرتق إدعاءات المتقزمين طوبه طوبه !!
تبيان توفيق
