بابكر سلك
نحنا قبيييييييييل شن قلنا؟!
* أمس كان موضوعنا مجرد وصيه للوالى والمجلس.
* زكرنا فيها على أن الأعداد الأفريقى يبدأ من هذا الموسم.
* وأن بناء فريق البطولات يبدأ من المراحل السنية.
* وقبل ان تخرج الصحيفة من المطبعة.
* وصلنا نبأ سار جداً.
* قالوا التمرين الصباحى كان نجمه شاوشى.
* وشاوشى هذا ليس بمحترف أجنبى.
* ولا باللاعب الكبير صاحب الأسم الشهير.
* أنه حارس مرمى الرديف.
* أيا والله.
* حارس مرمى الرديف.
* بيان بالعمل يا والى يفسر ما كتبناه.
* والشاهد أوتوفيستر الذى صفق طويلاً لشاوشى.
* وبالرديف مليون شاوشى.
* فقط الفرصة والصقل والثقة.
* وبعدها ستجنى يا والى رطباً كثيراً.
* بدل الدوم البتحصد فيهو كلو سنة ونرويهوا بالكلونيا.
* ما تسقى الدوم كلونيا ياوالينا.
* ماء عذب بسيط لشجرة مثمرة صغيرة فى تربة خصبة جيدة.
* نملأ السوق والجوف والجروف يا والينا.
* جمال أخوى.
* فكر فى كلامى شوية.
* عشان ما نجى السنة الجاية نقول نحنا قبيل شن قلنا.
* عشان الطير ما ياكلنا.
* عشان القدر بدرى ما يفطمنا.
* عشان من قمنا.
* بنحلم بجويات ما من فراغ.
* من تاريخنا لأننا ليها جبنا.
* صدقنى يا ريس.
* قليل من التفكير والتدبير والتبصير.
* من النهائى ما بنطير.
* بنجيب كاس أفريقيا عديل.
* ومعظم نجوم الأندية الأفريقية هم صغار السن.
* أبوعشرين سنة وتسعطاشر.
* وارقو ده جانا عمرو كم؟؟؟؟
* يبقى الموهبة والصقل والثقة هى العناصر التى تخلق النجم بصرف
النظر عن السن.
* برا نجم التسجيلات برا درة التسجيلات برا مواسير برا لمه.
* أيها الناس.
* حكاية مع او ضد فى المريخ ما بنعرفها أبداً.
* فالحكومة والمعارضة فى المريخ عبر التاريخ يذوبان فى بعضهما عند
ما يحتاج المريخ للجهود.
* معارضة تخدم الوطن ولا يهمها أن ينسب ذلك للحكومة لأن الأنتماء
للمريخ الوطنى أسمى من الأفتراء على المجلس أذا أخفق.
* نحنا فى المريخ كده.
* فكونا من بدعة مع وضد الجاتنا جديدة دى.
* المهم.
* كلنا حول الكيان.
* أدارة وجهاز فنى ولاعبين.
* وحول الكيان دى لاتعنى السكوت على الخطأ.
* ولا تعنى دفن الرؤوس فى الرمال.
* ولا المجاملة لأرضاء جمال.
* وأفتكر أن تحقيق أنجاز أفريقى هو مايشرف جمال أكثر من مجاملته
ساعة الأخفاق.
* جمال يا أخوى.
* سمعت كلام البضحكك وبضحك الناس عليك آخر الموسم.
* المرة دى أسمع كلام الببكيك.
* أكيد حايضحكك ويبكى أعداء النجاح وأعداء الأستقرار وحتى أعدائك
الذين يسكتون عن مناصحتك.
* أليس من يسكت عن المناصحة عدو باين؟؟؟؟
* أها.
* نجى لشمارات والى المريخ.
* أكان شفت يا والينا.
* قال ليك فى واحد بتاع بحر مريخابى يلينا.
* قرفان من الحالة الفينا.
* مره كان طالع المسا من البيت يا والينا.
* متزوج ومرتو أسمها الزينة.
* قالت ليهو هوى يا أب غبينة.
* أنا شغلت الموتور وفتحت البلف فى الصهريج عشان يتملى لينا.
* قال ليها فتحتى البلف أنت أصلك جمال والينا؟؟؟
* قالت ليهو خلى الكلام الكتير والنقة فينا.
* بعد ترجع بكون نمت أقفل البلف يا أخينا.
* قال ليها أقفل البلف إنتى قايلانى أنا عبدالصمد يا الزينة!؟!!
* المهم.
* أستراتيجية محددة تهدف الى خلق فريق بطولات يجب ان تكون هى الهدف.
* وأستهداف هذا الموسم فى ذلك يجب ان يكون هو الهدف.
* وبعد ينجض الفريق المباريات التجريبية الأفريقية والدولية ما صعبة.
* تذاكر ساى الجمهور بيدفع تكلفتها.
* واللاعب بيجنى ثمرتها.
* والجهاز الفنى بيقيف على حقيقتها.
* وبنشيل الكاس.
* والله العظيم نشيل الكاس.
* أيها الناس.
* النقد بأدب.
* ولما يكون بأدب.
* ولما يقبل بأدب.
* تكون اكتملت حلقات الأدب.
* ولأننا كلنا ناس أدب.
* يجب ان نترك نغمة مع وضد.
* لننتقد بأدب.
* وليقبل الناس نقدنا بأدب.
* فالأدب نعمة.
* والتأدب جهاد للنفس لتكتسب فضيلة.
* هيا على الفضيلة.
* أيها الناس.
* مصر جداً على الأستعانة بالرديف.
* مصر جداً على مشاهدتهم فى بعض مباريات الدورى الممتاز.
* صدقونى مش حاتقدر تغمض عينيك.
* أها.
* نجى لى شمارات والى الخرتوم.
* أكان شفت يا والينا.
* أمس فى شماراتنا ذكرنا ليك حكاية السخانة والسحائى والتطعيم
والمصل الصينى.
* وقلنا ليك ديل بالسكر ما بطعمونا.
* قامت المطرة صبت يا والينا.
* صاحب الرقم 0910199788 رسالة رسل لينا.
* قال فيها يا والينا.
* الحمدلله المطرة صبت.
* رفعت البلاء والوباء وأن شاء الله ترفع الغلاء.
* وتملأ الجيوب البقت خلاء.
* وتملأ البطون الصابها الخواء.
* وتطمن مواطن تقفل شبابيك بتجيب الهواء.
* وتخلق قلوباً جديدة عنوانها الصفاء.
* وتجيب مسئول علينا يسمع ندانا بكل أصغاء.
* تطرد المرض تجيب الدواء.
* تخلى الما بخجل حبة يخجل بشوية حياء.
* لاتطعيم لا مصل صينى لا أمريكى.
* الله كريم علينا يا والينا.
سلك كهربا
* ننساك كيف وكان سخنت تحت ربك بكندشها من فوق مجااااااانى؟
والللللللللى لقاء
سللللللللللللللك
[/SIZE]
في السلك – بابكر سلك
