بابكر سلك
ضنب الككو
* وبعد تشجرهم الشديييييييييييييد ده هو.
* أوعك تقطع صفقة شجرة.
* فإن شعارنا نحن هو.
* أوعك تمسك ضنب الككو.
* وضنب الككو مقلبنا كتير جداً.
* وسكتنا عسى بل ولعل الأمر ينصلح.
* وفتحنا من الصفحات الجديدة ما كان كافياً لنرسم عليها أروع
الأنجازات.
* ولكن فى الآخر مسكنا ضنب الككو.
* وهنا نوجه رسالة للريس.
* أوعك تمسك ضنب الككو.
* لأنك لو مسكت ضنب الككو.
* بتبقى الجماهير الماسكة فيك برضو ماسكة ضنب الككو.
* أيها الناس.
* ضنب الككو ما بتمسك.
* والبحاول يمسك ضنب الككو.
* بلقى روحو ماسك السراب.
* ماسك الهواء.
* ما ماسك شى.
* ضنب الككو ما بتمسك.
* لذا يا ريس فك ضنب الككو.
* وضنب الككو الماسكو الريس هو بعض حوارييه او أركان حربو.
* مسكوهو ضنب الككو.
* وبالتالى مسكنا نحن ضنب الككو لأننا مسكنا فى الريس قوى.
* يبقى الريس يفك ضنب الككو .
* ومعاهو نحن نتفكه من مسكة ضنب الككو.
* وتتوالى الأنجازات المريخية.
* العملية بسيطة.
* نعلنها حرباً على أى أنسان لا يقدر المريخ.
* ولا تهمه مصلحة المريخ.
* أو بيستهتر بالمريخ.
* سواء كان بالمكتب التنفيذى.
* او كان بالقطاعات المساعدة.
* أو كان عضواً فى المجلس.
* فاللذين طلبوا من عبدالصمد قفل جميع البلوفة ألا البلف الكبير.
* ديل بالذات ما حبابهم.
* ديل جزو من الناس المسكونا ضنب الككو.
* ديل هم ذاتهم السيكونا.
* واللاعبين برضوا.
* فيهم من مسكنا ضنب الككو.
* وفيهم من يصر على أن نمسك فى ضنب الككو.
* بأستهتاره.
* بعدم تقديره للكيان.
* بعدم أقتناعه بأن المسألة شغل ما لعب.
* بفقدانه للطموح.
* بأنعدام الغيرة فى صدره.
* بعدم تأثير الهزيمة عليه.
* أيها الناس.
* السلوك عنوان الشخص..نكررها.
* وللأسف الحته دى فيها شرخ.
* يعلمه الغاشى والدانى والماشى.
* لذا.
* نكرر.
* العين الحمراء.
* التخلص من الناس البى سلوكهم وعدم أنضباطهم مسكونا ضنب الككو.
* فرصة ثانية وصفحة جديدة معاهم ما بتنفع.
* التخلص هو الخلاص.
* المجلس يبقى شجاع.
* يتخلص من المسكونا..والبمسكونا ضنب الككو.
* أفعلها يا ريس.
* ولايبقى أذا ملينا أيدنا منك نطلع برضو ماسكين ضنب الككو وشنب
الككو ذاتو.
* أيها الناس.
* راعى الضان فى الخلا يعلم ببعض الأمور التى لا تتناسب مع لاعب
كرة قدم إطلاقاً.
* يمكن ان تتناسب مع أى انسان ألا الرياضى.
* فكوهم وفكوا ايدنا من ضنب الككو.
* المهم.
* برضو السرير التانى مفرش.
* وباااااااااااااارد.
* والعندو راى تانى.
* يجيب كاسو يختوا فى السرير.
* وكان غلبو.
* البجى ينبطح ساااااااى.
* أصلنا فرشناهم ليهو.
* أيها الناس.
* بالأمس صد جمعة ضربة جزاء.
* لأنه لعب بوعى.
* وعى كبير جداً.
* وعى تكتيكى طبعاً.
* متين نلعب بنفس الوعى.
* فكونا من ضنب الككو.
* الوعى التكتيكى طبعاً.
* المهم.
* بالأمس طالعنا ب(الزعيم) العملاقة أن المجلس يعتبر التكميلية رئيسية.
* ده كلام مظبوط.
* ولكن أيضاً طالعنا أنه لا إتجاه للأجانب فى هذه المرحلة.
* وده تناقض كبير.
* كيف نعتبر يونيو هو موسم التسجيلات الرئيسية..
* ولا نسجل الأجانب فيه.؟
* يفترض نعتبره موسماً للتسجيلات الرئيسية.
* ونضم فيه الأجانبالذين نرغب فيهم.
* لنعطيهم فترة الستة أشهر المتبقية للأنسجام والتأقلم.
* عشان تكون بداية الموسم بالنسبة ليهم ولينا مجرد إعداد.
* وعندها نلعب بأرتياح أفريقياً.
* لأننا سنلعب تمهيدى للأسف.
* لأننا ماسكين ضنب الككو.
* فلما نشطب كل من مسكنا ضنب الككو.
* بنحتاج لزمن يتأقلم فيه الجدد.
* محتاجين إنسجام وتفاهم وروح جديدة فيها الأحترام والولاء والوفاء.
* ولأنو بى ناس ضنب الككو ديل سنفسد الجدد كما كان يحدث كل عام.
* أيها الناس.
* لماذا لم يفكر الجهاز الفنى حتى الآن فى الأستعانة بمواهبا لرديف؟؟؟
* أبراهومة أنت ولد الأشبال.
* وتعلم وتعرف جيداً روح لاعب الأشبال وطموحه فى أثبات الذات
والتصعيد.
* كنا قايلنك حاتكون نصير لاعبى الأشبال.
* لقيناك فى الحتة دى لا بتطقع لا بتجيب الحجار.
* موقف منك قوى.
* يشركهم.
* ونستفيد.
* نرتاح يا أبراهومة من درة التسجيلات وقنبلة الموسم.
* فكر يا أبراهومة فأن التاريخ لا يرحم.
* وأيض التاريخ لا ينسى للناس مواقفهم النبيلة وقراراتهم الجميلة.
* ولك ان تختار فى اى الصفحات ستسجل سيرتك.
* مجاملة..تم نهى كرتا.
* والجماهير قرفت من الصبر.
* ولكن على الأشبال يطول حبل الصبر.
* لأنهم شكلاً ومضموناً وإنضباطاً.
* ما ممكن يمسكونا ضنب الككو.
* تعالوا نفك ضنب الككو ونمسك فى الحقيقة.
* عندها الواقع سيرحب بنا ويسجل لنا التاريخ إنجازات جديدة.
* أيها الناس.
* سأحدثكم غداً عن العم عبدالقادر الجعلى.
* عن رجل قبض على المريخ بيدٍ من حديد.
* وأستمتع بالمريخ وأمتع بالمريخ غيره.
* وقبض ضنب الككو.
* أنه عمنا عبدالقادر الجعلى.
* بكرة بحكى ليكم قصتوا.
* أها.
* نجى لى شمارات والى الخرتوم.
* أكان شفت يا والينا.
* بعد تحطيم حديقة الحيوانات بالخرطوم.
* وبعد تسريح الحيوانات.
* وبعد هروب الككو وجميع أهلو.
* ودخولهم جامعة الخرطوم.
* وساكنين داخلى كمان على النيل.
* طلعنا برضو يا والينا.
* ماسكين ضنب الككو.
* مسكتونا ضنب الككو وقعدتوا يا والينا..؟؟؟
سلك كهربا
* ننساك كيف ومسكنا ضنب الكككو وقبضنا الريح.
والللللللللى لقاء
سللللللللللللللك
في السلك – بابكر سلك
